Find job
Dette jobopslag er udløbet
Inunnik isumaginninnermik ikiorti
Innarluutillit angerlarsimaffiat IVAARAQ pissarsiorpoq. Inunnik isumaginninnermik ilinniagalimmik (socialhjælper) Atorfeqartussaq ullormiit 01.11-2023 aallarnerfigalugu imaluunniit isumaqatigiinnikkut.
Ivaaraq nuna tamakkerlugu ulloq unnuarlu angerlarsimaffiuvoq meeqqanut, inuusuttunut inersimasunullu innarluutilinnut.
Tungujortumi-mi meeqqat inuusuttullu 10-it. inissaqartinneqarput, Sungaartumilu 5-t. inissaqartinnneqarlutik.
Ineqartut amerlanerit kaasuartakkanik atuisuupput. Tamarmillu sukkut tamatigut ikiortariaasinnaallutik aammalu kaammattorlugillu ikorfartugassaapput.
Atuartuutigut Tasersuup atuarfiata immikkut innarluutilinnut atuarfianni”Tungujortuaraq-mi” atuartarput.
Inuusuttut/inersimasullu ulluinnarni Ivaaqap ornittagaani ”Orpigaq”-miitarput.
Tagiartortinnerit sungiusarnerillu Ivaaraq-mi ingerlanneqartarput.
Ivaaraq suliffiuvoq pissanganartoq, ilinniarfiulluarsinnaallunilu pikkorissarfiusinnaasoq.
Ilinnut kissaatigaarput:
- Socialhjælperitut imaluunniit socialmedhjælperitut ilinniarsimanissat
- Suleqatikkuminartuullutillu aalajaatsuusasutit, misilittagalillu
- Pilersitsiumatuujullutit sullarissuullutit nikallujaatsuunissat
- Akisussaaffimmik tigusinissamut piareersimasoq
- Meeqqanik inuusuttunullu ineriartornikkut kinguarsimasunik sullissinermik soqutigisaqartuunissat
- Sap. ak. Naaneri allortarlugit unnukkullu sulinissamut piareersimassasutit
- Pinerlussimannginnermut uppernarsaat politiinit atsiugaq pigissagit
Aningaasarsiat atorfinitsinneqarnerillu:
Namminersorlutik oqartussat, S.I.K-llu isumaqatigiissutaat najoqqutaralugu aningaasarsiaqartitsisoqassaaq.
Paasissutissat allat:
Annertunerusumik paasisaqarusukkuit atorfimmut tunngatillugu ornigullutit imaluunniit sianerlutit paasiniaasinnaavutit ukununnga:
Tungujortumi oqarasuaat 64 21 13 – 2 Pisortaq Sussi Larsen, mail sussi@ivaaraq.gl
Qinnuteqaat tunniutereersimassaaq kingusinnerpaamik 23.10-2023
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job