Skip to main content
153

Dette jobopslag er udløbet

Inuussutissarsiornermut Niuernermullu Naalakkersuisoqarfik Inuussutissarsiornermut Niuernermullu Immikkoortortaqarfimmut immikkoortortami pisortassarsorpoq

Inuussutissarsiornermut Niuermullu Naalakkersuisoqarfik Inuussutissarsiornermut Niuernermullu Immikkoortortaqarfimmut inuussutissarsiornermi niurnermilu suliniutinut nunalu tamakkerlugu suliniutinut tunngatillugu Naalakkersuisunik sullissinermi siuttuusussamik immikkoortortami pisortassarsiorpoq.
Kissaatigineqarpoq atorfik 1. februar 2022 allatulluunniit isumaqatigiissuteqarnikkut inuttalerneqassasoq.
Atorfik pillugu
Immikkoortortaqarfimmi pisortap sulisut arfineq pingasuniit qulit missaaniittut aquppai, immikkoortortaqarfimmi pisortap Naalakkersuisut inuussutissarsiornermi niuernermilu politikkimi anguniagaasa anguneqarnissaasa qulakkeernissaa suliassaasa pingaarnersaralugu.
Atorfimmi eqqissimasinnaassuseqarneq tamanillu takunnissaannaasoqarneq pisariaqarpoq – aamma piffissani ulapaarfiusuni.
Inuussutissarsiornermut niuernermullu immikkoortortaqarfimmi ilaatigut makkuninnga suliaqartoqartarpoq:

  • Inatsisit nutaaliat atorlugit Kalaallit Nunaanni inuussutissarsiortunut sinaakkutaasumik atugassarititassanik piareersaaneq
  • Inuussutissarsiornermi periarfissanik atuuttunik inuussutissarsiutinillu nutaajusinnaasunik ineriartortitsineq
  • Inuussutissarsiornermi nutaanik periusissiorneq atuutilersitsinerlu
  • Kalaallit Nunaanni inuussutissarsiornermik inuussutissarsiornermilu periarfissanik nunat tamat akornanni takoqqusaarisarneq
  • Immikkoortortanut ataaniittunut sullissinermik isumaqatigiissusiortarneq nangiteqqiisarnerlu
  • Inuussutissarsiorneq niuernerlu pillugit politikerinik sullissineq
  • Immikkoortaqarfinnik allanik aamma Inuussutissarsiortut, suleqatit avataaneersut, kommunit, soqutigisaqartut aamma pingaartumik Kalaallit Nunaanni Danmarkilu pisortani oqartussanik allanik oqaloqateqartarnikkut isumasiueqateqartarneq.
     

Immikkoortortaqarfimmi pisortaq pisortaqatigiinnut peqataavoq, taakkulu tassaapput Aningaasaqarnermut Misissueqqissaartarnermullu Immikkoortortaqarfimmi immikkoortoqarfimmi pisortaq aamma naalaakkersuisoqarfimmi pisortaq. Immikkoortortaqarfimmi pisortaq pisortaqatigiinnut ilaanermigut suliniutit anguniakkallu pillugit suliaqarfiit akornanni suleqatigiinnerup qulakkeerneqarnissaa akisussaaqataaffigaa. Immikkoortortaqarfimmi pisortap naalakkersuisoqarfimmi pisortaq toqqaannartumik qullersaraa.
Atorfimmut atatillugu angalasoqartarpoq piffissallu suliffiup nalinginnaasup avataani suliassaqartarluni. Naatsorsuutigineqassaaq piffissat ilaanni annertuunik suliassaqartarnissaq, taamaamat sulinermi tamatigoortuunissaq anguniakkallu anguniarlugit sulerisussuseqarnissaq kingunerai.
 
Kissaatigaarput ukuninnga piginnaasaqassasutit:

  • Suliffimmi politikkikkut aqunneqartumi sulinermik misilittagaqarneq
  • Aqutsinermik misilittagaqarneq, kissaatiginarporlu atuarfiup taamaattup assingani
  • Inuussutissarsiornermut niuernermullu immikkoortortaqarfiup suliarisartagaanik suliassanik assigiinngitsorpassuarnik sulerususseqarneq piginnaasaqarnerlu
  • Sulisunik aqutsisoq pikkorissoq, sulisut ineriartortinnissaannik kajumissuseqarnissaannillu tappiffiginnittoq
  • Suliamik ingerlatsinermi assigiinngitsunik piginaasaqarneq, suliassarpassuarnik ataatsikkut ingerlatsisinnaaneq ajornartorsiutinillu nutaanik sukkasuumik takunnissinnaaneq
  • Atorfimmi naalakkersuisoqarfimmilu suliassanik misilittagaqarneq, ilisimasaqarneq soqutigisaqarnerlu
  • Kalaallit Nunaanni inuiaqatigiinni inuussutissarsiornermilu pissutsinik ilisimasaqarneq
  • Inussutissarsiornermi inuiaqatigiilu aningaasaqarnerannik ilisimasaqarneq iluaqutaassaaq
  • Ingerlaqqilluni naleqquttumik ilinniagaqarneq
  • Kalaallisut, danskisut tuluttullu oqalussinnaaguit iluaqutaassaaq
     



Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

1. april 2021 LR 38-mi akissarsiat imak isumaqagitiissutigineqarnikuupput qaamammut  Kr. 56.370 ukiumullu Kr. 676.441 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.


Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat annertunerusut
Atorfik pillugu annertunerusunik paasisaqarusukkuit Naalakkersuisoqarfimmi Pisortap 
Hans -Peder Barlach Christensen e-mailikkut
hape@nanoq.gl /+299 34 66 30 attaviginissaanut tikilluaqqusaavutit.
Naalakkersuisoqarfik pillugu annertunerusunik paasisaqarusukkuit uani www.naalakkersuisut.gl uagut pilluta paasissutissat amerlanerusut takusinnaavatit.

Qinnuteqarneq
Qinnuteqarnissamut killigititaq tassaavoq ulloq 1. februar 2022.
Ulloq atorfiniffik piaarnermik isumaqatigiissuteqarnikkulluunnit.
 
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk