Skip to main content
156

Dette jobopslag er udløbet

Immikkut ittumik siunnersorti- /Siunnersortit pisortaat MIO´mut

Meeqqat pisinnaatitaaffiinut suliffeqarfik MIO Siunnersortit pisortaannik pissarsiorpoq

Nalilersuillaqqippit paasissutissanillu annertungaatsiartunik pitsaassusiliisinnaavit eqikkaasinnaallutillu? Meeqqat atugai pillugit katersuinermi, inerisaanermi aamma akunniliulluni sulissussinermi akisussaarusuppit? Meeqqanut inuusuttunullu iliuuserineqartartuni assigiinngitsuni nalilersueqataarusuppit? Namminersorlutit  aaqqiissuillaqqillutillu sulisinnaavit? Taava illiusimavoq Immikkut ittumik siunnersortitut- /siunnersortit pisortaattut ujagarput MIO`mi, Nunatta Meeqqat pisinnaatitaaffiatigut suliffeqarfiani ujartugarput.

MIO`p sulissutigaa Naalagaaffiit Peqatigiit meeqqanut inuusuttunullu pisinnaatitaaffiisa isumaqatigiissutaa Nunatsinni ilisimaneqarnerulernissaa.
MIO`mi suleqatigiiuvugut ikittunnguulluta qanimut suleqatigiittut, ilinniarsimassutsikkut nikeraqaluta tamakkua akimorlugit suleqatigiippugut, ajunnginnerpaamik angusaqarumalluta. Immikkut ittumik siunnersorti- /siunnersortit pisortaatut atorfik unamminartuuvoq, ilaatigut piumasaqartoqarpoq namminersorluni sulisinnaassasoq allanillu aamma suleqateqarsinnaanini pingaartinneqarluni.

Suliassatit:

  • Meeqqat atugassarititai pillugit ilisimasanik katersuinermi, inerisaanermi aamma akunniliulluni sulissussinermi akisussaasumik
  • Ilisimasanik katersuivimmik pilersitsilluni inerisaanissaq, Nunatsinni meeqqat inuusuttullu atugassarititaasa paasissutissartai katersugaatigilerniarlugit
  • Naalagaaffiit Peqatigiit meeqqat pisinnaatitaaffiinik nakkutiginninnerata inerisaqqinnerata akisussaaffigissallugu
  • Misissuinernik suliaqartarnissaq uppernarsaanermut, nalunaarsuinermut oqaasertaliinermilu atugassat
  • Inunnik aalajangersimasunik misissuinermi suleqataaneq, meeqqani inuusuttuni ilaqutariinnilu immikkut toqqakkani misissuinerit
  • Meeqqanut inuusuttunullu iliuuseqarnermi nalilersuineq inerniliinerlu
  • Tusarniaanermi akissutinik inerniliineq
  • Tusagassiuutinut nalunaarutit


Misilittagalimmik misissueqqissaartartumik amigaateqarpugut, meeqqat inuusuttullu inatsisaannik ilisimasalik. Misissuisoqartillugu ilaasarnissat naatsorsuutigineqarpoq, meeqqanik inuusuttunillu peqataatitsineq sulissutigissallugu aammalu soqutigisaqaqatigiit atituut, s.a. angajoqqaat, qinikkat, pisortat. Soqutigisaqaqatigiit il.il. Misissuisarnerni inerneri tamanut tusarliunneqarnissaat isumagissavatit, tamanut paasinartunngorlugit, siunertaralugu meeqqat inuusuttullu nipaat ersarinnerusumik inuiaqatigiinni tusarsaanerunissaat anguniassallugu.

Ilinniarsimassutsikkut piumasaqaatit:

  • Kandidat-itut naleqquttumik tunulequtaqarnissaq, inuiaqatigiilerinerup iluani.

Makkua piginnaaneqarfigissagitit pingaartipparput:

  • Kisitsisilerinermi piginnaanerit nukituut
  • Oqaasilerillaqqilluinnartuuvutit
  • Inuiaqatigiit kalaaliusut kulturiallu ilisimasaqarfigeqqissaarpatit
  • Meeqqanut tunngasutigut nukittorsaanissaq sakkortuumik piumassuseqarfigalugu
  • Meeqqat atugassarititaasa pitsanngorsarneqarnissaannut soqutiginnilluinnaqqissaartuuvutit

Inuttut inissisimaninni pingaarpoq:

  • Tunniussimanissaat aamma nutaaliullaqqissuseqartutit
  • Annertuumik tatiginassuseqartutit qaffasittumillu pitsaassusiliisinnaavutit
  • Tamakkerlugu isiginninnermik pilersitsisinnaavutit. Pingaarnersiuillaqqipputit sulinerillu aaqqissuulluakkamik ingerlattarpat – aamma sakkortuumik pineqartillutit
  • Namminersullaqqipputit, Iliuuseqallaqqipputit pisoqartillugulu tamakkiisumik isiginnillaqqipputit.
  • Alapernaatsuuvutit aamma tatiginartunik ilisarisimasaqallaqqipputit.
     

MIO arfiniliinnarnik imminut ilisarilluinnartunik suleqatigiinnik pilersitsinikuuvoq. Tamatta Nunatsinni meeqqat inuusuttullu tunngasutigut tunniusimalluinnarluta suliaqarpugut.
Ulluinnarput ulapaarfiuvoq naammassisaqarluartarluta, pisullu ataatsikkut ingerlaartut tamakkiallugit ataatsikkut suliarisariaqartarlugit, tamannalu pissutigalugu tamatta immikkut ilinniarluarsimanerput atorluaqaarput suleqatigiilluta. Suliap ingerlarna malilluinnarlugu sulivugut faginullu arlalinnut tunngasut pingaartitaralugit. Suleqatigiinitsinni ilaasortaarusukkuit meeqqallu pisinnaatitaaffii Nunatsinni sunnerusukkukkit, taava imaassinnaavoq MIO ilinnoortoq.
 
MIO`mi tunngaviusumik isigalugu inatsisitigut tunngavipput qimannagu sulivugut, taamaammat Meeqqat Illersuisuat aamma Meeqqat Siunnersuisooqatigiivi inatsisit naapertorlugit sullippavut.
  
MIO`mi ilinnut neqeroorutigisinnaavagut:

  • Suleqatit suliaminut pikkorissut, suliaminnullu tunniusimalluinartut
  • Naalagaaffiit Peqatigiit meeqqanut isumaqatigiissutaat akunniliulluni pissanganartumik pilersaarusiorluarlugulu saqqummiuttarpaa, MIO´p suliamik iluarsartuussilluni suliarisartagai ingerlaavartumik saqqummiuttuaannarlugu
  • Nunatsinni meeqqanut inuusuttunullu sunniutilimmik sullississalluni

Atorfittut allagartaliussaq naapertorlugu atorfinittoqassappat piumasaqaataavoq, suleqataasussaq ilinniartitaanikkut uppernarsakkamik piginnaaneqassasoq, siunnersortini pisortanngussappat.

Septemberip aallaqqaataani sulilersinnaavoq immikkulluunniit isumaqatigiissuteqarnikkut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk