Skip to main content
105

Dette jobopslag er udløbet

Inatsisileritooq

Kalaallit Nunaanni Aalisarsinnaanermut Akuersissutinik Nakkutilliisoqarfik ingrelatsinernut, inatsisilerinernut nunanullu allanut isumaqatiginninniarnernut suliaqartarsussamik inatsisilerituussarsiorpoq
Kalaallit Nunaanni aalisarneq pingaarnerpaavoq. Aalisarsinnaanermut Akuersissutinik Nakkutilliisoqarfik (KANUAANA) inatsisileristuussarsiorpoq nakkutilliisoqarfiup sulissarpassuinut unamminartunut.
KANUAANA Aalisarnermut Piniarnermullu Naalakkersuisoqarfimmi immikkoortortaqarfiit qanimut suleqatigalugit kalaallit nunaanni aalisarnermik piniarnermillu alapernaarsuinermik nakkutilliinermillu suliaqarpoq.
KANUAANA allaffissornikkut 17-inik sulisoqarpoq, atorfillu tassani inissisimassalluni kiisalu nakkutilliisooqatigiit alapernaarsuisut 12-it, piniarnermik nakkutilliisut 12-it aalisarnermillu nakkutilliisut 6.

Suliassat
Atorfik pilersinniarneqartuuvoq taassumalu siunertaraa nakkutilliisoqarfiup sulissarpassuinut unamminartunut suliaqarnerup inatsisilerituumik ikiorneqarluni nukittorsarneqarniarnera, tamatumalu saniatigut inatsisileritooq aqutsisoqatigiinnut ilanngutissaaq.
Suliassat pingaarnertut makkuussapput:

  • nalunaarutinik ilitsersuutinillu suliaqarneq tassunga ilanngullugit nunanut tamalaanut akisussaaffigut kiisalu Naalakkersuisoqarfiup inatsisilerituui allat peqatigalugit inatsisinut tunngasunik suliaqarneq
  • nakkutilliisoqarfimmi suleriaatsinik suliassanillu aalajangersaanermut peqataaneq, tamatumani nutaanik suleriaaseqalernissamut suliassanullu pilersaarusiorneq ineriartortitsinerlu ilanngullugit
  • Ilaatigut unioqqutitsisoqarnermi suliassanut atatillugu tigussaasumik sulianik ingerlataqarneq suleqatinillu siunnersuineq
  • suliassaqarfimmi inatsisinik malittarisassanillu nassuiaassineq aaqqissuussaasumillu suliaqarneq, kiisalu suliffiup iluani avammullu siammarterinermi peqataaneq
  • nalinginnaasumik sulianik ingerlataqarnermi inatsisitigut ikuineq siunnersuinerlu, tamatumani ilanngullugit qarasaasiakkut ingerlatsinerup kinguneranik malittarisassat nutaat piumasaqaataannik eqquutsitsinissaq ilaatigullu inunnut ataasiakkaanut tunngatillugu paasissutissat pillugit ilanngullugit
  • nunat tamat akornanni ataatsimiinnerni isumaqatigiinninniarnernilu peqataaneq, kiisalu aalisarnermik nakkutilliinerup iluani nunat tamat akornanni inatsisinut pissutsinik siunnersuineq

Piginnaasat
Suleqatissarput cand.jur., cand.merc.jur.-atut assigisaanilluunniit ilinniagaqassaaq, makkunannga piginnaasaqartoq

  • aaqqissuulluagaasumik sulisinnaasoq, misissueqqissaarsinnaasoq pilersaarusiorluarsinnaasorlu
  • oqaatsitigut allattariarsorlunilu oqaasertalersuisinnaalluartoq

Suleqatigiuminartuunissaq piumasaqaataavoq amerlanertigut suleqatigiinneq suliassat allaffeqarfiup iluani, avataani nunallu tamat akornanni suliassaqarfiit akimorlugit suleqatigisartakkat kiisalu aalisarnermi pisassaqartut peqatigalugit ingerlanneqartarmat.
Naatsorsuutigaarput, illit

  • nammineersinnaasutit akisussaaffiitillu ilisimaarigitit
  • suliassanik tunniusimallutit ajunngitsumillu ingerlataqartassasutit
  • politikkikkut aqunneqartumi sulinissaq piareersimaffigissagit
  • persuarsiorfiunngitsumi tutsuiginartumili sulinissamik kissaateqartutit

Iluaqutaassaaq piumasaqaataananili illit

  • inuiaqatigiinnut kalaallinut ilisimasaqaruit inuiaqatigiinnilu pissutsinut paasisimasaqarlutit
  • kalaallisut/danskisut/tuluttut oqalussinnaasutit
  • aalisarnermut aamma/imaluunniit piniarnermut ilisimaqasassaruit
  • pisortaqarfimmi namminersortumiluunniit sulinermik misilittagaqaruit, taamaattoq ilinniakkaminnik naammassinneqqammersut aamma kajumissaarneqarput qinnuteqaqqullugit
  • Sulianik ingerlataqarnermut paasissutissanillu nalunaarsuinermut qarasaasiakkut atortorissaarutinik nutaalianik ilisimasaqaruit atornissaanulluunniit ilikkassallutit kissaateqaruit