Skip to main content
88

Dette jobopslag er udløbet

Inatsit tunngaviusussaq pillugu Isumalioqatigiissitaq AC-fuldmægtigissamik pissarsiorpoq

Inatsit tunngaviusussaq pillugu isumalioqatigiissitaq sullikkusuppiuk, tunngaviusumillu inatsisissamik suliaqarnermut peqataarusuppit? Innuttaasut nunatta siunissaa pillugu suliassamut peqataalernissannut akuulersinnissaannullu suleqataarusuppit? Tunngaviusumik inatsisissap imarisassaanik paasiniaanermut piareersarnermullu suleqataarusuppit?

Taaneqartut nuannerunartikkukkit aallukkusukkukkillu pisariaqartippatsigit.

Inatsit tunngaviusussaq pillugu isumalioqatigiissitap aaqqissuussaanera:
Isumalioqatigiissitap suliassaa pingaarnerpaaq tassaavoq inatsimmut tunngaviusussamut missiliummik saqqummiussaqarnissaq.
Siulittaasoqarfiup suliap ataavartumik ingerlanissaa pingaarnertut suliassaraa. Suliamut atatillugu suleqatigiissitanik pingasunik pilersitsisoqarnikuuvoq, taakkulu qulequttat pingasut uku aallaavigalugit sulipput:

  • Naalakkersuisaatsit
  • Inuit pisinnaatitaaffii pisussaaffiilu
  • Nunanut allanut – sillimanianerlu pillugit apeqqutit


Suleqatigiissitat tamarmik siulittaasoqarput, ataatsimiinnernik aqutsisuusartunik Suleqatigiissitat allatseqarput. Taassumalu ilaatigut suliassarivai suleqatigiissitanik sullissinissaq, misissugassanik paasiniaanerit aamma suleqatigiissitat suliakkiissutigisaannik allanik suliaqarnerit.
 
Matumuuna suleqatigiissitanut allatsissamik pissarsiorpugut.

Siullertut pingaarnertullu suliassat ukununnga attuumassutillit isumagisarilissavatit:

  • Suleqatigiissitat pitsaanerpaamik sullinnissaat
  • Suleqatigiissitat ataatsimiinnerinit imaqarniliorneq
  • Tunngaviusumik inatsisinut oqaluttuarisaanermullu attuumassutilinnik misissuinissaq paasiniaanissarlu
  • Tunngaviusumik inatsisissamut missingersuummik isumaliuutissiissutissamillu allaqataaneq
  • Allatsit allat qanimut suleqatiginissaat
  • Isumalioqatigiissitap ataatsimiinnerini sulinerinilu ikiortaaneq allattaanerlu
  • Ilisimasat paasisassallu isumalioqatigiissitap ilaasortaanut piareersarlugillu paasititsissusiarinissaat
  • Tunngaviusumik inatsisissap innuttaasut akornanni oqallisigineqarneranik aallarnisaaqataaneq

 
Piginnaaneqarfiit
Naapertuuttumik ilinniagaqarputit, ajornanngippallu aaqqissuussaanermi politikkikkut aqunneqartumi sulinermik misilittagaqarlutit.

Tamatuma saniatigut naatsorsuutigaarput:

  • Nunatta politikkikkut ineriartornera, oqaluttuarisaanera kulturerpullu annertuumik ilisimasaqarfigigitit
  • Oqaatsinik piginnaaneqarluartutit
  • Allallaqqittutit
  • Suliniuteqarnissamut kajumissuseqarlutit, nammineersinnaassuseqartutit aamma suliffimmi assigiinngitsorpassuarnik suliaqarfiusumi sulinissamut piumassuseqartutit
  • Aaqqissuussamik sulisinnaassasutit aammalu piffissaliussaasut iluanni sulianik naammassinnissinnaasutit
  • Allaffissornermi, suliatigut inuttullu unammilligassanik aaqqiiniarsinnaassuseqartutit


Neqeroorutigaavut:

  • Nunatta oqaluttuarisaanerani alloriarfimmi nutaami atorfik pissanganartoq
  • Suliffik ilinniarfiujuartoq suleqatigiilluni suliassanik ingerlatsiviusoq
  • Suliffik suliatigut unammilligassaqarfiusoq, aamma suleqatigiinnermik suliatigullu piginnaaneqarluarnermik pingaartitsiviulluartoq


Atorfik pillugu saaffiginniffissaq
Atorfik pillugu apeqqutit immikkoortortami pisortamut Kirsten Fencker-imut tlf. 34 67 08 imaluunniit email kife@nanoq.gl aqqutigalugit saaffiginnissutigineqarsinnaapput.

Qinnuteqaat CV-mik soraarummeernermullu uppernarsaatit assilinerinik ilaqartinneqartoq linki matuma ataaniittoq aqqutigalugu kingusinnerpaamik 22. marts 2021 nassiunneqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk