Skip to main content
112

Inatsisit tunngaviusussat pillugit isumalioqatigiissitat Allattoqarfiat paasissutissiisarnermik suliaqartartumik pissarsiorpoq

Inatsisinik tunngaviusussanik suliaqarnermik soqutiginnittumik avammut paasissutissiisartumik novemberip aallaqqaataani 2019, imaluunniit immikkut isumaqatigiissuteqarnikkut, atorfinittussamik Allattoqarfik pissarsiorpoq.

Allattoqarfiup akisussaaffigaa Inatsisit tunngaviusussat pillugit Isumalioqatigiissitanik Kalaallit Nunaata inatsisigiligassaanik tunngaviusunik missingersuusiortussanik sulissussineq siunnersuinerlu. Taamatut sulinermi innuttaasunik peqataatitsinissaq isumalioqatigiissitat annertuumik pingaartippaat.

1. november 2019 imaluunniit immikkut isumaqatigiissuteqarnikkut atorfinitsitsisoqassaaq.

Suliassat pingaarnerit

  • Tusagassiorfinnut avammullu nalunaarutinik, saqqummiussassanik il.il. suliaqarneq kukkunersiuinerlu
  • Eqqarsaatit tigussaasumit avissaartitat tamanut paasinartunngorlugit nittarsaattarsinnaanerat
  • Isumalioqatigiissitat nittartagaannik attaveqaatinillu allanik suliaqarneq nakkutiginninnerlu
  • Tusagassiortunut attaveqarneq suliassaqarfiullu pitsaasumik alaatsinaanneqartuarnissaanut peqataaneq
  • Paasissutissanik katerseqataaneq ikiuuttarnerlu
  • Isumalioqatigiissitat ataatsimiittarnerini innuttaasunillu ataatsimiisitsisarnerni ikiortaaneq imaqarnilioqataasarnerlu
  • Inunnik qaammarsaanermik paasititsiniaanermillu suliaqarneq

Piukkunnaatit piginnaasallu

  • Attuumassutilimmik, ajornanngippallu tusagassiornerup, attaveqaqatigiinnerup inuiaqatigiinniluunniit ilisimatusarnerup iluani ilinniagaqarsimassaatit
  • Attaveqaqatigiinneq suliassanni pingaarnersaasussaammat kalaallisut, danskisut, ajornanngippallu tuluttut, oqaluttarissatigut allattarissatigullu oqaasertaliornermut piginnaasaqarluarneq
  • Paasissutissiinermut piginnaasaqarluarneq
  • Suleqatigiinnermut attaveqarnermullu akuunissamut piginnaasaqarluarneq

Allattoqarfik pillugu
Inatsisit tunngaviusussat pillugit Isumalioqatigiissitat Allattoqarfiat suliffeqarfiuvoq sulerusussuseqarfiusoq. Suliffeqarfimmi persuarsiorfiunngitsumi suliamut piginnaasaqarluarneq suleqatigiinnerlu pingaartippagut. Suliffeqarfik anginngilaq maannakkorpiaq tallimanik sulisoqartoq.

Allattoqarfiup isumagai allaffissorneq, aningaasaqarneq, missingersuutit, pilersaarusiorneq, ataatsimiititalianik isumalioqatigiissitanillu sullissineq, inunnik qaammarsaaneq, attaveqatigiinneq aamma paasissutissiisarneq, innuttaasunik peqataatitsineq tusarniaanerillu Kalaallit Nunaata inatsisigiligassai tunngaviusut missingersuusiorfigineqarnissaat siunertaralugu.

Piffinni aalajangersimasuni ulapaarnissaq naatsorsuutigineqassaaq, taamaammat eqaassuseqarnissaq akimullu suleqatigiinnissamut piumassuseqarnissaq piumasarineqarpoq.

Suliffimmi atugassarititaasut pitsaasut aammalu avatangiisit persuarsiorfiunngitsut assigiinngisitaarnermut isumassarsiorluarnermullu inissaqartitsiviusut neqeroorutigaagut.

Atorfinitsitaanermi atugassarititaasut

Akissarsiatigut atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut

Annertunerusumik atorfik pillugu paasisaqarusukkuit tikilluaqquneqarputit attavigissallugu allattoqarfimmi pisortaq Johan Lund Olsen, oqa. +299 34 66 64, mobilip normua +299 55 54 85 mail-ikkulluunniit jolo@nanoq.gl.

Naatsorsuutigaarput sapaatip akunnerani 43-mi oqaloqateqarnissat ingerlatissallugit.

Atorfininnissamut ulloq tassaavoq 1. november 2019 imaluunniit piaarnerpaamik isumaqatigiissuteqarnikkut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk