Inuili – Food College Greenland kantiinami, suliamik ilinniarsimasumik ataatsimik, sulisussamik pissarsiorpoq.

Sulinertaa
Kantinami suleqatigiinni peqataassaatit, suleqatissat pingasut suliamik ilinniarsimasut peqatigalugit. Suleqatigiillusi kantinami suliassat naammassisassavasi ullormut nerisassat ullaakkut, ullup qeqqanut unnukkullu isumagisaralugit.

Atorfik tamakkiisumik suliffiuvoq, sapaatip akunneranut akunnerit 40`ut suliffiulluni.

Ilinnut tunngatillugu:

• Suliamik ilinniarsimasuuvutit:

Inuussutissalerinermi ikiorti imaluunniit inuussutissalerinermi assistent´i, Gastronomassistent´i, Igasoq

• Sapaatip akunneranut nerisassat allattorsimaffiat pilersaarusiorlugu kajumissuseqarputit, igaassanillu pissanganartunik sanarusullutit
• Suleqatiginnillaqqipputit aaqqissuussaalluartumillu sulerusullutit
• Nuannaartuuvutit, nutaaliullaqqillutit aamma inunnut allanut isumassarsisitsillaqqipputit
• Namminnersorlutit sulillaqqipputit aamma akisussaaffimmik tigusillaqqipputit
• Inuilip kantiinaani inerisaanikkut nuannersumik sunniuteqarsinnaavutit

Uagut pilluta

• Nunatta tamarmiusup Food College´erivaatigut aamma ilinniartut ilinniartitaanerni makkunani suleqatigivagut: Iffiortoq, Inuussutissalerinermi ikiorti aamma assistenti, Gastronomassistent`i, Igasoq, receptionist`i aamma saqisoq
• Tatiginninneq pingaartipparput, ataqqinninneq suleqatigiinnerlu ulluinnarni sulinitsinni atugaraarput
• Naligiilluta naapittarnerput nuannaraarput
• Suliamik avatangiisivut nuannersuullutillu toqqissisimanartuupput, tamattalu immitsinnut ajunnginnerpaamik pineqarnissarput naatsorsuutigisarlugu

Atorfimmut tunngatillugu ingerlaavartumik oqaloqatiginnittarpugut, taamaattumik CV`iutit qinnuteqaatillu sukkanerpaamik nassiutiinnaruk.
Atorfimmut apeqqutissaqaruit, taava tikilluaqquneqarputit Forstander Poul N. Christensen poch@inuili.gl allaffigissallugu aamma Ilinniartitaanermi pisortaq Jacob Hansen jaze@inuili.glallaffigisinnaavat imaluunniit oqarasuaatikkut 661313 attavigisinnaallugu.

Atorfininnissaq isumaqatigiissuteqarnikkut aalajangerneqassaaq sulisussarsiorneq taamaatippat junip ulluisa 26-ani 2023

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk