Skip to main content
144

Dette jobopslag er udløbet

Inuussutissarsiornermut Nukissiuuteqarnermullu Naalakkersuisoqarfik Nukissiuuteqarnermut suliassaqarfimmut arlalinnik sulisussarsiorpoq

Atorfik pillugu:
Inuussutissarsiornermut Nukissiuuteqarnermullu Naalakkersuisoqarfik Aningaasaqarnermut Nukissiuuteqarnermullu immikkoortortaqarfimmiittussanik sulisussarsiorpoq, Nukissiorfiit tassaapput Kalaallit Nunaanni  suliffeqarfiusoq nammineertitaq Nukissiuuteqarnermik Imermillu pilersuinermik suliffeqarfiusoq immikkoortoqarfimmut pilersaarutaata atuutsilerneranut nalunaaruteqartarfimmi qitiusumik inissisimasussanik. Nukissiuuteqarnermik pilersuinermik ulluinnarni pilersuinermik ingerlatsinermillu isumaginnittumut Nukissiorfinnut attaveqarfiussaatit.
 
Immikkoortortaqarfimmi suliassat assigiinngitsorpassuit isumagineqarput, ilaatigullu makkuninnga sammisaqalersinnaavutit/si:

  • Naalakkersuisumut sullissineq, ilanngullugit Naalakkersuisut isummernissaannut tunngavissiissusiornerit, tunngavigisassatut allakkiornerit, oqalugiaasiornerit, § 37-mut tunngasutut apeqqutinik akissuteqarnerit il.il.
  • Immikkoortortaqarfinnut oqartussaqarfinnullu allanut tunngasunik susassaqarfiit akimorlugit  ataqatigiissaarisunik atuuffiit
  • Nukissiuuteqarnermut naalakkersuinermik suliaqarnermut atatillugu siulersuisunik siunnersuinerit
  • Nukissiuuteqarnermut Imermillu pilersuinermut Immikkoortortamut pilersaarutip  atuutsilerneranik nalunaarusiornerit
  • Aningaasaqarnermik missingersuutinillu aqutsinerit, sulianik isumaginninnerit, kiisalu allattoqarfimmi atuuffigisat
  • Paasisitsiniaanermik suliassat, soorlu tusagassiorfinnut nalunaarutinik, oqalugiaatinik aamma suliniutaasunut ilapittuutinik suliaqarnerit.

Suliassarpiaviit illit piginnaasavit misilittakkavillu aalajangissavaat.
 
Illit pillutit:
Suleqatissanik naalakkersuinermut tunngasumik aaqqissuussaqarfiusumik aamma/imaluunniit namminersortutut inuussutissarsiorfimmit misilittagalinnik sulisussarsiorpugut.
 
Taamaattumik makku pingaartippavut:

  • Namminersuutigalugu suliaqarsinnaanissat suliassanillu ukkataqarsinnaanissat Naalakkersuinikkut aqutarineqartumik aaqqissuussaqarfiusumit aamma/imaluunniit namminersortutut inuussutissarsiornermit misilittagaqarnissat
  • Suliassat assigiinngisitaartut iluarisimaaritit
  • Sungiussiasuuvutit, peqqissaartuuvutit ajornartorsiutillu iluarsiiviginiarnerini misissueqqissaarlutit isumaginninniartuullutit
  • Oqaatsit tungaasigut piginnaaneqarluarputit, ilaallutik kalaallisut, qallunaatut tuluttullu oqaatsit.
  • Suliassaqarfimmut naleqquttumik kandidatitulluunniit ilinniarsimasuuvutit

Suliassat isumagisatit naalakkersuinerup tungaanit alaatsinaanneqarnerat ajorinngilat, oqaatsillu paasiuminartut atorlugit ajornartorsiutit paasiuminaatsut paasissutigitinnissaannut piginnaaneqarputit. Nammineersinnaanerit, pimoorussinerit, iluarsisaqarniartuunerit pingaartuutippavut.
 
Inuussutissarsiornermut Nukissiuuteqarnermullu Naalakkersuisoqarfik pillugu:
Inuussutissarsiornermut Nukissiuuteqarnermullu Naalakkersuisoqarfik suliffeqarfiuvoq pissanganartoq. Ulluinnarni sulinerput inussiarnisaarluni ingerlatsiviuvoq, inerniliussanullu illit isumaginnissimanerpit takussutissaqartinnissaanut inissaqarpoq. Naalakkersuisoqarfik immikkoortortaqarfinnut pingasunut agguarneqarluni aaqqissuunneqarsimavoq
Naalakkersuisoqarfimmi suleqatigiit 36-uvugut. Aamma atuisoqarnermut Unammilleqatigiinnermullu Aqutsisoqarfik aamma Nukissiorfiit Naalakkersuisoqarfiup ataani inissisimapput – Inuussutissarsiorneq aamma Nukissiuuteqarneq, kiisalu Uulia/Gassi. Tamakku saniatigut naalakkersuisoqarfimmi pisortamut toqqaannartumik akisussaaffeqartumik inatsisilerinikkut siulersuinermik atuuffeqartoqarpoq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut sulisussarsiorneqartumut inummut ataatsimut tungatillugu atatillugulu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
 E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk