Skip to main content
158

Dette jobopslag er udløbet

Ineqarnermut Immikkoortortami, ’Ineqarnermut Immikkoortumut tamakkiisumik pilersaarut’-mut Pilersaarusiornermut allatseqarfimmut, Ineqarnermut, Attaveqaqatigiinnermut Naligiisitaanermullu Naalakkersuisoqarfik A/C fuldmægtigissarsiorpoq

Ineqarnermut immikkoortortaq ineriartupiloorpoq! Inuiaqatigiinni assigiinngitsutigut suleqateqarluni annertuumik aaqqissuusseqqinnissamut suleqataarusuppit? Taamaassimappat illerpiaq amigaatigaatsigit. Piukkunnaateqartoq immikkut siunnersortitut imaluunniit siunnersortit pisortaattut atorfinitsinneqarnissaanut periarfissaqassaaq. Atorfik Nuummiippoq.
 
Atorfik pillugu
Pisortat inissiaatitsinni attartortittakkani aserfallatsaaliinissamik kinguaattoorutit ukiut ingerlanerini annertusiartornerisa kingunerisaannik, siusinnerusukkut Ineqarnermut Pilersaarut aallartinneqarpoq. Sulinerup takutippaa, ineqarnermut immikkoortup iluinnaani aaqqiisoqarsinnaanani, inuiaqatigiinni assigiinngitsunik suleqateqartoqartariaqartoq. Taamaattumik inuiaqatigiinnut sammisumik aallaaveqarluni ’Ineqarnermut Immikkoortumut tamakkiisumik pilersaarut’ Naalakkersuisut akuersissutigaat. Immikkoortut sutigut arlaatigut ineqarnermut immikkoortumut attuumassuteqartut tamarmik Ineqarnermut Immikkoortumut tamakkiisumik pilersaarummi pineqarput, ilaatigullu inissiaatini aserfallatsaaliinissami kinguaattoorutinut, siunissamut pilersaarutaasumik aserfallatsaaliinissamut, ineqarnermut akiliutit inissinneqarnissaannut, ilinniartitaanermut, suliffeqarnermut, ineqarnermut tapiissutinut, allarpassuarnullu tunngatillugu apeqqutit sammineqarlutik.
 
Namminersorlutik Oqartussani susassaqartut arlaqartut, kommunit, inuutissarsiutillillu akuutinneqarlutik suliniut pissanganarlunilu annertooq pineqarpoq.
 
Suliniutinik aqutsinissamut ataqatigiissaarinissamullu qaffasissumik piginnaasaqartuusutit ujartorpatsigit.
 
Pingaarnertut suliassatit
Immikkoortortami suliniutinik ataqatigiissaarisuni marluusuni aappaassaatit, tulliuttullu suliassaralugit:

  • Suleqatigiissitat arlallit akornanni ataqatigiissaarisuullutillu suleqataassaatit
  • Suliniuteqarfiit annertuut sisamat akimorlugit siuariartortitsinissamut ataqatigiissaarinissamullu siuttuussaatit
  • Misissueqqissaarnermi suleqataassaatit
  • Akimortumik suliniutit ingerlanneqarnissaat qulakkiissavat
  • Aqutsisoqatigiit aalajangiiffigisassaattut tunngavissaat qulakkeertassavatit
  • Naalakkersuisunut Inatsisartunullu nassuiaasiortassaatit
  • Ulluinnarni suliassat nalinginnaasut suliarisassavatit, politikerillu sullittarlugit 
     

Illit pillutit

  • Atorfimmut naleqquttumik ingerlariaqqiffiusumik ilinniagaqarputit, ajornanngippat pilersaarutinik aqutsinermik aamma ilinniagaqartuussaatit
  • Namminersorlutik Oqartussani politikkikkut allaffissornikkullu aalajangeeriaatsinut tunngatillugu misilittagaqarlutillu ilisimasaqarputit
  • Misissueqqissaarisinnaassuseqarputit, tamat isiginnissuseqarsinnaavutit, suliallu assigiinngitsut ataatsikkut ingerlassinnaallugit
  • Allattariarsornikkut oqaasiinnakkullu ingerlatitseeqqillaqqipputit, suliallu paasiuminaassinnaasut paasiuminartunngorlugit ingerlatitseqqissinnaassuseqarlutit
  • Suliat pitsaasumik naammassineqarnissaannut illup iluani avataanilu attuumassuteqartunik akuutitsisinnaassuseqarputit, pitsaasumillu suleqateqarnissamut maligassiuisuullutit
  • Suliniutit annertuut naammassineqarnissaannut aqutsisinnaassuseqarputit, ataqatigiissaarisinnaassuseqarputit, tapersiisinnaassuseqarlutillu
  • Sullissillaqqipputit kiisalu ataatsimiinnissat, isumasioqatigiinnissat assigisaalluunniit pilersaarusiorsinnaavatit, isumagisassartailu isumagisinnaallugit
  • Ataatsimoorullugu suliamut akerlianik pissutsinik, misissueqqissaarnernillu  saqqummiussisinnaavutit

 
Naatsorsuutigaarput

  • Naleqquttumik ilinniagaqartutit, assersuutigalugu Cand.merc., Cand. Oecon. Masteri assigisaanilluunniit
  • Excel atorluarsinnaagit, matumani pivottabelit paasissutissanillu suliaqarsinnaanerit ilanngullugit
  • Pisortat ingerlatsinerinut annertuumik misilittagaqartutit, Namminersorlutik Oqartussani kommuninilu
  • Siammasissumik suleqateqarsinnaasutit, ataqatigiissitsillutillu aaqqissuussisinnaasutit
  • Nammineersinnaassuseqartutit, aammali suliassat annikitsut annertuullu suleqataaffigisinnaagitit
  • Allattariarsornikkut oqaasiinnakkullu ingerlatitseeqqillaqqitutit
  • Kalaallit Nunaanni inuiaqatigiinnut tunngasunik ilisimasaqartit

 
Uagut pilluta
Ineqarnermut Immikkoortortaq Ineqarnermut, Attaveqaqatigiinnermut Naligiissitaanermullu Naalakkersisoqarfimmi immikkoortortaqarfiit sisamaasut ilagaat. Ineqarnermut Immikkoortumut tamakkiisumik pilersaarutip naammassineqarnissaanut qulakkeerinnittussamik, Ineqarnermut Immikkoortortap ataani Pilersaarusiornermut allatseqarfik pilersinneqarpoq.
 
Ineqarnermut immikkoortortaq qanimut suleqatigiiffiulluni angivallaanngilaq, suliaallu siammasissuullutik. Suliat nalinginnaasumik suliarineqartarnerat, ineqarnermut tunngatillugu inatsisit kiisalu Ineqarnermut Immikkoortumut tamakkiisumik pilersaarut suliarisarpagut.
 
Naalakkersuisoqarfimmi ilaatigooriarluni ulapiffiusarsinnaasumi qiimalluta sulisarpugut, aammali sulinerup ilaqutariittullu inuunerup ataqatigiinnissannut ataqqinnittuulluta. 
 
Paasissutissat annertunerusut
Atorfik pillugu annertunerusumik paasisaqarusukkuit immikkoortortaqarfimmi pisortamut Jeanette Holding-imut, oqarasuaat 34 54 46-mut imaluunniit mailimut jeah@nanoq.gl-imut, imaluunniit allaffimmi pisortamut Ane Marie Sakariasen-imut, oqarasuaat 34 54 35-mut imaluunniit mailimut amsa@nanoq.gl-imut saaffiginnissuteqarnissannut tikilluaqqusaavutit.
 
Qinnuteqarnissamut killigititaq
Qinnuteqarnissaq 2021-mi maajip 20-anut killeqarpoq. Qinnuteqarnissamut killigititaq qaangiunniariarpat, atorfinitsitsinissaq siunertaralugu oqaloqatiginninnissat ingerlanneqassasut naatsorsuutigineqarpoq.

Misilittagaqarluartup immikkut siunnersortitut imaluunniit siunnersortit pisortaattut atorfinitsinneqarnissaanut periarfissaqassaaq.

2021-mi juunip aallaqqaataani, isumaqatigiissuteqarnerulluunniit kingorna piaartumik atorfinitsitsisoqassaaq.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk