Skip to main content
109

Dette jobopslag er udløbet

Ilulissani Perorsaanermik Ilinniarfimmi ilinniartitsisussarsiorpugut

ILULISSANI PERORSAANERMIK ILINNIARFIMMI Amerlanerusunik linniartoqalerpugut, taamaattumik ILINNIARTITSISUMIK sulisussarsiorpugut

Unamminarsinnaasunut isikkivinnullu nutaanut sapiissuseqarpit, taava atorfik pissanganartoq ilinnut PI/SPS’imi ilinniartitsisutut neqeroorutigaarput. PI/SPS kisiartaalluni Kalaallit Nunanni perorsaanermik ilinniarfiuvoq, nunarsuarmi iluliarsuit kangerluisa annersaat kusanarnersaallu qanittuaniittoq, UNESCO’p kingornutatut allassimasuutigisaa.
Seminaria 300 missaani ilinniartoqarpoq, ilinniakkallu tallimat ingerlanneqarput: isumaginninnermi ikiortinngorniarneq, socialassistentinngorniarneq, bachelorimut sammivilimmik perorsaasunngorniarneq, najugaq qimannagu perorsaasunngorniarneq taavalu ulluunerani meeqqanik ikiortinngorniarneq. 40-nik sulisoqarpugut taakkunannga 20 missaat ilinniartitsisuullutik.

PI/SPS Kalaallit Nunaat tamakkerlugu makkuninnga pingaarutilinnik suliaqarpoq:

  • Ulluunerani neqeroorutini ikiortinik, perorsaasunik, socialassistentinik aammalu isumaginninnermi ikiortinik ilinniartitsineq
  • Perorsaanilerinerup iluani pikkorissarnerit, ilinniaqqinnerit ilinniarnerillu ingerlaqqiffiusut
  • Perorsaanilerineq toqqammavigalugu suliamut ilinniarnermullu tunngasumik ineriartortitsiuarneq.

PI/SPS-imi ilinniartitsisoqatigiinnut ilaassaatit, Kalaallit Nunaanni perorsaanermik suliassaqarfimmi allannguinernut sunniuteqaqataanissamik Seminariap takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit.

Ilinniartitsisumik ilaatigut suliassaqarfinni arlalinni ilinniartitsisussamik pissarsiorpugut, perorsaanermi tarnillu pissusaanik suliassaqarfinni ilinniartitsisuuneq, immaqalu qallunaatuumi iluaqutaassaaq, aamma Kalaallit Nunaat pillugu ilisimasaqarneq kalaallillu oqaasiinik atuisinnaaneq iluaqutaassalluni.

Atorfimmut aamma pikkorissaanerup ilinniaqqittarnerullu suliassaqarfiit iluanni Kalaallit Nunaat tamakkerlugu ilinniartitsinikkut suliassat ingerlatallu assigiinngitsut aammattaaq atuupput.

Ilinniartitsisumik eqaatsumik ineriartortitserusuttumillu pissarsiorpugut, perorsaanermik suliassaqarfiup iluani pimoorussinermi saniatigut suleqammik suleqatiginnikkusuttumik, avatangiisiminik inussiarnersumik suliassaminullu ajunngitsumik suleriaaseqarluni naapitserusuttumik.

Suliamut attuumassuteqartumik ilinniagaqarsimanissaq Kandidatitut imal. Masteritut imaluunniit ilinniarnertuunngorniarfimmi ilinniartitsisutut ilinniartitseriaatsimik ilalimmik, taassuma saniatigut suliatigut inuttullu piginnaaneqarfiit makku annertuumik pingaartinneqarput

  • Perorsaanermik suliassaqarfiup iluani misilittagaqarnissaq, aamma/imaluunniit inuusuttunik inersimasunillu ilinniartitsinermik misilittagaqarnissaq iluaqutaassaaq
  • Kalaallit Nunaannut ilisimasaqarneq misilittagaqarneq aammalu piorsarsimassutsinut allanut ammasuunissaq.
  • Suleqatigiittut aaqqissuussaagatta, ilaatigut nammineq ilinniartitsinerup akisussaaffimmik ilaatigullu ilinniartitaanerup tamarmiusup ataqatigiissinnissaata siuariartornissaatalu akisussaaffimmik tigusisoqarnissaa naatsorsuutigineqarpoq.
  • Akuersaartumik, tatiginnittumik akisussaassuseqartumillu suleriaaseqarnerit suleqatitut ilisarnaatigissagit.                        

Paasissutissat atorfimmut tunngasut sukumiinerusut pillugit saaffigineqarsinnaavoq Pisortaq Nuka Kleemann oqarasuaat +299 38 35 50, oqarasuaat angallattagaq +299 55 64 64 e-mail: nuka@pi.sps.gl imal. Ilinniartitaanermi pisortaq Ketty Avbæk Larsen oqarasuaat angallattagaq +299 53 47 75 imal. e-mail: ketty@pi.sps.gl.

Seminaria pillugu www.pi.sps.gl-imi illoqarfillu pillugu www.avannaata.gl–imi annertunerusumik paasisaqarsinnaavutit.

Atorfik 1. august 2019-imi inuttalerneqarnissaa kissaatigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk