Skip to main content
76

Dette jobopslag er udløbet

ILULISSANI perorsaanermik ilinniarfimmi inuiaqatigiilerinermik ILINNIARTITSISUMIK

Unamminarsinnaasunut isikkivinnullu nutaanut sapiissuseqarpit, taava atorfik pissangartoq ilinnut ilinniartitsisutut PI/SPS’imi neqeroorutigaarput. Kalaallit Nunaanni isumaginninnerup iluani allanngueqataanissamut peqataasinnaavutit. PI/SPS kisiartaalluni Kalaallit Nunanni perorsaanermik ilinniarfiuvoq, nunarsuarmi kangerluk iluliaqarfiusut annersaat kusanarnersaallu qanittuaniittoq, UNESCO’p kingornutatut allassimasuutigisaa.

Seminaria 300 missaani ilinniartoqarpoq, ilinniakkallu tallimat ingerlanneqarput, ukuusut: isumaginninnnermi ikiortinngorniarneq, socialassistentinngorniarneq, bachelorimut sammivilimmik perorsaasunngorniarneq, najugaq qimannangu perorsaasunngorniarneq taavalu ulluunerani meeqqanik ikiortinngorniarneq. 40’nik sulisoqarpugut, 20’nillu ilinniartitsisoqarluta.

PI/SPS nuna tamakkerlugu pingaarutilinnik makkuninnga suliaqarpoq:

  • Ulluunerani neqeroorutini ikiortinik perorsaasunik, socialassistentinik aammalu isumaginninnermi ikiortinik ilinniartitsineq
  • Perorsaaanilerinerup iluani ilinniaqqinnerit pikkorissarnerillu
  • Perorsaanilerineq toqqammavigalugu suliamut ilinniarnermullu tunngasumik
  • ineriartortitsiuarneq.

 
PI/SPS-imi ilinniartitsisoqatigiinnut ilaassaatit, Kalaallit Nunaanni perorsaanermik suliassaqarfimmi allannguinernut sunniuteqaqataanissamik Seminariap takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit.

Ilinniartitsisumik ilaatigut, suliassaqarfinni arlalinni ilinniartitsisinnaasumik, inuiaqatigiilerinermi, immaqalu perorsaanermik ilinniartitsisinnaasumik, Kalaallit Nunaat pillugu ilisimasaqartoq kissaatiginassaaq kalaallisullu oqalussinnaasumik pissarsiorluta.

Atorfimmut aamma pikkorissaanerup ilinniaqqittarnerullu suliassaqarfiit iluanni Kalaallit Nunaat tamakkerlugu ilinniartitsinikkut suliassat ingerlatallu assigiinngitsut naatsorsuutigineqarsinnaasutut atuupput.
Ilinniartitsisumik eqaatsumik ineriartortitserusuttumillu pissarsiorpugut, perorsaanermik suliassaqarfiup iluani pimoorussinermi saniatigut suleqammik suleqatiginnikkusuttumik, avatangiisiminik inussiarnersumik suliassaminullu ajunngitsumik suleriaaseqarluni naapitserusuttumik.
 
Suliamut attuumassuteqartumik ilinniagaqarsimanissaq Kandidatitut imal. Masteritut imaluunniit ilinniarnertuunngorniarfimmi ilinniartitsisutut ilinniartitseriaatsimik ilalimmik, taassuma saniatigut suliatigut inuttullu piginnaaneqarfiit makku annertuumik pingaartinneqarput 
 

  • Ilinniartitsinermik misilittagaqarnissaq, aamma/imaluunniit isumaginninnerup iluani perorsaasutullu sulinermi assigusumik misilittagaqarnissaq
  • Kalaallit Nunaannut ilisimasaqarneq misilittagaqarneq aammalu piorsarsimassutsinut allanut ammasuunissaq.
  • Suleqatigiittut aaqqissuussaagatta, ilaatigut nammineq ilinniartitsinerup akisussaaffimmik ilaatigullu ilinniartitaanerup tamarmiusup ataqatigiissinnissaata siuariartornissaatalu akisussaaffimmik tigusisoqarnissaa naatsorsuutigineqarpoq.
  • Akuersaartumik, tatiginnittumik akisussaassuseqartumillu suleriaaseqarnerit suleqatitut ilisarnaatigissagit.

Paasissutissat atorfimmut tunngasut sukumiinerusut pillugit saaffigineqarsinnaavoq Pisortaq Nuka Kleemann oqarasuaat +299 38 35 50, oqarasuaat angallattagaq +299 55 64 64 e-mail: nuka@pi.sps.gl imal. Ilinniartitaanermi pisortaq Ketty Avbæk Larsen oqarasuaat angallattagaq +299 53 47 75 imal. e-mail: ketty@pi.sps.gl.

Seminaria pillugu annertunerusumik paasisaqarusukkuit nittartagarput www.pi.sps.gl aamma illoqarfik pillugu nittartagaq www.avannaata.gl takuuk.

Atorfik 1. oktober 2019 tamatumaluunniit kingornatigut piaarnerpaamik inuttalerneqarnissaa kissaatigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk