Skip to main content
152

Dette jobopslag er udløbet

Ineqarnermut Attaveqaqatigiinnermullu Naalakkersuisoqarfik A/C fuldmægtigimik sulisussarsiorpoq

Suliassat arlallit ataatsikkut ingerlassinnaavigit? Aammalu suliassatit suli ataatsimik ilaqqikkusuppigit? Taamaappat illit pissarsiarerusuppatsigit!

Ineqarnermut Attaveqaqatigiinnermullu Naalakkersuisoqarfimmi Ineqarnermut Illuutinullu immikkoortortaqarfimmi A/C fuldmægtigimik piginnaaneqqortuumik sulisussarsiorpugut, inatsisilerinermi suliassanik suliarinnillaqqikkuni pitsaassalluni kiisalu ineqarnermut aamma sillimmasiisarnermut suliassaqarfimmut soqutiginnittumik.

Ineqarnermut Illuutinullu immikkoortortaqarfik (BEA) Naalakkersuisoqarfimmi immikkoortortaqarfiit tallimat ilagaat, ineqarnermut, illuuteqarnermut, sanaartornermut attaveqaqatigiinnermullu suliassaqarfiit iluanni Naalakkersuisoqarfimmi suliassanik isumaginnittuusut. Naalakkersuisoqarfimmi sulisut 30-it missaanniipput.

Ineqarnermut Illuutinullu immikkoortortaqarfik maannakkorpiaq immikkoortortaqarfimmut pisortap saniatigut sisamanik sulisoqarpoq.

Immikkoortortaqarfik mikisunnguuvoq, qanimut suleqatigiittoqarluni aammalu suliassaqarfippassuit suliarineqarlutik, ilanngullugit Namminersorlutik Oqartussani sillimmasiissutit tamarmiusut, inissianik illuutinillu pisiniartarneq tunisisarnerlu, ineqarnermut suliassaqarfiup iluani inatsisit, immikkoortortaqarfiup suliassaqarfiisa iluanni tusarniaanermut akissuteqaatit, Ombudsmandimit kiisalu innuttaasunit saaffiginnissutinut akissuteqartarnerit, isumagineqarlutik. Immikkoortortaqarfiup aamma ineqarnermut illuuteqarnermullu suliassaqarfiup iluani aningasaliissutinik aqutsineq akisussaaffigaa.

Ulloq atorfiniffissaq tassaavoq 1. juni 2019 imaluunniit isumaqatigiissuteqarneq malillugu.

Atorfik pillugu:
Immikkoortortaqarfik Namminersorlutik Oqartussat sillimmasiissutaannut naalakkersuisoqarfimmi akisussaasuuvoq, ilanngullugit suliffeqarfiit imminut ingerlattut, pingaartumik sillimmasiisarnermi akunnermuliuttunut aammalu Namminersorlutik Oqartussat sillimmasiissutaasa ataanni immikkoortortanut attaveqarneq, attaveqaqatigiinnermut, Namminersorlutik Oqartussat immikkoortortaannut aamma sillimmasiisarnermi akunnermuliuttunut taakkunanngaaniillu paasissutissiinernut atatillugu, suliassavit suliarinerini initussaaq. Tamatuma saniatigu immikkoortortaqarfiup suliassaasa iluanni saaffiginnissutinik akissuteqaateqarnernut tunngatillugu ulluinnarni suliaqarnermi suliassanik suliarinninnerup ingerlanneqarneranut peqataasussaassaatit. Taamatuttaaq inatsisiliornernik suliniutinut nutaanut atatillugu isumasioqataasassaatit.
 
Suliassat allat tassaassapput:

  • Pisortanik sullissineq, ilanngullugu, Naalakkersuisut aamma Inatsisartut isummernissaannut tunngavissianik suliaqarneq
  • Sillimmasiinermi sulianik ataqatigiissaarineq ingerlaavartumillu malinnaaneq, taakkununnga sillimmasiisarnermi akunnermuliuttunut kiisalu Namminersorlutik Oqartussani immikkoortortaqarfinnut allanut ingerlaavartumik attaveqartarneq ilaalluni
  • Sillimmasiisarnermut suliassaqarfik pillugu saaffiginnissutinik isumaginninneq
  • Ineqarnermi politikkikkut tunngavissanik ineriartortitsinermi atuutsitsilertarnermilu suleqataaneq
  • Paasissutissiissutinik ilitsersuutinillu suliaqarneq
  • Innuttaasunit taamatullu pisortanit saaffiginnissutinut akissuteqartarneq
  • Tusarniaanermut akissuteqaatinik suliaqarneq – suliffiup iluani taamatullu avataaneersunut.
  • Naalakkersuisoqarfiit akimorlugit suleqatigiissitanut suleqataaneq
  • Politikkikkut allaffissornermut suliassaqarfiup iluani suliassanik suliarinninneq nalinginnaasoq
  • Inatsisinik nassuiaaneq suliassanik suliarinninnermi ilaatinneqassaaq
  • Naalakkersuisoqarfiup tamarmiusup suliassaqarfiisa iluanni suliassaasut assigiinngitsut

Immikkoortortaqarfimmi sulisut allat qanillugit suleqatigilissavatit, aammalu ineqarnermi illuuteqarnermilu suliassat assigiinngitsorpassuit suliarisassallugit.

Naatsorsuutigaarput:
Ilinniagaqarsimanikkut naleqquttumik tunuliaqutaqartutit, namminersorlutit sulisinnaasutit, misissueqqissaallaqqissutit aaqqissugaasumillu sulisartutit.

Tamatuma saniatigut pingaartipparput,

  • pisortat ingerlatsiviini suliassani sullissinermik misilittagaqassasutit
  • allakkatigut oqaluinnarnikkullu oqaasiliornissamut piginnaaneqarluassasutit
  • Excel-imik atuinermik sungiussisimalluassasutit
  • aaqqissuussaanermi politikkikkut aqunneqartumi sulinissamut naleqqussarsinnaassasutit
  • suliassanut aaqqiissutissamik siunnerfeqarlutit sulisinnaassasutit
  • inuiaqatigiit kalaallit pillugit ilisimasaqarluassasutit

IT-mut sakkunik assigiinngitsunik, tassungalu ilanngullugu ilaatigut atortut elektroniskiusut atorlugit  suliaqarnissamut ilisimasaqarluarnissat iluaqutaassaaq (ilinniartitsisoqarsinnaavorli).

Neqeroorutigaavut:

  • Naalakkersuisoqarfimmi suliffeqarfik, politikkikkut aalajangiisarnerit qanillugit suliaqarfiusoq
  • Sullivimmi avatangiisit ammasut, aammalu suleqatit tunniusimasut, pingaartorsiorfiunngitsumik pissuseqartut
  • Inuttut suliatigut unammilligassat pissanganartut, kiisalu ilinniaqqinnissamut periarfissaqarfiusut, assersuutigalugu sillimmasiisartutut ilinniartitaaneq

Naalakkersuisoqarfimmi pissusilersornerit pingaartorsiorfiunngillat aammalu ulluinnaat ilaanneeriarluni ulapaarfiusut qiimasumik, kisiannili aamma sulinerup ilaqutariittullu inuunerup ataqatigiissinnissaannik ataqqinniffiusumik ingerlanneqarput.

Paasissutissat annertunerusut
Atorfik pillugu annerusumik paasisaqarusukkuit allaffimmi pisortaq Ane Marie Sakariasen oqarasuaat 34 54 35 -mut attaveqarfigisinnaavat mail-ikkulluunniit, uunga: amsa@nanoq.gl

Qinnuteqarnissamut killigitinneqarpoq ulloq 25. april 2019. Atorfinitsitsinissamut atatillugu oqaloqatiginninnerit sap. ak. 18-mi ingerlanneqarnissaat naatsorsuutigineqarpoq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk