Skip to main content
88

Dette jobopslag er udløbet

Ineriartornissamut periarfissaqarluartumik atorfinigit!

Siunnersorti
Radioqarnermik Ingerlatsivik sulianik tunngaviliisinnaasumik, sulianik siunissamut qulakkeerinnissinnaasumik suleriaatsinillu ineriartortitsisinnaasumik nammineersinnaassusilimmik suleqatissarsiorpoq.
Nunatsinni innuttaasut sumiikkaluartulluunnit - namminersortuaqqaniit suliffeqarfissuarnut - attaveqarfigalugillu suleqatigisassavatit, timmisartuussiveqatigiiffiit mittarfeqarfiit, angallataatillit angallatillu, imarsiornermik ilinniarfik allallu pisortaqarfinnit ingerlanneqartut. Nunanit allaniit nunatsinni ilisimatusarnikkut paasisassarsiortut ilisimatusarfiit, aatsitassarsiortut, takornariartitsisartut inuillu ataasiakkaat ingerlatsiviup ulluinnarni attaveqarfiisa ilagivaat. Sulineq pingaarnertut kalaallisut qallunaatullu oqaaseqarfiuvoq kisinnili aamma annertuumik tuluttut oqaatsit atorneqartarlutik.

Akisussaaffigissavatit radiumik atuisinnaanermik allagartalersuineq akuerisamillu radioqarnermut ilisarnaatinik tunniussuineq;

  • GMDSS-mi radiooperatør-itut cerfikikati naliginnaasoq (GOC)
  • GMDSS-mi radiooperatør-itut certifikati minneq (ROC)
  • Angallatit radioqarfiinik MF-, HF- aamma VHF-ikkoortunik atuisinnaanissamut certifikati (LRC)
  • Angallatit radioqarfiinikm VHF-ikkoortumik atuisinnaanissamut certifikati (SRC)
  • Radioqarfinni VHF-ikkoortuni radiotelefonistitut certifikati minneq (BEG)
  • Akuerisamik radioqarnermik ilisarnaatit imaani atorneqartartut aamma nunami atortuni
  • Akuerisamik radioqarnermik ilisarnaatit radiup maligaasai atorlugit timmisartuni timmisartoqarnermullu atortuni atugassat
  • Amatørradio-mut allagartartaarniartuni misilitsinneq ingerlattassavat KAT A, B kiisalu C
  • Akuerisamik radioqarnermik ilisarnaatit amatørradio-linnut tunniuttassavatit
  • Nunatsinni ilisimasassartiortut akuerisamik radioqarnermik ilisarnaataat tunniuttassavatit
  • Innuttaasunut naliginnaasumik siunnersuisassaatit ilitsersuillutillu
  • Suliannut tunngasunik akiligasssat nassiunnissaat isumagisassavatit

Akisussaaffigissavat paasissutissat suliannut tunngasut nutartertuarnissaat. Pisariaqartitsinermi inaarutaasumik militsittuni eksaminator-iusassaatit. Tamanna nunatsinni angalasarnissamik kinguneqarsinnaavoq.
Atorfimmi piumasaqaataavoq nammineq GOC-mut allagartaqarnissat. Allagartaqanngikkuit isumaqatigiinnikkut allagartartaarnissat isumagisinnaavarput, assersuutigalugu ukiup affaata iluani. Pinerlussimannginnermik uppernarnaasinnaassuutit.
Radioqarnermik Ingerlatsivik nunatta iluani nunarsuullu sinneranut attaviliisuuvoq. Ingerlatsiviup suliassaasa ilagivaai radiop maligaasaanik atuisinnaanermik akuersissuteqartarnerit piffinni aalajangersimasuni imaluunniit nuna tamakkerlugu. Tamakku tunniunneqartarput sakkortusaavinnut, FWA-nut, qaammataasanit nassiussanik tigooraavinnut, oqarasuaatit angallattakkat atornerinut, SNG, VSAT, nipinik aalasulianillu nassiussuinermut kiisalu tusagassiornermut.
Aamma suleqatit attaveqatigisallu Nalunaarasuartaateqarnermut Aqutsivik suleqatigalugu isumagisassaapput. Nunarsuaq tamakkerlugu suleqatigiiffiit, naalagaaffiup nunattalu akornanni suleqatigiinneq kiisalu Nalunaarasuartaateqarnermi Aqutsivik suleqatigilluinnarlugu Naalakkersuisunut siunnersuineq, nakkutilliineq inatsisissanillu siunnersuuteqarneq isumagisassaalluni.
Taamaammat atorfik siunissaq eqqarsaatigalugu suliatigut inuttullu ineriartornissamik periarfissaqartitsilluarpoq.
Tamanna aamma periarfissiivoq atorfininnissamut tunuliaqutaasinnaasut assigiinngiiaarsinnaanerannut arlaqarsinnaanerannullu. Allaffissornikkut ilinniarsimasuusinnaavutit assigisaanilluunniit, qaffasinnerusumik ilinniarsimasuusinnaallutit kiisalu radio/tv-tekniker, IT-supporter, IT-administrator, AFIS allatigulluunniit teknikimut tunngasunik ilinniarsimasuusinnaallutit imaluunnit massakkut qaffasinnerusumut ilinniarnermik ingerlataqartuusinnaallutit soorlu Ilimmarfik-mi assigisaaniluunniit.
Tunuarsimaannguarnak qinnuteqaasiorit atorfimmilu nuannersumi ineriortoqataallutit!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk