Skip to main content
89

Dette jobopslag er udløbet

Inuiaqatigiilerinermik, Aningaasaqarnermik Tusagassiornermillu Institutti matumuuna Inatsisilerituutut proffessorimik pissarsiorpoq

Ilisimatusarfimmi Inatsisilerinermik ilinniarfik Kalaallit Nunaanni Universitetimi ilinnianeqarsinnaalersuni kingullersaavoq, 2018-imilu atuartut siulliit aallartillutik. Allagarsiakkut ugguuna universitetimi inatsisilerinermik sammisaqarfik piorsarusupparput.

Proffessoritut atorfimmi suliassaq pingaartoq tassaassaaq Inatsisilerinerup iluani ilisimatusarnermik siuarsaanermillu aallarnisaaneq Kalaallit nunaanni inatsisilerinermi iluaqutaasussaq. Inatsisilerinermik sammisalinnik Kalaallit Nunaanni inuiaqatiginnut Nunanilu Issittuni qanimut attaveqartussanik pilersitsinissaq pingaarteqaarput.

Qinnuteqartut siamasissumik piginnaasallit, takussutissalimmillu inatsisilerinerup qiterpiaani ilisimatusarnerup atuartitsinerullu iluanni piginnaasallit piumaneruagut, soorlu nunap iluani aqutsinermi inatsisinut, piffisanut tunngatillugu inatsisinut, ingerlatsinermi inatsisinut, aningaasanik aqutsinermi inatsisnnut kiisalu siliffeqatigiit iluanni inatsisinut. Sammisalli allat aamma ilanngunneqarsinnaapput.

Qinnuteqartuttaaq piffissap ilaani (25%-75%) proffessoritut sulinissaminnik kissaateqartut ilaatinneqassapput. Atorfik 1.januar 2020 imaluunniit isumaqatigiissuteqarnikkut inuttalerneqassaaq.

Proffessoritut atorfimmi, killiliisuunngitsumik, suliassat makkua ilaatinneqassapput:

  • Inatsisilerinerup iluani ilisimatusarnerup Nunanut Issittunut Kalaallillu Nunaanni inuiaqatigiinnut sammisup ilisimatusarfiginera, tassunga ilaallutik Nunap iluani avammullu saqqummiinerit siaruarterinerillu.
  • Ilinniartitsinermik tassungalu tunngasunik allaffissornermik aammalu sammisamik aqutsinermik isumaginninneq.
  • Sammisap avammut tunngasumik piorsaavigineqarnera, tassunga ilaallutik ph.d.-nngorniarnik atuartitsineq, aqqutissiuussinerlu.
  • Ilisimatusarnermik aqutsineq, tassunga ilaallutik avataanit aningaasas-sarsiorneq, adjunktinik ilisimatuunillu allanik oqaloqateqarneq, kiisalu sammisami naliliisartooqataaneq.
  • Kalaallit Nunaanni inuiaqatigiinnut ilisimasanik siaruarterineq, tassunga ilaalluni oqallinnerni peqataanerit.
  • Ajornartinnagu ilinniartunik ilisimatusarnermi peqataatitsineq.

Atorfimmuttaaq ilaavoq ilinniartitaanerup ilinniarfiullu nalinginnaasumik aaqqissugaaneranut allaffissorneranullu suleqataaneq kiisalu ataatsimoortumik immikkuutaartumilluunniit perorsaanermik/didaktikkimik siuarsaanermi suleqataaneq, tassunga ilaallutik pissutsini allakkajaani peqataaneq.

Proffessoritut atorfik pineqartoq atuagarsorfiuvoq, qinnuteqartoq kalallisut oqaaseqartuunngippat, ullumikkut qallunaat oqaasii atorlugit ingerlanneqartoq, Tuluit oqaasiittaaq atorneqartassapput.

Piginnaasanut piumasaqaatit
Qulaani taakkartukkat saniatigut atorfinitsitsinermi makkua pingaartinneqassapput:

  • Ilisimatusaatinik nunarsuup sinneranut naleqqersuuttunik takussutis-sartalinnik suliaqarneq, tassunga ilaalluni qinnuteqartup ineriartorti-taminik sammisaa. Tassani pingaartinneqarpoq saqqummersitanik / saqqummersitsivinnik kiisalu ilisimatusaatiut sammisat isumasioqatigiinnerni nittarsaassinerini avammut siaruarterineq.
  • Sammisamik ineriartortittuarnissaanut piginnaasaqarlunilu isumassar-siaqarneq, tassunga ilaallutik teoriinik ineriartortitsineq ilisimatusaatinillu sammisamut attuumassusilinnik ineriartortitsineq saqqummiussinerlu.
  • Ilisimatusarnerup iluani allanilu siuttuusinnaaneq, ilaatigut ilisimatu-saqatigiinnik eqeersimaartunik nukittuunillu suleqataanikkut piorsaanikkullu.
  • Ilinniartitsinermik qaffasissumik piginnaasaqarneq, tassunga ilaalluni ilisimatusarnermik ilinnititsinerup ineriartortinnera, aammalu ilisimatu-saatinik atuartitsinerup ingerlannissaanut annertuumik misilittagaqarneq.
  • Ajornanngippat kalaallit oqaasiinik ilisimasaqarneq, tamannali piumasaqaataanngilaq.

Qinnuteqarneq
Qinnuteqaat atortullu tunniunneqartut, tassani ilaallutik allaaserisat atuakkallu, kalaallit, qallunaat, svenskit, norskit imaluunniit tuluit oqaasii atorlugit allagaassapput.

Qinnuteqarneq qinnuteqatip saniatigut makkunannga imaqassaaq:

  • Ilanngussaq 1: Curriculum Vitae.
  • Ilanngussaq 2: Soraarummeersimanermut uppernarsaatit (karakteerit allattorsimaffiat) taamaattoqarsimappallu Pædagogikummimut allagartat.
  • Ilanngussaq 3: Suliat allattorsimaffiat tulleriinnilersorluagaq. Suliat 10-15 pingaarnerutitat *-mik nalunaaqutserneqassapput.
  • Ilanngussaq 4: Ilisimatusaatigeriikkat ilisimatusaatissatullu pilersaarutit.
  • Ilanngussaq 5: Atuartitsisinnaanermut uppernarsaatit (pikkorissartitsi-nissanut pilersaarutit, atuartitsinissamut pilersaarusiat, atuartitsinissamut atortussat immaqalu portefølje kiisalu pædagogokum).
  • Ilanngussaq 6: Ilisimatusarnissap aningaasaliiffigineranut uppernarsaatit.
  • Ilanngussaq 7: Suliat naliliinissamut pingaaruteqarnerusut tallimat (suliat allattorsimaffianni *-mik nalunaaqutsikkanut ilaassapput).
  • Ilanngussaq 8: Proffessoritut naliligaanermi uppernarsaat, pioreersimappat.

Naliliisarneq atorfinitsitseriaaserlu.
Qinnuteqaatit takkussuuttut nalilersornissaannut sammisamut ilisimasalinnik suleqatigiissitaliortoqartarpoq inatsisit atuuttuit naapertorlugit. Qinnuteqartut piffissap qinnuteqarfiusup naareernerani suleqatigiit inuttalersorneranik ilisimatinneqassapput. Suleqatigiit qinnuteqaatit takkuttut misissussavaat, taamaalioreerunillu Inuiaqatigiilerinermik, Aningaasaqarnermik Tusagassiornermillu Instituttip pisortaanut inassuteqaateqassallutik. Suleqatigiit inassuteqaataat qinnuteqartunut tamanut nassiussuunneqassaaq.

Ilisimatusarfik pillugu
Kalaallit Nunaata Universitetia, 1987-imi pilersinneqarpoq. Ilisimatusarfik universitetiuvoq eqeersimaartoq, nunami ineriartortuartumi piginnaasanik nutaaliornernillu pilersitsitsisoq. Ilisimatusarfik sisamanik institutteqarpoq:

  • Inuiaqatigiilerinermut, Aningaasaqarnermut Tusagassiuuteqarnermullu Institutti
  • Kulturimut, Oqaatsinut Oqaluttuarisaanermullu Institutti,
  • Ilinniakkanut Institutti
  • Peqqissaaneq Peqqinnerlu pillugu ilisimatusarnermut Institutti.

Inatsisilerinermut ilinniarneq Inuiaqatigiilerinermut, Aningaasaqarnermut Tusagassiuuteqarnermullu Instituttip iluani ilinniarneqarsinnaasut tallimat ilagaat.
Instituttini kandidatitut bacheloritullu ilinniarnerit ingerlanneqartarput.
Ilisimatusarfik ilisimatusarnermik ilinniartitsinermillu pingaartumik Qallunaat Nunaannik Nunanillu Avannarlernik kiisalu Europap sinneranik Amerikamillu avannarlermik suleqateqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk