Skip to main content
143

Dette jobopslag er udløbet

Institutleder til Institut for Samfund, Økonomi og Journalistik

Inuiaqatigiilerinermut, aningaasaqarnermut tusagassiuteqarnermullu Institutti misilittagalimmik tunniusimasumillu, sammisamut tunngasunik aqutsinermillu ilisimasaqarluartumik aqutsisussarsiorpoq. Atorfik 1. oktober 2021 isumaqatigiissutilluunniit malillugit sulilersussamik inuttassarsiuunneqarpoq.

Ilisimatusarfik, Kalaallit Nunaanni Universiteti, 1987-imi pilersinneqarpoq. Ilisimatusarfik sisamanik Institutteqarpoq: Kulturimut, Oqaatsinut Oqaluttuarisaanermullu Instititti, Inuiaqatigiilerinermut, Aningaasaqarnermut Tusagassiuteqarnermullu Institutti, Ilinniartitaanermut Institutti kiisalu Peqqissaanermut Peqqinnissallu Ilisimatusaatigineranut Institutti.

Instituttit tamarmik ph.d.-mut, kandidatimut bachelorimullu ilinniarfiupput.

Inuiaqatigiilerinermut, aningaasaqarnermut tusagassiuteqarnermullu Instituttimi ilisimatusartutut atorfillit 40 missaanniipput tassungalu attuumassuteqartut, ilisimatusarnerullu ilinniartitaanerullu tungaatigut Qallunaat Nunaanni, Nunani Avannarlerni allani, Europap sinnerani kiisalu Amerikami Avannarlermi suleqateqarpugut.

Inuiaqatigiilerinermut, aningaasaqarnermut tusagassiuteqarnermullu Instituttimi ilinniakkat 5-nik sammiveqarput makkuninngalu pingasuusunik immikkoortortaqarluni:

  • Inuiaqatigiilerinermik ilinniakkanut immikkoortortaq
  • Inatsisilerinermut immikkoortortaq
  • Tusagassiuteqarnermut immikkoortortaq

Instituttimi pisortaq Rektorip ataani inissisimavoq. Instituttimi pisortaq tamatuma saniatigut immikkoortortat pingasuusut arlaanni immikkoortortami pisortaasinnaavoq.

Instituttimi pisortamit naatsorsuutigaarput:

  • Instituttimi pisortatut qitiusutut atuutissaaq isumasioqatigiinnerillu aallaavigalugit aalajangiisassalluni.
  • Siumut isigisuussaaq piviusunngortitsisinnaasoq kiisalu Instituttip ilisimatusarfittut ilinniarfittullu pilerinarsarnissaanut piginnaasaqassalluni
  • Immikkoortortani aqutsisinnaallunilu suleqateqarsinnaassaaq
  • Suleqatigiinnik tunniusimasunik siuarsaanissamut piginnaanngorsaanissamullu pilerinarsaallunilu ikorfartuisuussaaq
  • Instituttimi ilinniarneqarsinnaasut, ilinniagassanut pilersaarutit ilisimatusarnerillu ilisimaarissavai, taamatullu inuiaqatigiinnut kalaallinut tunngasunik ilisimasaqassaaq, nunarsuullu sinneranut tappissuussalluni, tamanna Ilisimatusarfimmi ilinniartitaanerup ilisarnaatigilluinnarmagu.
  • Instituttimi sammisat allaffissornikkut pitsaasumik atorluarsinnaasumillu aqutsisoqarnissaat qulakkiissavaa
  • Sulliviup tarnikkut timikkullu pitsaasumik sulliviunissaa pingaartillugulu suleqataaffigissavaa

Piginnaasanut piumasaqaatit
Instituttimi pisortanngortussap ilaatigut uppernarsarsinnaassavaa

  • Ilisimatusarnerup, ilinniartitaanerup inuiaqatigiinnillu suleqateqarnerup iluanni naapertuuttumik aqutsisutut ilinniagaqarneq
  • Minnerpaamik ilinniakkat Instituttimi sammineqartut ilaanni ataatsimi ilisimatusartutut ph.d-mi akuerisaaneq kiisalu ilinniartitsinermik misilittagaqarluarneq
  • Suleqatikkuminartuuneq. Instituttimi aqutsisunngortussaq Instituttip iluani ulluinnarni suliassat avatangiisillu tungaasigut sullarissuussariaqarpoq.
  • Sulisunik aqutsinermik kiisalu aningaasaqarnermik aqutsinermik missingersuusiornermillu misilittagaqarlunilu ilisimasaqassaaq
  • Ajornanngippat, kalaallit, qallunaat tuluillu oqaasiinik pitsaasumik atuisinnaaneq

Suliassat
Instituttimi pisortap suliassai Ilisimatusarfik pillugu Inatsisartut inatsisaat nr. 12, 12. juni 2019-imeersumi aalajangersarneqarput:

  • Instituttimi aqutsisup Instituttimi sulisut allat atorfinitsillugillu soraarsittarpai, taamaallaat Immikkoortortani aqutsisut pinnagit
  • Instituttimi aqutsisup malittarisassat rektorimit akuerisat Instituttillu siunnersuisoqatigiivinit innersuussutaasut malillugit suliassaraa Instituttimi ulluinnarni aqutsineq, tassunga ilaallutik suliassanik piareersaasiorneq agguataarinerlu.

Instituttimi aqutsisup Instituttimi siunnersuisoqatigiit Instituttimilu aqutsisut peqatigalugit akisussaaffii tassaassapput:

  • Rektorimut Ilinniagartuullu siunnersuisoqatigiivinut ilisimatusarnermut ilisimatusarnermullu tunngasunik ilinniartitaaneq, ilinniartitaanerit maleruagassaat, ilinniartitaanermi misileraanerit, sammisanut ilisimaarinnittunik suleqatigiiliornerit il.il. maleruagassanut nalinginnaasunut innersuusiornerit
  • Instituttip aningaasanut missinersuummut siunnersuutai
  • Ilinniartunik tigooraanermut, sammisanut tunngasunik suliaqareerluni ilinnialersunut, ilinniagartuut nalilersornerinut il.il. tunngasuni nalinginnaasunik maleruagassiornerit
  • Ilinniartitaanermi aqutsineq il.il.

Qinnuteqaat
Qinnuteqaat makkunannga ilaqartinneqassaaq:
Ilanngussaq 1: Curriculum Vitae
Ilanngussaq 2: Soraarummeersimanernut takussutissat/allagartat
Ilanngussaq 3: Saqqummersissimasat allattorsimaffiat

Attaveqaatit/paasissutissat:
Atorfik pillugu annertunerusunik paasisaqarusukkuit Rektor Gitte Adler Reimer-ip attaviginissaanut tikilluaqquatsigit, oqarasuaat +299 385602. Kalaallit Nunaanni Universiteti pillugu annertunerusumik paasisaqarsinnaavutit uunga iserlutit: www.uni.gl

Atorfinitsitseriaaseq
Rektori siunnersuisoqatigiinnik suleqatigiissitaliussaaq, taakkualu qinnuteqaatinik takkussuuttunik ilisimatinneqassapput qinnuteqartunilu sorliiit oqaloqatigineqarnissaminnut aggersarneqassanersut siunnersuusiussallutik.

Ilisimatusarfik pillugu.
Ilisimatusarfik – Grønlands Universitet – issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk