Skip to main content
91

Dette jobopslag er udløbet

Inspektøri

KTI, Saviminilerinermik Ilinniarfik Inspektørimik pissarsiorpoq
Nutaanik unammillernarsinnaasunik misilittagaqarusukkuit, taava illiusinnaavoq KTI-p ataani Saviminilerinermik Ilinniarfiup atorfissaqartitaa.
 
Kalaallit Nunaanni Teknikkimik Ilinniarfiup (KTI) EUD-mik ilinniartitaanerit (Saviminilerinermik Ilinniarfik) Nuummi, kiisalu EUD (Sanaartornermik Ilinniarfik), Aatsitassalerinermik aamma Ilinniarnertuunngorniarfik (GUX) Sisimiuniittut ingerlatarai.
Saviminilerinermik Ilinniarfik 9000 m²-mik sannavittalimmik, atuartitsivimmik, allaffissornikkullu tunngasunik iniuteqarpoq. Ulluinnarni ilinniartut 100 missaannik amerlassuseqarput, aaliangersimasumillu 20-nik ilinniartitsisoqarluni, 13-nillu teknikkimut tunngasunik allaffissornermilu sulisoqarpoq.
 
Saviminilerinermi Ilinniarfimmi Biilinik iluarsaasartutut, Aquuteralannik qamuteralannillu mekanikeritut, Saffiuutut, Umiarsuarmi motoorilerisutut, Innaallagissiortutut kiisalu Assartugalerisutut (Mittarfinni, Umiarsualivinni), Quersualerinermi Logistik-imilu Ilinniarfiuvoq.
 
Inspektørimik pikkorissumik, aqutsilluarsinnaasumik, sapiissusilimmik, ilinniartitaanermullu tunngasunik siammasissumik isiginnilluni tulluarsapallassinnaasumik atorfissaqartitsivugut. Atorfittaassanni periarfissinneqassaatit nammineerlutit eqqarsaatitit malillugit pissutsini nutaarluinnarni misileraanissannut.
 
Suliffimmut tunngasut:

  • Inspektørip akisussaaffigaa atuartitsinermi pikkorissarnermilu pilersaarutit atuuttut tunngavigalugit atuartitaaneq naapertuuttumik ingerlatissallugu.
  • Immikkoortortani ataasiakkaani skemamik pilersaarusiornermi ataqatigiissaarinissamik akisussaaffeqarneq.
  • Atuartitsinermi pikkorissartitsinermilu pilersaarutit ineriartortillugillu nalilersortarnissaanut akisussaaffeqarneq.
  • Ilinniartitsisut ilinniagaqarnikkut ilinniarteqqinneqartarnissaannik akisussaaffeqarneq.


Piginnaasanik piumasaqaatit:

  • Suliamut tunngasunik ilinniaqaqarsimaneq, ajornanngippallu teknikkimut tunngasunik ilinniaqqissimanissaq assigisaanilluunniit ingerlataqarsimaneq.
  • Inersimasunik atuartitsisinnaanermut tassungaluunniit assingusumik piginnaasaqarneq.
  • Aqutsinermut tunngasunik allaffissornikkut ilisimasaqarlunilu soqutiginnittoq.
  • Atorfimmut assingusumik misilittagaqarnissaq iluaqutaassaaq.


Ulloq sulilerfissaq: 1. januar 2021 imaluunniit isumaqatigiissuteqarnikkut.
 
Qinnuteqarnissamut killigititaq: 9. december 2020.
Paasissutissat amerlanerusut Ilinniartitaanermut Pisortamut Ole Pedersenimut oqarasuaammut +299 348600 -mut sianerluni imaluunniit e-mailikkut ojp@kti.gl saaffiginninnikkut pissarsiarineqarsinnaapput. Aammattaaq  nittartagaqarput takuneqarsinnaavoq: www.kti.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk