Skip to main content
142

Dette jobopslag er udløbet

Inatsisit tunngaviusussat pillugit Isumalioqatigiissitat Allattoqarfiat nutserisussarsiorpoq/oqalutsissarsiorpoq

Isumalioqatigiissitat Allattoqarfiat nutserisussarsiorpoq/oqalutsissarsiorpoq piaartumik sulilersinnaasumik, ajornanngippat augustip aallaqqaataanit imaluunniit immikkut isumaqatigiissuteqarnikkut aallartissinnaasumik.

Isumalioqatigiissitat sulineranni oqaatsit marluk atorneqarput kalaallisut danskisullu, qaqutigut tuluttut.

Ujartorparput nutserisoq/oqalutsi marluinnik oqaaseqartoq, torrutiinnarlugu oqalutsitut pappiaqqatigullu nutserinermik piginnaasaqarluarnilu misilittagaqartoq. Iluaqutaassaaq pisortat ingerlatsiviini aammalu inatsisilerinerup tungaatigut nutserisutut/oqalutsitut misilittagaqarnissaq.

Suliassat akisussaaffiillu
Allattariarsornikkut tamalaanik nutserinerit, isumalioqatigiissitat suleqatigiissitallu assigisaasalu ataatsimiinnerini tamanullu ammasumik innuttaasunik ataatsimiititsinerni, oqallitsitsinerni assigisaannilu torrutiinnarlugu oqaluttaanerit, pingaarnertut kalaallisut ingerlanneqartartuni.

Inatsisinik tunngaviusunik sulissuteqarnermi sulinermilu oqaatsit oqariartaatsillu, aammalu taaguusersuutit, katersornerini piorsarneqarnerinilu akisussaasuuneq, allattoqarfimmi sulisut qanimut suleqatigalugit.

Isumalioqatigiissitat sulinerannut atatillugu sinerissamut angalaqataasarnissaq suliassanut ilaavoq.

Piginnaasatigut piumasaqaatit

Ilinnut ilimasuutigut tassaapput:

  • Nutserisut/oqalutsitut ilinniagaqarsimaneq, imaluunniit tamatuminnga misilittagaqarluarnermik uppernarsaalluni
  • Marluinnik oqaaseqarneq, kalaallisut danskisullu
  • Ajornanngippat saniatigut tuluttut nutserisinnaaneq/oqaluttaasinnaaneq
  • Namminersorluni sulisinnaaneq
  • Akisussaassuseqartumik pitsaassutsimillu pingaartitsilluni sulisinnaaneq
  • Suliassanik peqqissaartumik suleriusilik, aamma piffinni ulapaarfinni
  • Suleqatikkuminartoq
  • Piffissanik killiliussaasunik ataqqinninneq eqqortitsinerlu, kiisalu
  • Pisariaqartitsineq naapertorlugu suleriataarsinnaaneq.

 
Allattoqarfik pillugu
Inatsisit tunngaviusussat pillugit Isumalioqatigiissitat Allattoqarfiat suliffeqarfiuvoq sulerusussuseqarfiusoq. Suliffeqarfimmi persuarsiorfiunngitsumi suliamut piginnaasaqarluarneq suleqatigiinnerlu pingaartippagut. Suliffeqarfik anginngilaq maannakkorpiaq tallimanik sulisoqartoq.

Allattoqarfiup isumagai allaffissorneq, aningaasaqarneq, missingersuutit, pilersaarusiorneq, ataatsimiititalianik isumalioqatigiissitanillu sullissineq, inunnik qaammarsaaneq, attaveqatigiinneq aamma paasissutissiisarneq, innuttaasunik peqataatitsineq tusarniaanerillu Kalaallit Nunaata inatsisigiligassai tunngaviusut missingersuusiorfigineqarnissaat siunertaralugu.

Piffinni aalajangersimasuni ulapaarnissaq naatsorsuutigineqassaaq, taamaammat eqaassuseqarnissaq akimullu suleqatigiinnissamut piumassuseqarnissaq piumasarineqarpoq.

Suliffimmi atugassarititaasut pitsaasut aammalu avatangiisit persuarsiorfiunngitsut assigiinngisitaarnermut isumassarsiorluarnermullu inissaqartitsiviusut neqeroorutigaagut.

Paasissutissat sukumiinerusut
Annertunerusumik atorfik pillugu paasisaqarusukkuit tikilluaqquneqarputit attavigissallugu allattoqarfimmi pisortaq Johan Lund Olsen, oqa. +299 34 66 64, mobilip normua +299 55 54 85, mail-ikkulluunniit jolo@nanoq.gl.

Ulloq qinnuteqarfissaq kingulleq
Qinnuteqaat kingusinnerpaamik sisamanngorneq d. 2. juli 2019 tigoreersimassavarput.
Naatsorsuutigaarput tamatuma kinguninngua oqaloqateqarnissat ingerlatissallugit.

Atorfininnissamut ulloq tassaavoq 1. august 2019 imaluunniit piaarnerpaamik isumaqatigiissuteqarnikkut.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk