Skip to main content
91

Dette jobopslag er udløbet

Inatsisilerinermi ilisimatuutut misissuinermi pisinnaasalik

Inuiaqatigiilerinermik, Aningaasaqarnermik Tusagassiornermillu Ilisimatusarfimmi inatsisilerineq ilisimatuutut misissuiffissatut ilinniartitsivissatullu ineriartortinneqaleruttorpoq. Taamaattumik sulisussarsiorpugut atorfimmi inatsisilerinermik suliaqarfiusumi professoritut, lektoritut adjunktitulluunniit ph.d.-nngorniuteqartutut.

Pisortani inatsisilerinermi bachelorinngorniutillit ukiami 2018-imi ilinnialersussat siulliit tigusaareerput.

Atorfigineqarsinnaalissaaq 01. maj2019-imi imaluunniit isumaqatigiissutigisaq naapertorlugu. Kissaatiginarpoq qinnuteqartoqassasoq piffissap ilaani atorfeqarnissamik kissaatilinnik.

Ullumikkut ilisimatusarfimmi inuiaqatigiilerinermi, isumaginninnermi, tusagassiornermi aningaasaqarnermilu ilinniagaqartoqarsinnaavoq, naatsorsuutigineqarporlu taakkuninnga suliallit suleqatigineqartassasut. Inatsisilerinermi ilisimatuutut misissuinermi suliassartaa pingaarnertut tassaassaaq inatsisilerinermut tunngasunik Nunatsinni inuiaqatigiinnut immikkut soqutiginaatilinnik ilisimatuutut misissuinermik ineriartortitsineq, Kalaallit Nunaanni pisortani inatsisilerineq immikkut sammisaralugu.

Sammisaqarfiit Nunatsinni inuiaqatigiinnut immikkut soqutiginaatillit ukuusinnaapput, assersuutigalugu: Inuttut pisinnaatitaaffiit, isumaginninnermi inatsisilerineq, avatangiisinut tunngasutigut inatsisilerineq, imarsiornermi inatsisilerineq, aatsitassanut tunngasutigut inatsisilerineq, nunat tamalaat akornanni inatsisilerineq, aaqqissuussaanerni inatsisilerineq. Allat eqqaaneqarsinnaasut soqutiginaateqarluartut tassaasinnaapput, eqqartuussiveqarfiit, minnerunngitsumillu inatsisitigut isumannaatsuunermut inuinnarnut eqqartuussiveqarnermut atuutsitsineq, aammalu eqqartuussiveqarnernut isumannaallisaanermi apeqqutit, taamaattorli aamma allakkatigut tigussaasumillu inatsisit eqqartuussinermilu naammassisap qarasaasiakkut peqannginnermut apeqqutit.

Qinnuteqartut erseqqissassavaat atorfik qinnuteqarfigisartik tassaanersoq lektoritut, adjunktitut imaluunniit adjunktitut ph.d.-nngorniuteqartutut atorfik.

Naatsorsuutigaarput professoritut / lektoritut atorfeqalernissamik qinnuteqartut Kalaallit Nunaanni Issittumiluunniit allami immikkut soqutiginaateqarsinnaasuni ilisimatusarnermi siornatigut misilittagaqarnissaat kiisalu ilinniartitsinermi misilittagaqarnissaat.

Adjunktitut atorfeqalernissamik qinnuteqartut ph.d.-nngorniuteqarsimasinnaavoq allanilluunniit saqqummersitaqarsimassalluni Kalaallit Nunaannut Issittumiluunniit allamiittunut immikkut soqutiginaateqarsinnaasunik.

Adjunktitut ph.d.-nngorniutilittut atorfeqalernissamik qinnuteqartut minnerpaamik inatsisilerinermi kandidatitut soraarummeeruteqarsimassapput, inatsisilerinermut tunngasunik ilinniartitsinermi misilittagaqarsimanissaat kissaatiginarluni.

Ilisimatusarfimmi, Grønlands Universitetimi, qallunaatut, tuluttut kalaallisulluunniit ilinniartitsisoqarsinnaavoq. 

Qinnuteqaat
Qinnuteqaatit tamarmik qinnuteqaaterpiap saniatigut ukuninnga imaqassapput:

  • Curriculum Vitae.
  • Soraarummeersimanermut uppernarsaatit.
  • Sulianik naliliinermut tunngasut naleqquttut.

Professoriunissamut /lektoriunissamut adjunktiunissamut qinnuteqaatit aamma ukuninnga imaqassapput:

  • Publikationsliste tamakkiisoq normulersugarlu suliarisimasat malugeqqusat naliligassat ima * nalunaaqutserlugit.
  • Professoritut / lektoritut atorfeqalernissamik qinnuteqaatit saqqummersitanut amerlanerpaamik arfineq-pingasunut innersuussutitalik, adjunktitut atorfeqalernissamik qinnuteqaatit saqqummersitanut amerlanerpaamik tallimanut innersuussutitalik.
  • Siornatigut ilisimatusarfigisimanik allaaserisaq atorfimmilu ilisimatusarfigisassanik pilersaarusiaq.
  • Ilinniartitsinermi pisinnaasanut ilisimatuutullu misissukkanik ingerlateqqitanut uppernarsaatit.

Ph.d.-nngorniuteqarluni adjunktiunissamut qinnuteqaatit aamma ukuninnga imaqassapput:

  • Saqqummersitaqarsimagaanni naleqquttunik.
  • Ilinniartitsinermi misilittagaqarsimagaanni.
  • Ph.d.-nngorniummi projektbeskrivelsissamut siunnersuut.

Naliliineq atorfinitsitseriaaserlu
Malittarisassiat atuuttut naapertorlugit ataatsimiititaliortoqassaaq suliamik ilisimasaqarluartunik ilaasortalimmik qinnuteqaatinik naliliisussanik. Qinnuteqarnissamut killigitinneqartoq qaangiuppat qinnuteqartut paasitinneqassapput naliliinissamu ataatsimiititaliami kikkut ilaassanersut. Ataatsimiititaliamiittut qinnuteqaatit suliarissavaat ilisimatusarfimmilu pisortamut ataatsimut nalileereerluni qinnuteqaatinik pingaarnersiuisussamut siunnersuuteqarlutik.

Atorfik pillugu paasissutissanik amerlanerusunik pisinnaavutit ilisimatusarfimmi pisortamut Gestur Hovgaardimut saaffiginninnikkut uunga sianerlutit +299 38 56 72, imlt. immikkoortortami pisortamut Pia Vendelbomut saaffiginninnikkut uunga sianerlutit +299 385911.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

  Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk