Skip to main content
63

Dette jobopslag er udløbet

Inuiaqatigiilerinermut, Aningaasaqarnermut Tusagassiuuteqarnermullu Instituttimi Adjunktitut atorfik ph.d.-mik ingerlanertalimmik

Inuiaqatigiilerinermut, Aningaasaqarnermut Tusagassiuuteqarnermullu Instituttimi suliffeqarfinnut aningaasaqarneranik ilinniarnerup iluani Adjunktitut atorfik ph.d.-mik ingerlanertalik matumuuna inuttassarsiorneqarpoq.

Atorfik suliniummut ”Nunat Avannarliit sineriaanni pisuussutsit ataavartut”-ni atavoq (NorValue), Nunanut Allanut Naalakkersuisoqarfimmit ingerlataalluni Nordisk Ministerråd-imillu aningaasalersugaalluni.

Suliniut ukiuni 2020-2023 ingerlassaaq, pingaarnertut siunertaralugu immap pisuussutaasa sinerissami inuunermik pingaartitsinerup ataatsimoorussamik misilittagaqarfiulernerani pisuussutsillu ataavartut ineriartortinnerani nalunaarsuineq siunissamullu qulakkeerineq.

Taamaalilluni suliniutip sinerissami inuiaqatigiiusut periarfissaasa unammilligassaasalu pissanganartortaat sammissavai Nunani Avannarlerni misilittakkat katersornerisisut inerisarnerisigullu.

Atorfimmut qinnuteqartut qinnuigineqarput suliniutissamut siunnersuusioqqullugit annerpaamik quppernernik 7-nik takitigisumik, sineriammiut aningaasarsiornikkut periarfissaannik unammilligassaannillu aallaavilimmik, tassani assersuutigalugu aalisarnikkut aamma/-imaluunniit takornariaqarnikkut, pingaartumik pissutsinut inuusuttut sinerissamut nunassinnissaminnut periarfissaat, suliffinnik pilersitsiniarneq nutaaliornerluunniit pingaarnerutillugit.

Ph.d.mik ilinniarnissamut ilanngunniaraanni nittartakkatsinni paasissutissat annertunerusut atuarneqarsinnaapput: https://uni.gl/media/4727953/phd-retningslinjer-71118.pdf
Qinnuteqartut aningaasaqarnermik imaluunniit inuiaqatigiit aningaasaqarnerannik ilinniakkallit pilerigineruagut, ajornanngippat pitsaassutsimik annertussutsimillu periutsinik misilittagallit.

Atorfik pillugu paasissutissat annertunerusut pissarsiariniaraanni Instituttimi pisortaq Gestur Hovgaard saaffigineqarsinnaavoq, tlf. 385672 imaluunniit e-mail: gehov@uni.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk