Skip to main content
114

Dette jobopslag er udløbet

Ilulissani Meeqqat angerlarsimaffiat Sarliaq souschefissarsiorpoq

Meeqqat angerlarsimaffiat Sarliaq souchefimik sapaatip akunneranut 40 tiiminik sulisartussamik atorfinissinnaasumik ujarlerpoq 1 oktoberimiit imaluunniit piaartumik isumaqatigiissuteqarnikkut.
Meeqqat angerlarsimaffiat ulloq unnuarlu sulliviuvoq isumaginninnermut aqutsisoqarfiup ataani inissisimasoq, Namminersorlutik Oqartussat ataanni.
Suliffeqarfik pingasunik immikkoortortaqartoq 0-18-ninik ukiulinnik najungaqartuuteqarpoq, immikkoortortat tassaapput Nukarliit/ Akulliit/ aammalu Nutaqqat. Najungaqartut annertuumik sumiginnarneqarneq inuunerminni aqqusaarsimavaat, ilaallu sakkortuumik inuunerminni aqqusaangaqarsimasarlutik.
Meeqqat angerlarsimaffiat Sarliaq 20-nik inissaateqarpoq pingasunut immikkoortortanut agguangaalluni. Annertuumik perorsaanikkut suliniuteqarnernut piumasaqarfiuvoq, amerlasuut pisariaqartitsimmata assigiinngitsunik ulluinnarni isumagineqartariaqarlutik. Aaqqissuussamik perorsaariaaseq ataqatigiinnermik ataqqeqatigiinnermillu sammivilik aallaavigalungu sulineq ingerlanneqarluni.
Ataani allassimasut soqutiginnilersitsippata immaqa illerpiaasimassaaq pisariaqartitarput.

Atorfiup imarisai
Ujarlerpugut- iluassaaq aqutsinermut misilittagaqareersumik- perorsaasumik/ imaluunniit arlaannik inunnik isumaginninnikkut tunuliaqutilimmik ulluinnarni perorsaanikkut attuumassuteqartunik suliaqartussamik.

Souschefi pilersaarusiorneq ammalu assigiinngitsut suliassat ataani allassimasut tigummiangassarissavai:

  • Meeqqat toqqissisimanartumillutik misigisimanissaat ulluinnarni aammalu pitsaasumik qanilaartunik avatagiiseqartinneqarnissaat
  • Meeqqat ataasiakkaat ukkassiffigineqarlutik ineriartortinneqarnissaat aammalu ilinniartinneqarnissaat
  • Nuannaarnissamut inissaqartinneqarnissaat
  • Allaffissornikkut suliassat aammalu immikkoortortanut attaveqarnerit
  • Forstanderi peqanngitsillugu akisussaaffimmik tingusisinnaaneq
  • Tværfaglimik suleqataasinnaaneq.

Naatsorsuutit qinnuteqartunut:

  • Souschefi suliamut pikkorissusermut tunngasumik ukkassisuussaaq, pingaartumik perorsaanermut attuumassuteqartunut
  • Iluassaaq misilittangaqarneq aqutsinerup iluani
  • Sammisassatigut nutaanik pilersitsisoqarsinnaaneranik najungaqartut avatagiiseqartinnissaanik suliniuteqartuussaaq
  • Pilersitserusussuseqartuussaaq
  • Tamakkiisumik isiginnissinnaassuseqassaaq
  • Ammasoq/ suleqataasoq/ akuusoq
  • Suleqatiginnikkusussusilik immikkoortortat akimorlugit
  • Aqutsinermik takutitsisinnaassusilik
  • Sarliap ineriartorneranut peqataarusussusilik.

Suleriaaseqarpugut meeqqamik qitiutuitsilluta, tapersersuilluta meeqqanut inuusuttunulluunniit namminiileriartortunut, anguniakkallu angunissaanut suliaqarluta. Pingaartilluinnarparput angajoqqaat oqartussaassusillilluunniit suleqatiginissaat qanittumik atorfillit allat peqatigalungit.
Ammasuussaatit suliffinnut tunniusimallutit, piffissaq eqqorlugu takkuttarlutit. Sulisunut kiinnerluartarnissaq suliffitsinni pingaartitarilluinnarparput.

Tamatuma saniatigut pingaartipparput:

  • Aalajaatsuuneq, pitsaassusermik ilisimanninneq, malussarissuserlu assigiinngitsutigut
  • Suliaqarsinnaaneq amerlasuunik ataatsikkut paatsiveerussutiginangu.
  • Attaveqarluartuuneq, ersarinneq, paasinassuseqarneq
  • Namminersorsinnaassuseqarneq, akisussaaffimmik ilisimanninneq, sullisserusussuseqarneq
  • Eqaassutsimik takutitsisinnaaneq sulianut tunngatillugu, aqqitassanullu aammalu suliassanik ingerlatitsisinnaassuseqarneq
  • Piginnaasaqarneq ukkassisinnaassuseqarluni aaqqissuussamik ullormut sulisinnaaneq, ulapporissuseqarneq
  • Qajannaatsuuneq, pilersitserusussuseqarneq, sulerusussuseqarneq.
  • Sulinerup pitsaanerulernissaanut peqataaneq
  • Marluinnik oqaaseqarneq, Kalaallisut aammalu Danskisut.

Ukua neqeroorutigisinnaavangut
Suliffik unammillernartoq assigiinngitsunik nammineq immersuiffiusinnaasoq, namminersorneq annertooq aammalu akisussaaffik annertooq, suliffeqarfimmik ineriartortitseqataaneq, aammalu allanngueqataasinnaaneq. Qajannaatsumik ingerlariuseqarneq pingaartipparput, suleqatigiinnerullu silaannaata pitsaasuunissaa, aqutsisooqatigiit tunioraateqatigiilluartut aammalu pilersitserusussuseqarneq nutaaliornerlu.

Qinnuteqaammi ilaassapput
Ilinniarsimanermut uppernarsaatit paasissutissallu, siornatigut misilittakkat sulisimanermullu tunngasut oqaaseqaatillu nassiunneqassapput.
Annertunerusumik paasisaqarusukkaanni suliassanut tunngatillugu saaffiginnittoqarsinnaavoq forstanderimut Jens Ole Nathanielsen-imut jensole@sarliaq.gl sianerlutit aamma paasiniaasinnaavutit +299 94 33 61-mut.

Qinnuteqarfissamut killingitinneqartoq: 20. september 2020.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk