Inuilip kollegiaani aqutsisoq - Food College Greenland 

Food College Greenland allaffimmiumik kontorfuldmægtigimik kollegiap allaffeqarfiani atorfinittussamik, april-ip aallaqqaataani 2023`mi sulilertussamik imaluunniit isumaqatigiissuteqarnikkut.
Kollegiani aqutsisup qulakkiissavaa attartuisussat aallartinneri taamaatinnerilu tamatumani ilanngullugit attartornermut isumaqatigiissutit illullu akiligassartaasa nassiunneqartarnissaat (Namminersornerusut kollegiaani allaffissornikkut aaqqissuussaaneq aqqutigalugu), kiisalu najugaqartut ilisimatittassallugit malittarisassat atuuttut suunerinik aamma ilinniartunik sullissineq immikkut ukkataralugit 18`it inorlugit ukiullit.
Ilanngullugu aamma kollegiani aqutsisup akisussaaffigivaa, kollegiani najugaqartut siunnersuisooqatigiiffiat, taakkualu nakkutigisarivaat kollegiani tigussaasumik pisussat assigiinngitsut ataqatigiissinneqarnissaat isumagissallugit.


Kollegiani aqutsisup Inuili – Food College Greenland´imi allaffissornerup iluani pingaaruteqartut ilagilluinnarpaat. Allaffissornermi pingaartitavut tassaapput sungiussiassutsimik pikkorissumillu allaffissornikkut avatangiisigissaartoqassasoq, sulisullu oqaluukkuminartut nuannersumillu pissusillit. Kollegiani aqutsisutut suleqatigiinni peqataatinneqassaatit, allaffissornikkut suliaqartunut, ilinniartut atuariartornermi najugaqarnerata allaffissornertaa Ilinniarfiup ilinniartitaaneri tamaasa akimorlugit.

Suliassat
Ulluinnarni eqeersimaartumik suleqatigivatit eqimattat faglæreritut aamma allaffissornikkut suliaqartut suliamik pilersaarusioqatigalugit. Siunertat pingaarnerit kollegiani aqutsisumut tassaapput suliamik pikkorissumik ingerlatsilluni qulakkiissagai kollegiat allaffissornikkut ingerlalluarnissaat taamaalilluni ilinniarnermi avatangiisit nuannersut pilersitseqataaffigissallugit, taamaatiinnartartut ikilisarniassallugit ilinniartullu atuariartornerini ilinniarnissaminnik avatangiiserissaarnissaat pilersissallugu. Ulluinnarni allaffeqassaatit ilinniarfiup allaffimmiui issiaqatigalugit, taakkuummata kollegiat pillugit isummersorfigisassat aamma suleqatissat kiisalu suliassanik aamma pilersaarusioqatigissallugit.

Illit neqeroorutigivat:

• Allaffimmiutut tunulequtaqarnissat illuutileqatigiinnilu misilittagaqarnissat pitsaaqutaassalluni
• Inuusuttunik sullitaqarnissamik soqutinninnissat
• Suleqatigiinnissamik piumassuseqarnissat inuusuttunillu eqeersimaartitsinissat piginnaaneqarfigalugu
• Qummut isigisassatut nuannaartorinartoq, ammasoq nuannersorlu
• Pinerlussimannginermut, meeqqanullu pinerlussimannginnermut uppernarsaateqarnissat
• Bilernermut allagartaqarnissat
• Pigaartuunermut aaqqissuussamut piareersimasarnissat ammarsarfiup naliginnaasup avataatigut
• Aalajaatsuunissat, akisussaassuseqarnissat Ilinniarfimmullu ineriartortumut ilaallutit peqataanissat
• Allaffissornikkut suliaqarnissamik piginnaaneqarnissat, sullissinermik piginnaaneqarnissat aamma namminersorlutit sulisinnaallutillu suleqatigiinni suleqataasinnaasutit

Uagut neqeroorutigivarput

• Atorfik ineriartornartoq tamatigoortorlu illup iluani avataanilu atituumik attuummassutilimmik attaveqartitsisoq
• Suliffiup ingerlaasiinut sunniuteqarnissamik periarfissiisoq
• Ilinniartitaanerup allaffissornerata iluani suleqatit akimorlugit suleqatigiittoqarlunilu isummersueqatigiittoqartoq
• Suleqatit pitsaasut, suliffimminnut inerisaaneranullu tunniusimasut avatangiisillu pitsaasut
• Suliffiup piffissatigut sulinissamik pilersaarusiornermi ammasumik periarfissiisoq

Imatut qinnuteqassaatit
Qinnuteqaat nassiuguk, CV, ilinniarninni pikkorissarsimaninnilu uppernarsaatitit, allatigullu siornatigulluunniit sulisimanermik naleqquttumik uppernarsaatit ilanngullugit ”Qinnuteqaat nassiuguk” tuuinnassavat.

Aprilip aallaqqaataani 2023 sulilissaatit imaluunniit isumaqatigiissuteqarnikkut.
Atorfimmut tunngatillugu oqaloqatiginninnerit ingerlaavartumik ingerlanneqarumaarput, taamaattumik utaqqinak massakkut CV aamma qinnuteqaatit nassiutiinnaruk.
Atorfimmut apeqqutissaqaruit, tikilluaqquneqarputit Ilinniarfiup pisortaa, Forstander Poul N. Christensen uunga allaffigisinnaallugu poch@inuili.gl imaluunniit allaffimmi aqutsisoq Inger Rosing Sperling allaffigisinnaavat uunga insp@inuili.gl Aamma attavigisinnaavarma oqarasuaatikkut uunga: oqarasuaat 661313.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk