Kalaallit Nunaanni Namminersorlutik Oqartussani Aningaasaqarnermut Sulisoqarnermullu Aqutsisoqarfiup qitiusumik suliarisartagaannut aqutsisutut inissisimarusuppit? Immikkoortortaqarfimmi pisortatut Namminersorlutik Oqartussat Pisiortortarfiat saniatigut Qitiusumik allaffeqarfiup illuutaanut sullissinermi, matumani aserfallatsaaliuineq utaqqiisaasumillu inissiaqartitsineq ilanngullugit, qitiusumi aqutsissaatit. Immikkoortortaqarfik maannakkorpiaq marlunnik allaffeqarpoq.

Allaffeqarfiit suliassaat tassaapput

• Nuummi Namminersorlutik Oqartussat allaffissornikkut illuutaanik aserfallatsaaliuineq ingerlatsinerlu
• Namminersorlutik Oqartussat pisiortornissamut isumaqatigiissutaat isumagisarnissaat aammalu sulisussarsiornermik suliaqarneq
• Namminersorlutik Oqartussat sulisuinut utaqqiisaasumik ineqartitsineq
• Namminersorlutik Oqartussat ingerlataat sinnerlugit attartuinissamut isumaqatigiissuteqartarneq
• Namminersorlutik Oqartussat sutortarfiannik, TAMU-mik, ingerlatsineq
• Aningaasanut inatsimmi kontunik pingaarnernik assigiinngitsunik aningaasatigut aqutsineq

Suliassatit

• Namminersorlutik Oqartussani allaffiit inillu allat atorluarnissaannik qulakkeerinninneq
• Aserfallatsaaliuinerit annerit pillugit ataavartumik pilersaarusiorneq
• Pisiortornerup tungaatigut Namminersorlutik Oqartussani tamani ataqatigiissaarinerup suleqatigiinnerullu siuarsarnissaat
• Pisiortornerup tungaatigut aaqqissuussakkut nalunaarsuutitigullu ikorfartuinermik ineriartortitsineq
• Pisiortornermi nakkutilliinermik aqutsisunullu nalunaarusiornermik ineriartortitsineq
• Aningaasaliissutinut aningaasaqarnermik aqutsineq

Ilinnut tunngasut
Makkuninnga suliatigut piginnaasaqarnissat pingaartipparput:

• Aqutsisutut misilittagaqarnermut uppernarsaateqarputit
• Kandidatitut qaffasissusilimmik naapertuuttumik ilinniagaqarputit (assersuutigalugu cand.oecon assigisaaluunniit)
• Aserfallatsaaliuinermi imaluunniit pisiortornermi aamma/imaluunniit pisortatigut sulisussarsiornermi misilittagaqarnissat iluaqutaassaaq
• Illunut malittarisassat pillugit misilittagaqarnissat iluaqutaassaaq
• Oqaatsitigut allattariarsornikkullu attaveqaqatigiillaqqipputit
• Kisitsilerillaqqissaatit IT-lerinermullu pikkoriffeqarlutit
• Missingersuusiornermik missingersuutinillu malitseqartitsinermik misilittagaqassaatit

Inuttut piginnaasassatit

• Pissusilersornikkut tatiginnilersitsisinnaasuuvutit kajumissuseqalersitsisinnaallutillu
• Kalaallit Nunaanni inuiaqatigiit, kalaallit kulturiat kiisalu kalaallisut oqaatsit ilisimasaqarfigivatit
• Suleqatikkuminartuussaatit atuisullu paasinnittariaasiat aallaavigalugu sullissisinnaassaatit
• Eqaatsumik sulisinnaavutit ulluinnarnilu allanngorartumi sulilluarsinnaavutit
• Sunniuteqarluartuuvutit siuttuunissannullu tunuarsimanatit - aamma ulapaarfiup nalaani

Neqeroorutigaavut
Suliffeqarfimmi pissanganartumi ineriartortitsineq sulianullu tunngasunik piginnaasat qitiutillugit atorfik pissanganartoq Naalakkersuisoqarfiit Qitiusumik allaffeqarfiat akimorlugit sullillugit atorfiusoq neqeroorutigaarput. Ingerlatsinermut aserfallatsaaliuinermullu (facility management) aammalu pisiortortarnermut immikkoortortaqarfimmi pisortatut qaffasissumik ilinniagaqarsimasunik aammalu igaffimmi ikiortinik sulisoqassaatit. Aningaasaqarnermut Sulisoqarnermullu Aqutsiveqarfimmi pisortamut nalunaartartussaassaatit.

Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianut sulisunullu tunngasut, nutserisoqarneq kiisalu illuutinik ingerlatsineq aserfallatsaaliuinerlu akisussaaffigai. ASA-p tunngavia tassaavoq "ASA pisortani oqartussaaffiuvoq uppernassusilik takussaasorlu. ASA pillugu annertunerusumik paasisassarsiorsinnaavutit uani www.asa.gl.

Atorfik pillugu apeqqutissaqaruit aqutsisoqarfimmi pisortamut, André Guttesenimut, attaveqarsinnaavutit uani andg@nanoq.gl.

Qinnuteqarneq
Qinnuteqarfissaq kingulleq tassaavoq 21. februar 2023.
Ulloq sulilerfissaq tassaavoq 1. april imaluunniit isumaqatigiissuteqarnikkut. Qinnuteqaatit, CV, ilinniarsimanermut pikkorissarsimanermullu uppernarsaatit kiisalu paasissutissat attuumassuteqartut allat "qinnuteqaat nassiuguk" toorlugu nassiutikkit. Oqaloqatiginninnermut atatillugu misiligutinik atuisoqassaaq.
Mail aqqutigalugu qinnuteqaatinik tigusineq ajorpugut.
 

Atorfinitsitaanermi atugassarititaasut
Atorfik akissaateqarfimmi LR 38-misut qaffasissusilimmi maanna inissisimavoq.

1. april 2022 LR 38-mi akissarsiat imak isumaqagitiissutigineqarnikuupput qaamammut  Kr. 56.911 ukiumullu Kr. 682.930

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik oqartussanut innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqartassalluni.

Akissarsiatigut atorfinitsitaanikkullu atugassarititaasut, tassunga ilanngullugit atorfinikkiartorluni atorfeqarunnaarnermilu angalasinnaatitaaneq kiisalu pisattat nuunneqarnerat Kalaallit Nunaanni Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut malinneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaat nassiuguk