Skip to main content
81

Dette jobopslag er udløbet

Innuttaasunut sammisumik siunnersuisarnissamik neqerooruteqartarnermut siunnersortit

Ilaatigut Tusaannga-p ammasarfiisa sivitsornerinut ilaasumik innuttaasut pisariaqartitaat naammassisinnaajumallugit innuttaasunut sammisumik siunnersuisarnissamik neqeroorutigineqartartut patajaallisarneqassapput.
 
Tusaannga tassaavoq Kalaallit Nunaanni siunnersuinissamut neqeroorut katitigaq nutaaq, oqarasuaat 801180 aamma sms 1899 aqqutigalugit meeqqanut, inuusuttunut inersimasunullu nuna tamakkerlugu siunnersuinermik ingerlatsisartoq.
Innuttaasunut nalunngisaminnit imaluunniit illoqarfimminni/nunaqarfimminni ikiorserneqarsinnaannginnermik misigisimasunut ajornartorsiumminnik oqaloqatiginninnissamut pisariaqartitsisunut Tusaannga neqeroorutaavoq.
Ajornartorsiutit isumagineqartussat assigiinngitsorpassuusinnaapput, taamaattumik siunnersortit paasinnissinnaallutillu naleqqussarsinnaanissaat pingaaruteqarpoq.
 
Innuttaasunut siunnersuinissamut neqeroorut siuliani taaneqartoq Pitsaaliuinermut Isumaginninnermullu Aqutsisoqarfiup ataani inissisimavoq. 
 
Siunnersortitut ilaatigut suliarisassavatit:

  • Tusaannga-p oqarasuaataanik aamma sms-imik atortulersuutaanik atuineq ullup ingerlanerani suleqatigisat peqatigalugit.
  • Meeqqanut/inuusuttunut inersimasunullu qinngasaarisarnermit, annersaasarnermit, perorsagaasimanermit, innarligaasimanermit atornerluinermut allanillu ajornartorsiutilinnik tapersersuiniarlutit tusarnaartassaatit
  • Innuttaasut ajornartorsiutiminnik qaangiiniarlutik iliuuseqarnissaannut siunnersorlugillu kajumissaartassavatit
  • Oqarasuaatit atorlugit siunnersuisartunik sulisussarsiorneq
  • Oqarasuaatit atorlugit siunnersuisartut immikkoortuanni ataatsimiinnernik ingerlatsineq
  • Oqarasuaatikkut siunnersuisartut pigaartuuffissaannik aaqqissuussisarneq
  • Nalinginnaasumik oqarasuaatikkut siunnersuisartunik ingerlatsinermik isumaginninneq  
  • Allaffissornikkut suliassanik ulluinnarnilu Alliamik ingerlatsineq (persuttaaneq pillugu oqaloqatiginninneq) aamma inatsisitigut ataataqanngitsunik sullissineq 
  • Tiiminut allattuiffinnik isumaginnittarnissaq
  • Akiligassiissutinik nassiussisarnerit
  • IT-mut assigisaannullu attaveqartanissaq


Naatsorsuutigineqarpoq qinnuteqartut:

  • Naleqquttunik ilinniagaqarsimanissaat
  • Nukittuujussasut aamma inissaqartitsissasut
  • Oqaasiinnaakkut allattariarsornikkullu attaveqallaqqissuussasut
  • Sunniuteqarluarsinnaassuseqartut, tatiginnilersitsisinnaasut naalaarsinnaalluarluartullu
  • Assigiinngitsuunernut ataqqinnittuusut attaveqaqatigiinnillu pilersitsillaqqittuusut
  • Suleqatigiinnermik pisumi arajutsinianngitsuusut, pimoorussisumik pitsaasumillu isumaliorlutik ingerlatsisartut 
  • Suliassaqarfiit assigiinngitsut avatangiiseralugit sulinissamut piumassuseqartut, matumani ataatsimoortumik aaqqiissutissanut inuit ataasiakkaat tapersiissuteqartarlutik 
  • Namminersuullugu, aaqqissuussamik aamma tamakkiisumik isigisumik sulisinnaassuseqartut
  • Kalaallisut qallunaatullu, oqaatsinik marluinnik atuisinnaasut


Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik, Naalakkersuisut ataanni aqutsisoqarfiuvoq tulliuttunik tallimanik immikkoortortaqartoq:  Pinaveersaartitsinermut immikkoortortaq PAARISA, Aningaasaqarnermut immikkoortortaq, Ulloq unnuarlu aamma nalilersuisarnermut immikkoortortaq, Qitiusumik Siunnersuisarfik aamma Allattoqarfik.  Immikkoortortaqarfiit qanimut suleqatigiittarput, suliffigiligassallu suliassanut tunngatillugu amerlasuunik unammilligassaqarfiulluni.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatip akunneranut 40 tiimit suliffiussapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut:
Atorfik pillugu annertunerusumik paasisaqarumaguit, Qitiusumik Siunnersuisarfimmi immikkoortortamut pisortaq Arnajaraq Poulsen attaveqarfigisinnaavat uunga apou@nanoq.gl / +299 346014 imalunniit sulianut aqutsisoq Stina Mølgaard uunga stmo@nanoq.gl / +299 34 6017.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk