Skip to main content
156

Dette jobopslag er udløbet

Ineqartitsigallartarnernut Ininillu Attartuinermut Allaffimmi TNI-mi ilinniartoq

Ilinniartumik ilinniartunilluunniit marlunnik allaffissornerup iluani TNI-mi ilinniartunngortussatut akuerisaasumik imaluunniit ilinniarnissaminut akuerineqartussamik 2022-mi ukiakkut aallartittussanik pissarsiorpugut. Ilinniartut Ineqartitsigallartarnernut Ininillu Attartuinermut Allaffimmi suliffimmi sungiusassapput. Allaffik Nuummi Namminersorlutik Oqartussani Aningaasaqarnermut Naalakkersuisoqarfiup ataani Aningaasaqarnermut Sulisoqarnermullu Aqutsisoqarfimmi inissisimavoq.
Allaffimmi suliassat assigiinngitsorpassuupput aamma suliassaqarfinni pingasuusuni tamani ikiuuttoqartassaaq. Pisortat allaffissornerannik aamma suleriaasissanik suliaqarnernik ilisimasaqalissaatit nalinginnaasumillu allaffimmi suliniutinik assigiinngitsunik naammassiniaanerni ikiuuttassallutit. Suliassanut ilaapput:

  • Qarasaasiakkut allakkanik nalunaarsuinerit allagaateqarfimmullu inissiinerit (allagaatinik scannerinerit elektroniskiusumillu allagaateqarfimmut inissiinerit)
  • Nioqqutissat pillugit ilisarnaatinik nassiussanik suliaqarnerit
  • Nalunaarsuinerit aamma ataatsimoortumik takunnissinnaanerit, assersuutigalugu Namminersorlutik Oqartussat init attartugaat, sulisunut inissiaataat assigisaalluunniit pillugit.
  • Utaqqiisaasumik inissiaatinik misissuinerit

Piginnaasatit soqutigisatillu apeqqutaatillugit suliassat suliassanik suliatigut ineriartuutaaqqissinnaasunik ilaneqartarumaarput. Ilinniartitsisoqartuassaaq.
Naatsorsuutigaarput, illit:

  • Piffissaq eqqorlugu takkuttartutit
  • Pitsaasumik isumalik, sullissiumatussuseqartoq suliassaminullu akisussaaffeqartoq
  • Unammilligassat piareersimaffigigitit
  • IT-ilerinermik ilisimasaqarluartutit
  • Biilinik ingerlatitsisinnaanermut allagartalik iluaqutaassaqaaq kisianni piumasaqaataanngilaq.
  • Marluinnik oqaasilik, kalaallisut qallunaatullu, tamannali piumasaqataanngilaq

Qinnuteqaatit takkussuuttut ingerlaavartumik nalilersortassavavut immaqalu aamma oqaloqatiginninnissamut aggersaasarluta.

Attaveqarfissaq
Atorfik pillugu apeqqutissaqaruit allaffiup pisortaa Naja Lydeking-Olsen ugguuna  nlyn@nanoq.gl  imaluunniit +299 34 52 08-kkut saaffigissallugu tikilluaqqusaavutit.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk