Skip to main content
116

Dette jobopslag er udløbet

Inuili overassistent-imik sulisussarsiorpoq

Nunatsinni nerisassiornermik Ilinniarfik INUILI, Narsaq, sulisuusussamik overassistent-mik inuttassarsiorpoq.

Suliassat:
Taamatut atorfinittussap allaffimmi sulisuusut allat suleqatigalugit ilaatigut makkuninnga suliaqartussaassaaq:

  • IRIS atorlugu akiligassalinnik ingerlatsineq
  • Karsimi nakkutilliineq
  • Allakkanik inissittiterineq
  • Naatsorsuutinik akissarsanillu oqimaaqatigiissitsinerit
  • Aningaasartuutit isertullu inissaanut ikkussuuneqarneri
  • IT-Reg-itigut qarasaasiatigut ilinniartunik ingerlatsinerit
  • Uannut Tunngasut/MIT Perspektiv pillugit qarasaasiatigut aaqqissuussinerit
  • IRIS-itigut akiligassanik ingerlatsinerit
  • Allaffimmi pisortamut taartaasarneq.

Naatsorsuutigivarput, illit:

  • STI/TNI toqqammavigalugit aammalu arlaatigut ingerlaqqiffiusumik ilinniagaqarsimassasutit, soorlu EVU/NI.
  • Allami suliamut assingusumi suliaqareernikuusimassasutit
  • Office aammalu Namminersorlutik Oqartussat qarasaasiatigut atortagaat ilisimasaqarfigilluassagitit
  • Inatsisit peqqussutillu ilisimasaqarfigilluassagitit
  • Patajaatsumik suleriaaseqassasutit
  • Kiffartuussinissaq siunertaralugu ulluinnarni pingaartitsisuussasutit
  • Kalaallisut danskisullu oqaaseqartuussasutit.

Atorfininnissamut piffissaliussaq:  1. juni 2019 imaluunniit isumaqatigiissuteqarnikkut.
Periarfissaqarputit atorfik pillugu ilinniartitaanermut pisortaq Anna Marie Knudsen, annak@inuili.com imaluunniit Poul Nørris Christensen, pnc@inuili.com oqarasuaat + 299 661313 aqqutigalugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk