Skip to main content
75

Dette jobopslag er udløbet

Inunnik isumaginninnermut siunnersorti

Inunnik Isumaginninnermut siunnersortimik, Qaqortumi Inuusuttut Inaat pissarsiorpoq, piaartumik, isumaqatigiissuteqarnikkulluunniit, sulilersussamik.
Inuusuttut Inaat, meeqqanut sumiginnarneqarsimasunut ulloq unnuarlu angerlarsimaffiuvoq, meqqat inuusuttuaqqallu  0 -miit - 18-nit tungaannut ukiullit, aammalu ilaqutariit. Ulloq unnuarlu angerlarsimaffik, Namminersorlutik Oqartussat,  Inunnik Isumaginninnermut immikkoortortaqarfianut, Ilaqutariinnut, naligiisitsinermut, inatsiseqarnermullu akisusaaffeqarfiup, ataaniippoq.  Inuusuttut Inaat pingasunik immikkortortaqarpoq, sulisunullu 19-nut naatsorsuussaalluni. 
 
Isumaqarpugut inuuneq naallugu ilikkariartorneq ineriartornerlu pisartut, taavalu uagut Inuutsuttut Inaanni, meeqqat, inuusuttut, ilaqutariillu, qanilaartumik ineriartortinnerannut pilersitsisinnaalluta. Upperivarput meeqqat, inuusuttut, aammalu ilaqutariit, allanut peqatiminnut attaveqartarnertik ineriartuutigisaraat. Tassa perorsaasut aalajaatsut naammassisaqarluartarput.
 
Inunnik isumaginninnermik siunnersortip suliassai ilaatigut imaapput

  • Allatsittunik tigooraaneq - immikkoortortaqarfik tigusinissaanut piareersarlugu.  Nuunnerit immikkoortortaqarfik peqatigalugu , piareersarlugit.
  • Immikkoortortaqarfimmi sulisut peqatigialugit, killiffimmik nalunaarusianik, kiisalu aamma sullissinermut pilersaarutinik sammisaqarneq.
  • Kommuunimut pisortaqarfinnullu allanut attaveqartarneq.
  • Suleqatinut, LTF, kaajallaasitat, aalajangersakkat, inatsisillu allat, meeqqanut inuusuttunullu tunngasut,  pillugit, paasissutissiineq.
  • Perorsaanermik suliaqartut allaaserinninnermik ilitsersorlugit.
  • Nalunaarusiat/Sullissinermik pilersaarutit, piffissarititaasup iluani suliarineqartarnissaasa misissugarineri.
  • Anaanaasut/Ataataasut oqaloqatigineqartarneri pilersaarusiukkat.
  • Meeqqat inuusuttullu oqaloqatigineqartarneri pilersaarusiukkat.
  • Suliamut attuumassutilinnut ataatsimeeqataasarneq.
  • Suliami suleqatigisanik ataatsimiisitsisarneq.


Illit

  • Inunnik isumaginninnermut siunnersortitut ilinniarsimavutit, ulloq unnuarlu angerlarsimaffinni sulinermik misilittagaqarlutit, tamannali piumasaqaataanngilaq.
  • Allatut ilinniagalinnik suleqateqarsinnaavutit.
  • Perorsaanermik suliaqartut suliaat pillugit siunnersuisinnaavutit.
  • Meeqqat/Ilaqutariit ataasiakkaat pillugit, paasissutissanik tulleriissaarisinnaavutit ataqatigiissaarillutillu, qanimut avataaniillu suleqatit, peqatigalugit.
  • Meeqqat inuusuttullu sumiginnagaasimasut kingunerlutsitsisarnerannut ilisimasaqarputit.
  • Qanilaartuuvutit,  periarfissanullu tappittoq.
  • Marluinnik oqaaseqarputit, tamannali piumasaqaataanngilaq.

 
Sapaatip akunneranut akunnerit 40-it sulisarnissaq aalajangersimavoq
Ineqarneq.

Ulloq qinnuteqarfissaq kingulleq 5.06 2020.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk