Skip to main content
84

Dette jobopslag er udløbet

Inatsisinik atuutsitsinermut suliassaqarfimmut inatsisilerinermi fuldmægtigi

Misittagalinnik suleqateqarlutit immikkoortortarmi pissanganartorpassuarnik suliaqarfiusumi suleqataarusukkuit, taava suliffissaqartippatsigit.
 
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik inatsisinik atuutsitsinermut suliassaqarfimmi fuldmægtigimik sulisussarsiorpoq. Qinnuteqartumut uppernarsarneqarsinnaasunik piginnaanilimmut atorfik immikkut siunnersortitut neqeroorutigineqarsinnaavoq.
 
Suliassaqarfimmi politikkikkut anguniakkat piviusunngortinnissaat naalakkersuisoqarfimmi suliarisarpagut. Ilaatigut inatsisiliorneq, matumani naalagaaffiup inatsisai Kalaallit Nunaannut atuuttut ilanngullugit, nunat assigiinngitsut akornanni isumaqatigiissutit, periusissiat aamma suliniutit sulianut ilaapput. Isumaginninnermut suliassaqarfimmi meeqqanut inuusuttunullu sumiginnakkanut, inersimasunut sumiginnakkanut, utoqqarnut inunnullu innarluutilinnut pissutsit patajaallisaavigineqarnissaat pillugit inatsisiliornerit ilaapput. Inatsisinik atuutsitsinermut susassaqarfimmi suliassaqarfiit suli Kalaallit Nunaannit tiguneqanngitsut pillugit qallunaat oqartussaasui qanimut suleqatigisarpagut.  Naalakkersuisut suliassaqarfimmut periusissatut suliniutissanullu pilersaarutaannut tulluartumik inatsisinik atuutsitsinermut suliassaqarfiup ineriartortitsinissaa suleqatigiinnermi tassani siunertarineqarpoq.  Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmi atorfinitsinneqassaatit, tassani inatsisinik atuutsitsinermut suliassaqarfik pillugu suliassat pingaarnertut suliarissallugit, kisianni aamma piffissani aalajangersimasuni naalakkersuisoqarfiup akisussaaffeqarfiisa iluanni immikkoortortani allani suliassat amerlassusaat apeqqutaatillugit, inatsisilerinermut tunngasunik allanik suliassinneqartarsinnaanerit naatsorsuutigissavat.  Massakkut inatsisinik atuutsitsinermut suliassaqarfik immikkoortortami pisortamik inatsisilerituumillu inuttaqarpoq,  isumaginninnermilu inatsisilerinermut immikkoortortaqarfimmi sulillutik immikkoortortaqarfimmi pisortaq aamma inatsisilerituut 3.
 
Inatsisinik atuutsitsinermut suliassaqarfimmi ilaqutariinnut aamma pinerluttulerinermi kiisalu eqqartuussisarnermik inatsiseqartitsineq pillugit inatsisiliornermi naalagaaffimmi oqartussaasut suleqatigisarpagut. Aammattaaq Kalaallit Nunaanni Eqqartuussiveqarneq pillugu Siunnersuisoqatigiit ataatsimiinneranni peqataasarpugut kiisalu Nunani Avannarlerni Ministerit siunnersuisoqatigiiffiata ataani atorfilittat ataatsimiititaliaanni peqataasarluta.  Isumaginninnermi inatsisilerinermut immikkoortortaqarfiup isumaginninnermut suliassaqarfimmut tamarmut inatsisissatut nalunaarutissatullu siunnersuutit piareersartarpai suliaralugillu. 
 
Tamakku saniatigut naalakkersuisoqarfimmi isumaginninnermi inatsisilerinermut immikkoortortaqarfiup suliassanik allanik suliarinninnerani, politikerinik sullissinerani aamma politikerinit, innuttaasunit, kommuninit oqartussaasunillu allanit saaffiginnissutinik akissuteqarneranni ikiuuttarpugut. Inatsisit pillugit nassuiarnerit soorlu aamma inatsisilerinermut tunngatillugu apeqqutit nalinginnaasut pillugit suliaqarnerit tassani pineqarsinnaapput.   Aammattaaq isumaginninnermi inatsisilerinermut immikkoortortaqarfik peqatigalugu naalakkersuisoqarfimmi immikkoortortanut allanut Isumaginninnermullu Aqutsisoqarfimmut inatsisilerinermi sammisassat tunngavii pillugit ikiuuttarpugut. 
 
Suliassat tamatigoortuupput suliarisat assigiinngitsut kulturillu akornanni suleqateqarsinnaanermut kiisalu nammineq suliassaqarfigisanut namminerisamik akisussaassuseqarsinnaanermut piumasaqaateqarfiusut.
 
Ima neqeroorfigisinnaavatsigit:

  • Suliffik, nammineersinnaanerup aalajangiisinnaassuseqarnerullu annertuumik pingaartinneqarfigisaat
  • Suliffik, tunniusimasunik pikkorissunillu immikkoortortaqarfimmi sulisulik
  • Suliffik ammasumik pissusilersorfiusoq, sulisullu ataasiakkaat piginnaasaannik ataqqinniffiusoq
     
    Suliassatit
  • Nammineerluni inatsisissanik piareersaaneq, matumani inatsisissatut nalunaarutissatullu siunnersuutinik suliaqarneq ilanngullugit
  • Politikkikkut aqutsisut aalajangiinissaminnut tunngavissaasa suliarineranni pitsaassutsip qulakkeernissaanut aamma politikkikkut aalajangiussanik piviusunngortitsinermut peqataaneq
  • Inatsisitigut siunnersuineq
  • Nunat Avannarliit Ministeriisa Siunnersuisoqatigiivisa ataanni atorfilittat ataatsimiititalianni peqataaneq
  • Inatsisiliornermi sammisassat tunngavii pillugit allakkianik suliaqarneq

Ilimagisagut

  • Cand.jur.-itut ilinniagaqarsimasutit
  • Inatsisiliornermik misilittagaqartutit, ajornanngippat inatsisinik atuutsitsinermut suliassaqarfimmit aamma/imaluunniit inunnik isumaginninnermut- pisortat inatsisaat pillugit suliassaqarfimmit
  • Suliffimmi politikkikkut aqunneqartumi sulinermik misilittagaqartutit
  • Nammineerlutit akisussaaffik tigusinnaagit, nammineerlutillu sulisinnaallutit
  • Suleqatigiinnermi sunneqatigiittarneq oqartussaasoqarfiillu assigiinngitsunik suliallit akornanni suleqatigiinneq pingaartikkitit
  • Suliannut suleqatinnullu ammasumik inussiarnersumillu pissuseqartutit
  • Ilusilersorluakkamik suleriaaseqartutit, aamma tunniussivissatut killiffiliussat pitsaassuserlu ukkatarigitit
  • Allannguinissamut piareersimasutit suleqatikkuminartuullutillu
     
     
    Kalaallit Nunaanni inuiaqatigiinni pissutsinik kulturimillu ilisimasaqarneq iluaqutaassaaq, piumasaqaataananili.
     
    Suliaq nikerartoq pissanganartorlu, ilaanni ulapiffiusinnaaqisoq, aammali qinnuteqaateqartumut eqqortumut unamminarlunilu pissanganarluartoq ilimagisinnaavat.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffissaq tassaavoq sapaatip-akunneranut nalunaaquttap-akunneri 40-t, kisianni sulinerusinnaaneq ilimagineqarsinnaavoq.

Ulloq atorfiniffissaq
1. juni 2021, imaluunniit piaarnerpaamik tamatuma kingorna.
 
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat annertunerusut:
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik pillugu annertunerusumik paasisaqarusukkuit paasissutissat uani takusinnaavatit: www.naalakkersuisut.gl. Atorfik pillugu annertunerusumik paasiniaaniaruit immikkoortortaqarfimmi pisortaq Trine Foldager allaffigisinnaavat email una atorlugu: trif@nanoq.gl imaluunniit +299 546647-mut imaluunniit +45 31507130-mut sianerlutit paasisaqarnerusinnaavutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk