Skip to main content
146

Dette jobopslag er udløbet

Immikkoortortami Aqutsisoq Pilutami

Ulloq sulilerfissaq 1. Januari 2023 imaluunniit isumaqatigiinnikkut.

Pilutaq  pillugu
Pilutaq Sisimiuniippoq, Kalaallit Nunaanni, tassaavoq Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik ataaniittoq Meeqqanut inuusuttuaqqanullu sumiginnagaasimasunut 11-17-inik ukiulinnut. Ulloq unnuarlu angerlarsimaffinnut immikkoortortaqarfik ukununnga: Inissitat meqqat inuttut aqqusaagaqartuupput sumiginnaagaasimanermik tunngaveqarsinnaasumik, nunarput tamakkerlugu inissiisarfiuvoq.
Angerlarsimaffik Pilutaq niviarsiaqqanut tarnimikkut sanngiitsunut ulloq unnuarlu perorsaaviulluni paaqqinnittarfiuvoq. Eqimattat sullitassatut anguniakkat makkunannga unammillernartuuteqartarput:
  • Inuttut oqimaatsunik avatangiiseqarluni, aaqqissuussaanngitsumik sumiginnagaallunilu alliartorneq
  • Inuttut misigissutitigut ilikkarniarnikkullu unammillernartuuneqarnerit
  • Attaveqarniarnermik ajornartorsiuteqarneq
  • Imminut naleqartippiannginneq aamma imminut tatigerpiannginneq
  • Inunnut allanut tatiginnippiannginneq
  • Pinerluuteqarnissamut qaninneq
  • Pissusilersornermik ajornartorsiuteqarneq, soorlu sakkortuumik pissuseqarneq
  • Isumassorneqarnissamik, aaqqissugaasumik patajaatsumillu inersimasunit attavigineqarfigineqartarnissamik pisariaqartitsineq

Oqartussaaffik
Immikkoortumi aqutsisup qaninnerpaamik oqartussaaffeqassaaq Angerlarsimaffik Pilutami pisortamut.

Atorfik pillugu:
Makku ilaatigut akisussaaffigissallugit piareersimaffigissavatit
  • Ulluinnarni aqutsineq, aqutsisooqatigiit suleqatigalugit.
  • Sulisut suliffissaat piareersaasiorlugit suliaralugit.
  • Immikkoortortap aningaasatigut atuinera nakkutigalugu.
  • Immikkoortortami ataatsimiinnissanut pilersaarusiornerit, aalajangiussanullu malitseqartitsinerit.
  • Immikkoortortami meeqqat ataatsimiinnerisa piareersaasiorneri, atuutsinnerilu.
  • Immikkoortortami suleriutsit anguniakkallu sulinermi qularnaarneri.
  • Immikkoortortami aaqqissuussamik maleruagassanik atuutsitsineq.
  • Tunniussisinnaaneq immikkoortortani sulisunut supervisioninik iml. Illu tamaat eqqarsaatigalugu.
  • Killiffik pillugu sullitanut nalunaarusiornerit suliarineri, ineriartortitsinermut
pilersaarutit, nalunaarutiginninnerillu.
  • Tværfaglig-mik suleqateqarsinnaaneq.
  • Angajoqqaanik oqartussaassuseqartunillu suleqateqarsinnaaneq.
  • Meeqqanik isertertunik anisussanillu pilersaarusiuussisinnaaneq.
  • Suleqatissanik nutaanik tigusisinnaaneq ilisarititsisinnaanerlu.
  • Ilismaqasarneq ineqartunut 13-18 ukiulinnut, angallattagassassinnut
Makku ilaatigut ilinnut naatsorsuutigaagut:
  • Perorsaasutut ilinniagaqarsimassasutit, pitsaassaarlu aqutsisutut
ilinniagaqarsimassasutit.
  • Misilittagaqarsimassasutit angerlarsimaffiup avataanut meeqqat
inissinneqarsimasut sullissereernikuullutit.
  • Piginnaaneqartutit aqutsisutut, ersarissuusutillu ilinniakkat suleriaatsillu
tunuliaqutigalugit.
  • Siumut isigisumik ilinniakkat tunuliaqutigalugu takorluuisinnaassuseqartutit.
  • Kalaallisut qallunaatullu oqaaseqartuusutit allassinnaasutillu.
  • Bagvagtiusinnaasutit
  • Kørekort-eqaruit pitsaassaaq piumasaqaataanngilarli.

Makku ilaatigut ilinnut neqeroorutigaagut:
  • Atorfik pissanganartoq, namminersorlunilu suliffik immersuiffiusoq.
  • Suliffik ineriartornissamut pingaartitsisoq ulloq unnuarlu suliffik meeqqamut
qitiutitsiffiusoq.
  • Suliffik sulisunik ilinniarsimalluartunik suleqateqarfiusoq, suliffigissaanermillu ukkassiffiusoq
  • Ilinniaqqikkusussuseqartuusutit ilisimasatit suliffimmi ineriartortikkumallugit.

Sap.ak.-eranut 40 timer suliffiusartussat ullukkuunerupput pisariaqartitsiffimmi unnukkoortoqarsinnaavoq.

 
Pinerliisimannginnermut uppernarsaat/meeqqanik pinerliisimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu Pilutaq pinerlussimannginnermik allagartamik tigusinerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat naliliinermut ilaatinneqassaaq.

Paasissutissat allat
Atorfik pillugu paasisaqarnerorusukkuit saaffiginnissinnaanernut tikilluaqquatsigit. Forstander Nukànguak´L. Andersen  tlf: +299580332 email: forst@nanoq.gl

Qinnuteqarneq
Atorfiit qinnuteqarfineqarsinnaapput  uunga www.naaalakkersuisut.gl 
Qinnuteqarfissap ullua kingulleq: 27/12-2022

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.   Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk