Imarsiornermik Ilinniarfik maanna soqutiginartumik, pissanganartumik pitsaasumillu ineriartorpoq. Pikkorissunik suleqateqarnissarput pisariaqartipparput, taakku isumaginnippasissumik, piumassuseqartumik nutaanillu eqqarsariarsinnaassapput.
Nuummi allaffitsinni misilittagaqarluarsimasumik, suliaminut pikkorissumik Namminersorlutik Oqartussat periusiinut atatillugu suleriaasitsinnut siunnersueriaasitsinnillu allaffissornikkut sulilluarsinnaasumik pissarsiorpugut. Suliassiissutaasartut amerlapput assigiinngiiaarlutillu, taamaattumik ullut assigiittutut inneq ajorput. Neriuutigaarput ilimagaarpullu sullissisarnitsinni allaffissornitsinnilu pitsaassutsimik annertuumik tapiissuteqarnissaq qulakkissagit,uagut ilutsinni avammullu sullissinitsinni. 
Imarsiornermik Ilinniarfik allaffissornikkut siunnersortimik piaartumik imaluunniit isumaqatigiissuteqarnikkut sulilersussamik. 

Sulilersussaq: 
Allaffissornikkut siunnersortitut uatsinni sulileruit pisortatigut allaffissornikkut ukiut arlallit misilittaqareersimassaatit. Aamma inatsisit uatsinnut tunngasinnaasut kingulliit ilanngullugit ilisimasaqarfigissavatit. 
Sulisuussaatit suliannut tunniusimasoq, nuannaartoq suleqatigiuminartorlu. Inussiarnersoq ikiuiumatoorlu, sullarissoq sulianullu assigiinngitsunut nooriataarsinnaasoq, nammineersinnaasoq sulianillu naammassisaqarusuttoq. Inuk tatiginartuussaatit akisussaaffimmik nangaanani tigusisinnaasoq suliassanillu nammineerluni aallarneerusuttoq. 
Inuit assigiinngitsorpassuit attavigisartussaagakkit ammasuusariaqassaatit saaffiginnittoqaraangallu saamallutit.
Inuit nammineerlutik oqarasuaatikkut oqaloqatigilluarsinnaassavatit. Piumasaqaataavoq kalaallisut qallunaatullu oqalussinnaanissat. 

Suliassat pingaarnerit makkuupput: 

• Telefonimik nakkutiginninneq saaffiginnittunillu tigooraaneq 
• Sulisut tiimiinik nalunaarsuineq ingerlatitseqqinneq akissarsialeriffimmut
• IRIS-imi siullertut aappaatullu akuersissutiginnittartoq
• Pikkorissaanermik pilersitsineq nittarsaassinerlu
• Pikkorissaanerit pilersaarusiorneri pillugit allaffissornerit
• Pikkorissartussat ilitsersuisussallu angalanissaannik pilersaarusiornerit
• Certifikatinik sananerit nalunaarsuinerillu
• Pikkorissarnermut immikkoortortap (PKU aamma AMA) naatsorsuutaanik sulineq
• Pikkorissarnernik
• Sulianik – tassa sag-inik – nalunaasuineq kiisalu toqqorsineq
• Allaffimmi siliassanik takkuttunik allanillu suliaqarneq 

Ilimagissavarput: 

• Aningaasat akiligassallu pillugit iliuutsinik ilisimasalik
• Naatsorsuuserinerit kisitsisillu pillugit pitsaasumik ilisimasalik ledelsesinfo-mi
• IT-mut IT-milu systeminik pikkoriffilik, pingaartumik excel pillugu ilisimasaqarluartoq
• Allaffimmiutut ilinniarsimasoq 
• Allagarsornikkut oqalunnikkullu arlariinnik piginnaanilik
• Nammineq sulisinnaasoq 
• Suleqateqarluarsinnaasoq saaffiginnissutinillu sulilluarsinnaasoq  
• Pitsaasoq, ammasoq saaffigiunminartorlu
• Tatiginartoq pitsaassutsinullu tappissoq
• Aqqissuulluakkanik sulisinnaasoq 
• Aalajaatsoq 
• Piffissanik isumaqatigiissutinut il.il. eqquutitsisartoq 
• Kalaallit Nunaani pissutsinut ilisimasaqarluartoq 
• Kalaallit Nunaannut inatsisinik ilisimasalik 

Neqeroorutigaarput: 
Imarsiornermik Ilinniarfik tassaavoq pisortatigut suliffik angusaqarusuttoq akisussaaffimmik pigisaqartoq kiffaanngissuseqarluartorlu. Ulluinnarni sulinitsinni suleqataassaatit pingaarutilik. Allaffimmi suleqatigiinnguuvugut ikittut immitsinnut sulinitsinni qanittut suleqatigiilluartullu. Neriorsuivugut suliffimmi tusarnaarneqartarnissannik, angusatit takuneqartassasut, aamma illit nammineq inututtut namminerlu sukkassutsit tunngavigalugit piumasallu tunngavigisassagigut. 
Neriorsuissalluta sapinngilarputtaaq sammisatigut inuttullu ineriartorumaarnissat, aqqummut tamarmut ingerlaqatigiittarpugut. Nuaaneraangat ilungersunaraangallu.
Akerlinganik neqeroorutigerusupparput immikkoortortannguatsinni atorfik inooqatigiinnermik ikioqatigiinnermik tunngavilik, aamma nutaanik ilikkarfiujuartoq.  

Paasisaqarnerorusukkuit 
Atorfik pillugu paasisaqarnerorusukkuit allaffimmi pisortaq Vivi F. Broberg oqarasuaat +299 34 87 83 e-mail vifr@maritim.gl saaffigissallugu tikilluaqqusaavutit.
 

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk