Skip to main content
153

Dette jobopslag er udløbet

Inuussutissarsiornermut Niuernermullu Naalakkersuisoqarfimmi pisortaq

Kalaallit Nunaanni Namminersorlutik Oqartussat Inuussutissarsiornermut Niuernermullu Naalakkersuisoqarfimmi Naalakkersuisoqarfiup pisortaatut atorfimmut sungiussilluarsimasumik pissarsiorput.

Aaqqissuussaaneq
Inuussutissarsiornermut Niuernermullu Naalakkersuisoqarfik pingasunik immikkoortortaqarpoq, matumani ilaallutik aningaasaqarnermut allaffik, inatsisilerinermut allaffik kiisalu inuussutissarsiortunut immikkoortortaq.  Atuisoqarnermut Unammilleqatigiinnermullu Aqutsisoqarfik naalakkersuisoqarfiup aamma suliassaqarfiisa ataaniippoq
Naalakkersuisoqarfik Namminersorlutik Oqartussanut ilaavoq oqartussallu suliassaqarfii suliaralugit, soorlu inuussutissarsiortunut inuussutissanullu inatsiseqartitsineq, inuussutissarsiutinik takornariaqarnernullu tunngasunik siuarsaaneq, matumanilu nuna tamakkerlugu takornariaqarnermik suliaqarnermik periusissiorneq. Aamma isumagineqartarput nilannik imermillu avammut tuniniaaneq kiisalu nilannik imermillu tuniniaanermut inatsimmik aqutsineq, nuna tamakkerlugu niuernermut pilersuinermut tunngasut, matumanilu nunaqarfinni isorliunerusunilu aningaaserivinnik pilersuineq kiisalu nunani tamalaani Kalaallit Nunaannik nittarsaassineq. Tamakku suliarineqartarput inuiaqatigiinni imminut napatittumik aningaasaqarneq eqqarsaatigalugu suliffissuarnut tunngatillugu, unammilleqatigiinnissamut inatsimmut tunngatillugu aamma tunngaviusumik neqeroortitsisarnermut inatsimmut tunngatillugu kiisalu avammut nioqquteqarnissamut tunngatillugu (aatsitassat avammut tuniniarneqarnissaannut akuersissutit minillugit, aatsitassat pillugu inatsit malillugu).

Akisussaaffeqarfiit
Naalakkersuisoqarfimmi pisortap aqutsisut allat peqatigalugit suliassai pingaarnerit tassaapput naalakkersuisoqarfimmik ulluinnarni aqutsineq aammalu Inuussutissarsiornermut Naalakkersuisoq naalakkersuisoqarfiup akissussaaffiinut tunngatillugu siunnersornissaa.

Aammattaaq naalakkersuisoqarfimmi pisortap makku akissussaaffigai:
Naalakkersuinikkut aqutsisut aalajangiinissaannut tunngavissiornissaq aamma anguniakkat naammassisassallu anguneqarnissaat qitiutillugu naalakkersuinikkut aalajangiinerit atortuulersinneqarnissaat
Naalakkersuisoqarfinnut allanut, aqutsisoqarfinnut, immikkoortortaqarfinnut, suliffeqarfinnut, paaqqinnittarfinnut suliaqartunullu allanut tunngatillugit naalakkersuisoqarfiup suliassaanik ataqatigiissaarineq, kiisalu taagorneqartut taakku pitsaasumik suleqatigiinnissaannut aqqutissiuussinissaq
• Nalinginnaasumik allaffissornikkut malittarisassanik, ingerlatseriaatsinik pitsaassutsimullu piumasaqaatinik piviusunngortitsinissaq
• Naalakkersuisoqarfimmik aqutsineq, matumani ilanngullugit:

  • Aaqqissuussaassutsimik inerisaaneq aamma attaveqartarnernik atassuteqartarnernillu pitsaasunik erseqqissunillu pilersitsineq
  • Sulisunik aqutsineq inerisaanerlu
  • Suliassanik pilersaarusiortarneq isumalluutinillu atuineq
  • Sulianut tunngatillugu ineriartortitsineq
  • Naalakkersuisoqarfimmi suleqatinik suleqatigisartakkanillu avataaneersunik suleqatigiilluartarnerup pitsanngorsaaffiginissaa


Piginnaasat
Atorfimmik inuttaliinermi makkua pingaartinneqassapput:

  • Naleqquttumik qaffasissumik ilinniagaqarsimasoq, kiisalu naalakkersuisoqarfiup akisussaaffianut tunngasut ilaasa tamarmiusulluunniit iluini suliamut tunngasutigut attuumassutilinnut ilisimasaqarluarneq
  • Inuiaqatigiinnik kalaallinik paasisimasaqarluarlunilu ilisimasaqarluarneq aammalu kalaallit oqaasii ilanngullugit eqqarsaatigalugit
  • Naalakkersuisut, Inatsisartut kommunillu akornanni sunniiveqatigiittoqartarneranik ilisimasaqarluarnera
  • Pingaarnersiuinissamut siunnerfeqartumillu suliaqarnissamut, sunniuteqarnissamut angusaqartarnissamullu tunngatillugit piginnaasaqarluartoq
  • Suliffeqarfimmik naalakkersuinikkut aqunneqartumi sulianik aqutsinissamut misilittagaqarluartutit kiisalu aningaasanik aqutsinermi akisussaassuseqartutit
  • Naalakkersuisoqarfiup qitiusutut suliassaasa sunniuteqarluartumik naammassineqarnissaannut tunngatillugu illup iluani avataanilu suliaqartartunik peqataatitsisinnaassuseqartoq
  • Aqutsisinnaanermut ataqatigissaarisinnaanermullu piginnaasaqarneq, aammalu pilersaarutinik annertunerusunik sunniuteqarluartumik ingerlatsinissaq qulakkeerlugu.
  • Attaveqallaqqissuullunilu suleqateqarluarsinnaanera


Attaveqartarfissat
Naalakkersuisoqarfimmi pisortaq Inuussutissarsiornermut Niuernermullu Naalakkersuisumut attaveqartarpoq apeqqutini Naalakkersuisoqarfiup oqartussaaffigisaata iluani Naalakkersuisunut naalakkersuinikkut anguniagaasa piviusunngortinneqarnissaannut tunngasuni kiisalu Naalakkersuisoqarfimmi ilinniagaqarnikkut aqutsinermi ingerlatsinermilu. Naalakkersuisoqarfinnut allanut tunngatillugu naalakkersuisoqarfiup suliassanik ataqatigiissaarisarneranut tunngatillugu apeqqutini, aamma nalinginnaasumik allaffissornikkut ingerlatsinermi anguniakkanik, malittarisassanik, periutsinik pitsaassutsinullu piumasaqaatinik il.il. malitseqartitsinissamut tunngatillugu apeqqutini naalakkersuisoqarfimmi pisortaq Naalakkersuisut Siulittaasuata Naalakkersuisoqarfiani pisortamut attaveqartarpoq.
 

Atorfinitsitaanermi atugassarititaasut
Atorfik ukiuni sisamani atuuttussamik inuttalerneqassaaq piaarnerpaamik imaluunniit isumaqatigiissuteqarnikkut. Atorfik akissaateqarfimmi LR 39/40-mi maanna inissisimavoq. Akissarsiat (LR 39) aalajangersimasut ukiunut aalajangersimasunut isumaqatigiissuteqarnermut tapit ilanngullugit imatut isumaqatigiissutigineqarsimapput: 1. april 2021-miit qaammammut kr. 85.016 aammalu ukiumut kr. 1.020.200 soraarnerussutissanut tapiissutit kiisalu soraarnerussutisianut tapit ilanngullugit.

Aallaaviatigut isumaqatigiissutini atugassarititaasut malillugit atorfinitsitsisoqassaaq: Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput.

Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.



Paasissutissat allat aamma qinnuteqarnissamut piffissaliussaq il. il.:
Naalakkersuisoqarfiup suliassai il.il. pillugit aaqqissuussaanikkut pilersaarut nassuiaallu uani takuneqarsinnaapput www.naalakkersuisut.gl.
Atorfik internetikkut attaveqaat ataaniittoq atorlugu nassiunneqassaaq, nassiussamilu ilaassapput qinnuteqaat, inuunermi sulerisimanermik allattorsimaffik, soraarummeersimanermut uppernarsaatit pappiaqqallu allat qinnuteqaammut attuumassuteqartut. Atorfimmut piukkunneqartut misilitsittaqattaarnissartik naatsorsuutigissavaat.

Apeqqutissaqaruit naalakkersuisoqarfimmi pisortaq Hans-Peder Barlach Christensen saaffigisinnaavat uunga hape@nanoq.gl.

Atorfinitsitsinermut suliamut apeqqutissaqaruit attavigisinnaavat Jan Mørch Pedersen uunga jan@speedrecruiters.gl imaluunniit oqarasuaat +299 538708 / +45 54310600

Qinnuteqarnissamut piffissaq killissaliussaq 1. Februar 2022. Piukkunnartut oqaloqatigiinnissamut aggersarnissaat ataavartumik pissaaq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk