Skip to main content
91

Dette jobopslag er udløbet

Inunnik isumaginninnermik siunnersorti

Sungiusarfik Aaqa nuna tamakkerlugu ulloq unnuarlu najugaqarfiuvoq arfineq marlunnik immikkoortortalik, immikkoortortallu arfinillit 32-inik inissalik, ornittagarlu 15-inik atuisulik. Najugaqartut tamarmik skizofreni-mik nappaatilittut suussusersineqarnikuupput. Aaqa suliffeqarfiuvoq ineriartortoq, 100-it missaanik sulisulik immikkoortortani assingiinngitsuni sulisut. Supervisionernissamik periarfissaqarpoq, ineriartornissamillu oqaloqatiginnittarnerit kiisalu pikkorissartarnissat periarfissaallutik.

Sungiusarfik Aaqa-mi inunnik isumaginninnermut siunnersortitut kommunit inissiisimasut ulluinnarni attavigisarneri  akisussaaffigissavat. Suliassat taaneqartut saniatigut nutserisarnerit suliassat aamma ilaapput.

Inunnik isumaginninnermut siunnersorti forstanderimut nalunaarusiortarpoq.

Suliassat suuneri:

  • Kommunini najugaqartut sullissisuinut attaveqartarneq, immikkoortortani aqutsisut suleqatigalugit
  • Suliassat najugaqartunut tunngasut akisussaaffigineri
  • Immikkoortortat kommuninut qinnuteqaasiortarnerini ikiuuttarneq inatsit innarluutilinnut siusinaartumillu utoqqalinersiaqalernermut atuuttoq tunngavigalugu
  • Sulisut, ineriartornermut pilersaarusiornerini, killiffiit pillugit nalunaarusiornerini ilitsersuineq siunnersuinerlu, suliassanut pilersaarusiat/sapaatip akunneranut pilersaarutit/ullormut pilersaarutit suliarineri, kiisalu najugaqartut suleqatiginissaannik akuliutitsinniarlugit oqaloqatiginerini peqataasarneq
  • Isumaginninnerup iluani inatsisinik tunngasunik atuuttunik nutaanillu malinnaasarneq, suliffeqarfimmullu ingerlateqqiisarneq
  • Ineriartornermi pilersaarusiornermut atatsillugu ataatsimiinnerni, suliassanik pilersaarusiorluni misissuillunilu ataatsimiinnerni, kommunit ataatsimeeqatiginerini, tarnimikkut napparsimasut napparsimavianni Skejby-imiittumi Nuummiittumillu pinerluuteqarsimasunik isumaginnittoqarfimmut ataatsimeeqateqartarnerni allattuusarneq
  • Allattariarsornermi nutserisuusarneq kalaallisuumiit danskisuumut / danskisuumiit kalaallisuumut
  • Nutserisuusarneq tarnikkut ilisimasalik Aaqami ineqartunik oqaloqateqarnerani
  • Nutserisuusarneq tarnikkut ilisimasalimmut Aaqami sulisut pikkorissarneranni, najugaqartunut tunngasut, suleriaatsinut tunngasut il.il.
  • Tarnikkut ilisimasalik Aaqami ineqartunik oqaloqateqarnerani tapertaasuusassaaq kalaallit kulturiannik oqaasinillu ilisimasaqartuussalluni.


Makku naatsorsuutigaagut:

  • Inunnik isumaginninnermi siunnersuisartutut ilinniagaqarneq, ajornanngippat tarnimikkut nappaatilinnik sullissinermik misilittagalik
  • Eqqarsartaatsikkut nukittuneq
  • Qungujunnartunik nuannarisaqarneq suleqatinut najugaqartunullu isoriniartuunnginneq
  • Sulisunik kulturimut aaliangersimasumut pituttorsimanngitsunik suleqateqarusussinnaaneq
  • Ilinniakkamut tunngasunik ineriartorusunneq
  • Aalajaatsuuneq marluinnillu oqaaseqarneq ajoqutaanavianngilaq
  • Pinerluuteqarsimannginnermut allagartaq uppernarsaat
  • Aqutsisunut ilumoortuuneq suleqatiginnikkusuttorlu
  • Suliffiup pitsaasuunissaanik tunniussisinnaaneq
  • Peqataalluarusunneq kajumissaasinnaanerlu
  • Nuannersumik inooriaaseqarnissamik isiginnittariaaseqarneq, ajunngitsumik siunnertalimmik pilersitsisinnaaneq
  • Allakkat kal./dk aamma dk/kal nutsersinnaallugit.


Piffissaq sapaatip akunneranut suliffiusartoq akunnerit 40-tiimiupput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk