Skip to main content
110

Dette jobopslag er udløbet

Inatsisileritooq, allagarsiuteqqitaq

http://www.peoplexs.com/Peoplexs22/images/RC_clear.gifIlinniartitaanermut, Kultureqarnermut Ilageeqarnermullu Naalakkersuisoqarfimmut inatsisileritooq.
 
Ilinniartitaanermut, Kultureqarnermut Ilageeqarnermullu Naalakkersuisoqarfik suliassat ataqatigiissaartarnerinut akimorlugillu suliarisar-nerinut inatsisilerituussarsiorpoq.
 
Inatsisileritooq naalakkersuisoqarfiup inatsisilerinernut immikkoortortaqarfianut ilanngutissaaq, tassaasut inatsisilerituut sisamat. Naalakkersuisoqarfimmi ina-tsisileriffik ingerlalluarpoq, illillu atorfineqqaartutut ingerlaavartumik suleqatitaarnit qaninnerpaanik tapersersorneqassaatit, imaajaasarlutit siunnersueqatigisagaqartarlutit, taakkualu naalakkersuisoqarfiup sammisassaasa iluini misilittagaqarluarlutillu annertuumik ilisimasaqarput.
 
Inatsisileritooq inatsisilerinermut immikkoortortaqarfiup immikkoortortaqarfim-mi pisortaanut nalunaarsuisarpoq.
 
Suliassanut akisussaafinnullu tunngasut:
Naalakkersuisoqarfiup akisussaaffiinut tunngasut akimorlugit suliaqartalissaatit pingaarnerusumik naalakkersuisoqarfiup inatsisilerinerisigut suliassaanik iluarsiisarnerit. Pingaarnertut suliassat tassaanerussapput malittarisassanik suliaqartarnerit, sullissinerit aammalu suliassat allat inatsisilerinernut tunnganerusut.
 
Tamakku saniatigut suliassanut ilaapput naliginnaasumik Naalakkersuisumik (ministerimik) kiffartuussisarnerit ilaatigut akissutinik qisuariaatinik, isummer-nissanut tunngavissianik, oqalugiarnernik aammalu misissueqqissaarnernik su-liarinnittarnerit.
 
Piginnaasat piginnaaneqarfiillu:

  • Cand.jur. imaluunniit cand. merc. juriuvutit.
  • Aalajaatsuussaatit, akisussaassuseqarlutillu
  • Sapiissuseqarputit, pimoorussisuullutit qaffasissusinilu tamani suleqateqallaqqissuullutit
  • Allattariarsornikkut oqaatsitigullu oqaasertaliullaqqissuuvutit.
  • Ammasuuvutit aammalu inatsisilerinertigut suliaqarnermut attuumassutilinni
  • suliamut tunngasut pillugit ilisimasanik pissarsiullaqqissuuvutit aammalu soqutiginnittuullutit
  • Suliassat itinerusumik suliarissallugit pisariaqartitsisut suliassallu nukingiutassat akornanni nikerartitsisinnaavutit

 
Annertuumik iluaqutaassaaq, naalakkersuisoqarfiup suliassaqarfiini ataaseq ar-lalinnilluunniit ilisimasaqarfigigukkit, kalaallit nunaanni pissutsit paasisimasarfigilluarukkit aammalu politikkikkut aaqqissuussisimaneqarfiit  kiisalu pisortaqarfiit immikkoortortaqarfiinit misilittagaqaruit.

Ilinniartitaanermut, Kultureqarnermut Ilageeqarnermullu Naalakkersuisoqarfimmi sulisut 45-t missaaniipput, ulluinnarnilu sulisarnerni ilisarnaatigineqarput, inatsisilerituunut tunngatillugu suliassanut tunngasunut immikkoortortaqarfinni sullissisut qanilaartumik oqaloqateqartarneri.
 
Annertunerusumik paasissutissat pillugit attavigisinnaavat immikkoortortaqar-fimmi pisortaq Claus Kleemann clkl@ghsdk.dk, oqa. +45 32 83 38 54.
 
Ulloq 19. juli 2019 qinnuteqarnissamut killigititaavoq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk