Find job
Dette jobopslag er udløbet
Imarsiornermik Ilinniarfik Nuuk illu aamma atortunik aserfallatsaaliinissamut siunnersortimik ilisimasaqalluartumik suleqatissarsiorpugut
Suliassat pingaarnersaraat pigisat atortut aserfallatsaaliornissaat aammalu illuutigisat eqqaaniittut. Assersuutigalugu aputaajaasoqarsinnaavoq, ilinniarfiup umiatsiaarai isumagalugit aserfallatsaalillugillu, illup iluani iluarsaassineq, qalipaaneq il.il. Taakkualu saniatigut ilinniarfimmi aammalu pikkorissaavimmi ulluinnarni suliassiissutit annikitsut imaluunniit annertuut ikiutaaffigisinnaavat. Allatut oqaatigalugu, illit isumagisussaavat suut tamarmik ajornatillu kusanartuunissaat.
Taakkualu saniatigut naatsorsuutigineqassaaq, suliffiup nalinginnaasup avataani pikkorissaavimmi sulisarnissaq. Suliassiissutigineqartut ilaat nammineq suliarisinnaasavatit, allalli immikkut ilisimasaqartunut suliarineqassallutik, assersuutigalugu illuutitsinni innaallagissiornermut suliaqarneq. Avataaneersunit sulisoqartillugu, isumagiuaannassavat taakkua suliaqarnerat, tassanimi suliartik iluameersumik suliarineraat nakkutigissagakku. Suliassiissutit suliarineqarnerini aqutsisut aamma sulisut suleqatigiissapput. Ilinniartutsinnut iluaqutaasumik.
Uku qinnuteqartumit pigineqassapput:
- Biilinut ingerlassisinnaaneq - BE
- Radiumik atuinissamut allagartaq – VHF SRC
- Tunngaviusumik imaani isumannaallisaaneq – STCW A-VI/1-4
- Aalisarnermi isumannaallisaanikkut pikkorissarnerup uppernarsaat
- VVS-montør
Atorfiniffik 01. juli 2023 imaluunniit isumaqatigiissuteqarneq naapertorlugu.
Annertunerusumik paasissutissat
Maani suleqataalluarnissamut imminut isigivit, atorfimmullu tunngatillugu paasisaqarnerorusullutik, taava tikilluaqqusaavutit attavigisinnaagit Pisortaq Bent R. Olesen, oqarasuaat 34 87 87 / 56 27 30 mail bent@maritim.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job