Skip to main content
127

Dette jobopslag er udløbet

Inuussutissarsiornermut Nukissiuuteqarnermullu Naalakkersuisoqarfik controllerimik sulisussarsiorpoq

Suliffeqarfimmi pissanganartumi sulisoorusuppit, aammalu inuussutissarsiornermut nukissiuuteqarnermullu suliassaqarfimmut ineriartortitsinermut tapertaarusuppit? Misilittagaqarpit kiffartuussinermillu suliaqarnermik ilisimasaqarluarlutillu suliffeqarfimmi inussiarnersumik oqaloqatigiittarnermut peqataarusuppit? Apeqqutit taakkua angerlutit akisinnaagukkit una atorfik ilinnut piukkunnarpoq.

Atorfik pillugu
Atorfik Naalakkersuisoqarfimmi Aningaasaqarnermut Nukissiuuteqarnermullu immikkoortortaqarfiani inissisimasuuvoq, tassanilu ilaatigut immikkoortortaqarfiit akimoorlugit suliassat ulluinnarni ingerlatsinermut tunngasut suliarineqartarput. Suliassat arlallit uuliamut gas-imullu sussasaqarfimmut attuumassuteqassapput naalakkersuisoqarfiullu uuliamut tunngasunut immikkoortortaqarfia qanimut suleqatigalugu suliarineqartassallutik, aammattaarli naalakkersuisoqarfimmi immikkoortortaqarfinnut allanut attuumassuteqartassallutik.

Suleqatitaassatta ilaatigut makkua suliassarissavai:

  • Suliassat naatsorsuuserinermut aningaasanillu atuineq pillugu nalunaarsuinermut tunngasut, ilaatigut kulbrintinut susassaqarfimmut attuumassuteqartut
  • Pisiassat allagartaannik aqutsillunilu atsiorluni atulersitsineq
  • Naalakkersuisoqarfiup kontoinut arlalinnut tunngatillugu qaammatikkaartumik missingersuutinik malitseqartitsineq
  • Immikkoortortaqarfiup suliassaqarfiinut allanut suleqataaneq soorlu assersuutigalugu pisiniarneq, pisiortorfinnik il.il attaveqarneq


Ilinnut tunngasut
Pisortaqarfinni allaffissornermik sulinermik sivikinnerpaamik ukiuni pingasuni sulinermik misiittagaqarnissat kissaatiginartipparput.

Aammattaaq imaattunik piginnaasaqartuunissat kissaatigaarput:

  • Naleqquttumik piginnaasaqalersitsisumik ilinniagaqarsimaneq
  • Peqqissaartumik, aaqqissuulluakkamik namminersuutigalugulu sulisinnaasoq
  • IT-mi atortorissaarutinut nutaanut ilikkajaneq pikkoriffigigit Excel-illu atornissaa pikkoriffigaat
  • Suleqatikkuminartuuvutit kiffartuusserusussuseqarlutillu
  • Marluinnik kalaallisut qallunaatullu oqalussinnasutit, aammalu tuluttut oqalussinnaaguit iluaqutaassaaq
  • Pillagaasimanngitsutut allagartaqartutit


Namminersorlutik Oqartussat Qarasaasiatigut Aningaasaqarnikkullu atortuinik ilisimasaqaruit iluaqutaassaq, tamannali piumasaqaataanngilaq.

Inuussutissarsiornermut Nukissiuuteqarnermullu Naalakkersuisoqarfik pillugu:
Inuussutissarsiornermut Nukissiuuteqarnermullu Naalakkersuisoqarfik suliffeqarfiuvoq pissanganartoq. Ulluinnarni sulinerput inussiarnisaarluni ingerlatsiviuvoq, inerniliussanullu inuttut nammineerluni suliaqarsimanerup takussutissaqartinnissaanut inissaqarpoq. Naalakkersuisoqarfik immikkoortortaqarfinnut pingasunut agguarneqarluni aaqqissuunneqarsimavoq  Aamma Atuisoqarnermut Unammilleqatigiinnermullu Aqutsisoqarfik aamma Nukissiorfiit Naalakkersuisoqarfiup ataani inissisimapput. Inuussutissarsiornermut Nukissiuuteqarnermullu  Naalakkersuisoqarfik suliffeqarfiusoq ineriartortitsinermillu amerlasuunik suliniuteqarfiusoq tunniusimalluartunillu sulisulik suliffimmik pissanganartumik allanngorarfiusumillu neqerooruteqarpoq. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsi- taanermi soraarnermilu angalanissamut akiliunneqarnissamut pisattallu nassiun-neqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. 

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. Oqaloqatiginninnerit ingerlaavartumik ingerlanneqarumaarput.

 E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk