Skip to main content
89

Dette jobopslag er udløbet

Inatsisilerinermik Immikkoortortaqarfimmi, Adjunkt-imik ph.d.-mik ingerlatsisumik pissarsiorpoq

Ilisimatusarfik/Kalaallit Nunaata Universitetia, Inatsisilerinermik Immikkoortortaqarfimmi, Inuiaqatigiilerinermik, Aningaasaqarnermik
Tusagassiornermillu Instituttimi, Adjunkt-imik ph.d.-mik ingerlatsisumik pissarsiorpoq.

Adjunkt-itut atorfik ph.d.-mik ingerlatsinertalik Inatsisilerinermik Immikkoortortaqarfimmi, Inuiaqatigiilerinermik, Aningaasaqarnermik Tusagassiornermillu Instituttimi, ukiut 6-t angullugit sulisinnaasumik pissarsiorpoq.

Atorfik pillugu
Atorfik marloqiusamik atorfiuvoq, imaralugit ilinniartitsineq, taassumalu saniatigut ph.d.-mik ilinniarneq. Adjunkt-itut atorfik ph.d.-mut ingerlatsinertalik qinnutiginiaraanni piumasaqaataavoq qinnuteqartoq kandidat-itut ilinniarsimassasoq aammalu ph.d.-mut ilinnialernissamut piumasaqaatinik allanik naammassinnissimassasoq.

Ilinniarneq Inatsisilerituutut Ilinniarfimmi ingerlanneqassaaq,Ilisimatusarfimmili  ilinniarfinni assingusuni allani pisinnaasassalluni. Atorfinittup bachelor-itut ilinniartunik inatsisilerinermik ilinniartitsisarnissaa naatsorsuutaavoq.

Ilinniartitsinermi qallunaat, tuluit aammalu/imaluunniit kalaallit oqaasii atorneqassapput. Piumasaqaataanngilaq, taamaattorli kalaallit oqaasiinik ilisimasaqarneq iluaqutaassaaq, Immikkoortortami suliassat ilagimmassuk inatsisilerinermi taaguutit kalaallisuut siunissami siuarsarnissaat.

Siunissami naatsorsuutigineqarpoq ilisimatusarneq Kalaallit Nunaannut Nunanullu Issittunut aammalu Kalaallit Nunaanni inatsisilerinermut bachelor-inngorniartarnissamut sammisuussasoq.

PH.d.-mik ilinniarnerup makkua imarai:

  • Aqqutissiorneqarnikkut ilinniagaqarnikkullu namminerisamik ilisimatusaasiorneq ph-d.-mi sammisaq tunuliaqutaralugu.
  • Pikkorissarnerni peqataaneq 30 ECT-pointit nalingat.
  • Ilinniartitsineq allatullu siammarterineq.
  • Ilisimatusarfimmi ilisimatuut akornanni peqataaneq
  • Nunatta iluani avatitsinnilu isumasioqatigiinnerni peqataanerit
  • Nunani allani ilisimatusarfinniinnerit


Qinnuteqarneq qinnuteqatip saniatigut makkunannga imaqassaaq:

  • Ilanngussaq 1: Curriculum Vitae.
  • Ilanngussaq 2: Soraarummeersimanermut uppernarsaatit.
  • Ilanngussaq 3: Suliat allattorsimaffiat tulleriinnilersorluagaq, siornatigut ilisimatusaatigisat saqqummiussallu allattorsimaffii takussutissartaalu.
  • Ilanngussaq 4: Ph.d.-mi suliarissamaakkap allaaserinera.
  • Ilanngussaq 5: Saqqummersitat atuagarsornermut saqqummersitassamulluunniit tunngasut pingasut angullugit.


Ph.d.-mik ilinniarneq annertunerusumik paasisaqarfigisinnaavat Ilisimatusarfiup Ph.d.-mik ilinniarnermut maleruagassaani www.uni.gl-imi, soorluttaaq Ilisimatusarfimmi atorfiit aaqqissuus-saanerat aamma tassani atuarsinnaagit.


Ph.d.-mik ilinniarneq pillugu paasissutissat annertunerusut uani atuarneqarsinnaapput: www.uni.gl., soorluttaaq aamma qinnuteqartut Ilisimatusarfimmi atorfinitsitseriaatsimut tunngasut tassani atuarsinnaagaat.

Ilisimatusarfik – Kalaallit Nunaanni Universiteti, 1987-imi pilersinneqarpoq. Ilisimatusarfik Issittumi universitetiuvoq immikkoortortami sukkasuumik ineriartortumi ilisimasanik nutaaliornermillu pilersuisoq.
Ilisimatusarfik sisamanik Institutteqarpoq:

  • Inuiaqatigiilerinermik, Aningaasaqarnermik Tusagassiuuteqarnermillu Institutti
  • Kulturimik, Oqaatsinik Oqaluttuarisaanermillu Institutti
  • Ilinniartitsinermik Institutti
  • Peqqissaanermik Institutti peqqissaasunngorniarfittalik


Instituttit tamarmik  kandidatimut bachelorimullu ilinniarfiupput.
Ilisimatusarfik ilisimatusarnermik ilinniartitsinermillu pingaartumik Qallunaat Nunaannik Nunanillu Avannarlernik kiisalu Europap sinneranik Amerikamillu avannarlermik suleqateqarpoq

Atorfimmut tunngasunik paasissutissat annertunerusut  pissarsiarineqarsinnaapput Immikkoortortami pisortaq Pia Vendelbi attavigalugu, +299 38 56 89.
Ilisimatusarfik, Kalaallit Nunaanni Universiteti pillugu annertunerusumik paasisaqarusukkuit una innersuussutigaarput: www.uni.gl.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk