Skip to main content
136

Dette jobopslag er udløbet

Inuttassarsiuuteqqitaq - KANUAANA Sisimiut immikkoortortaqarfiani Ilinniartussarsiorpoq

Inuttassarsiuuteqqitaq: Kalaallit Nunaanni Aalisarsinnaanermut akuersissutinik Nakkutilliivik Sisimiut immikkoortortaqarfiani Aalisarnermik Piniarnermillu Nakkutilliisutut ilinniartunik 3-4-nik pissarsiorpoq

Nakkutilliinermi, nakkutiginninnermi misissuisarnermilu peqataallutit Kalaallit Nunaanni inuussutissarsiutit pingaarnersaanni sulerusissinnaavit?

Atorfittaarnerni atatillugu Aalisarnermik Piniarnermillu Nakkutilliisutut akademisut ukiuni marlunni ilinniagaqassaatit. Ilinniarneq immikkoortunik assigiinngittunik aaqqissuussaavoq, atugarsornertalik ilinniarnermut atatillugu suliffimiinnermi sanileqarluni ilinniartitaaneq. Ilinniartitsissutit ilinniarnerup ingerlanerani suliassanik/soraarummeernernik naggaserneqartassapput. Ilinniarneq tamarmiusoq soraarummeernermik naggaserneqassaaq, tassani allaganngorlugu tigusassaq.

Qinnuteqartut misilitsinnerat
Qinnuteqarnissamut killissarititap naareernerani qinnuteqartut ilaat toqqarneqassapput, taakkulu eqqarsariarsinnaanermik misilitsissapput taannalu naammassigaanni oqaloqatigineqassallutik.

Atorfik pillugu
Aalisarnermik piniarnermillu nakkutilliisutut suliassatit tassaanerussapput aalisarnermi piniarnermilu inatsisit aalajangersakkallu eqqortinneqarnerannik nakkutiginninneq nakkutilliinerlu.
Tamanna immami nunamilu aalisarnernut atatillugu atuuppoq. Aalisarnermik nakkutilliisut suliassaasa pingaarnerit ilaat tassaavoq aalajangersakkanik aalisarnermi atuuttunik aaliasartunut iitsersuineq. Tamassuma saniatigut aalisarnernik piniarnernillu assigiinngitsunik nakkutiginnittoqartarpoq nakkutilliisoqarlunilu. Inuussutissarsiortunut, aalisarnermi piniarnermilu aamma sullissinernik arlalinnik suliaqartassaatit.

Atortut inerteqqutaasut atorlugit sumiiffinniluunniit matoqqasuni aalisarneq/piniarneq pinngitsoortinniarlugu aalisarfinni/piniarfinni assigiinngitsuni misissuisassaatit. Nalinginnaasumik misissuineq  aalisariutit tulaassineranni angallatini tulaassereernerullu kingorna pisisumi siullermi pisarpoq. Tigusillattaarluni misissuisoqartarpoq. Nalunaarusiorneq allaffimmilu suliassat allat suliassanut ilaapput.

Piffissaq suliffik allanngorassaaq, sulinissamullu pilersaarut qaammatikkaarlugu siumut suliarineqartartoq malillugu sulisoqartarpoq. Ulloq unnuarlu sapaatillu ulluini tamani sulisinnaassaatit. Nunatsinni suliaqarfiusuni allani sulisoqarsinnaavoq.

Piginnaasat

  • Inuussutissarsiutinut ilinniagaq naleqquttoq ilinniagarluunniit alla naleqqiunneqarsinnaasoq sivikinnerpaamillu ukiuni marlunni sulinermik misilittagaqarneq..
  • Tamanik takunnissinnaassaatit, aamma pisut sukkagaangata ajornakusooraangatalu.
  • IT atorlugu sulerususseqarsinnaassaatit atuisutullu Microsot Officemi programmit atorsinnaallugit.
  • Kalaallisut danskisullu oqalussinnaassaatit aammalu allaganngorlugu oqaluinnarluni ersarissumik oqalussinnaassallutit.
  • Biilinik ingerlatsinissamut allagartoaqassaatit (suussuaeq B).
  • Pinerluuteqarsimannginnermik uppernarsaateqassaatit.

Ilimagaagut:

  • Suliartortuaannassasutit.
  • Suliffimmi politikkikkut aqunneqartumi sulersussuseqartutit
  • Nammineersinnaasusit aalajangiisinnaassuseqartutillu.
  • Timikkut nukittuusutit.

Illit pillutit
Sullissisinnaanissat, ikiuussinnaanissat ulluinnarnilu nuannaartuunissat aamma pingaartippagut. Aaqqissuussamik sulisinnaassuseqassaatit suliassanillu pitsaasunik takkussisinnaassaatit naammassinnissinnaallutillu. Aamma pisariaqartillugu immikkut suliaqarususseqarnissat pingaartipparput. Aamma Kalaallit Nunaanni inuiaqatigiinnik ilisimasaqarnissat inuiaqatigiinnilu pissutsinik paasinnissinnaanissat kissaatigaagut.

Soqutiginnittut tamaasa inuttut tunuliaqut apeqqutaaatinnagu atorfimmut qinnuteqaqqallugit Kalaallit Nunaanni Aalisarsinnaanermut Akuersissutinik Nakkutilliisoqarfiup kaammattorpai.

Neqeroorutigaagut
Suliffik tamatigoortoq atorfeqarnermipiginnaasanik ineriartortitsinissamik ilinniaqqinnissamillu periarfissaqarfiulluartoq. Sulisup suliffia tassaavoq Kalallit Nunaanni Namminersorlutik Oqartussat Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) Sisimiut immikkoortoqartaqarfiani suliffiugallassalluni.

Sapinngisamik piaartumik inuttalerusuppagut imaluunniit isumaqatigiissuteqarneq tunngavigalugu.

KANUAANA pillugu
KANUAANA Nuummi qullersaqarfeqarpoq nunallu immikkoortuini pingasuni Sisimiuni, Ilulissani Nuummilu allaffeqarpoq. Qullersaqarfimmi sulisut 15-iupput tamanna allaffissornermi immikkoortunnik aaqqissugaasut, It-mut immikkoortoq ataaseq, nunat tamat suleqatigiinnerannut immikkoortoq aamma nakkutilliinermut immikkoortoq aalisarnermik alapernaarsuisunik aqqaneq marlunnik sulisunik aamma nunap immikkoortuini allaffiit pingasut katillugit aalisarnermik piniarnermillu nakkutilliisunik aqqanilinnik piniarnermillu nakkutilliisunik tallimanik sulisullit.
Aningaasarsiatigut atorfinitsitaanermilu atugassarititaasut
Akissarsiatigut atorfeqarnermilu atugassaritinneqartut Kalaallit Nunaanni Namminersorlutik Oqarutssat kattuffiullu isumaqatiginninniarsinnaatitaasup pineqartup akornanni isumaqatigiissutit AK-mi atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Atorfik pillugu paasissutissat annertunerusut allaffeqarfimmi pisortaq Tanya Andersen, oqarasuaat toqqaannartoq 345379 saaffiginninnikkut pissarsiarineqarsinnapput imal. taan@nanoq.gl

Naalakkersuisut pillugit
Unammillerneqartunik ujartuiguit sulinikkullu ulluinnarni sulineq sunneeqataaffigerusukkukku siunissarlu ilusilersueqataaffigerusukkukku Kalaallit Nunaanni Namminersorlutik Oqartussani sulineq ilinnut piukkunnarpoq.
Ilimagaarput sulisut annertuumik akisussaassuseqassasut suliamillu ingerlatsinermi piginnaaqassasut. Pissutsinik pitsaasumik nalilersuisinnaassuseqassasut. Tamassuma saniatigut ulluinnarni sulinemik aaqqissuussinnaanissaq tamanillu takusinnaassuseqartuarnissaq pingaaruteqarput.

Kalaallit Nunaanni Namminersorlutik Oqartussani Qitiusumik Allaffissuaqarpoq 650-it sinnerlugit sulisulik naalakkersuisoqarfinnut arlalinnut avataani immikkoortortanut arlalissuanut agguagaasaut. Inuit 2500-t Namminersorlutik Oqartussanut atassuteqarput. Qitiusumik Allaffissuarmi suliassat tassaapput Naalakkersuisut politikkikkut aalajangiinissamut pitsaasunik tunngavissaqarnissaasa qulakkeernissaa kiisalu politikkikkut aalajangikkat piviusunngortinneqarnissaat.

Kalaallit Nunaanni Namminersorlutik Oqartussat pillugit uani annertunerusumik atuarsinnaavutit http://www.naalakkersuisut.gl/atorfiit
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk