Skip to main content
109

Dette jobopslag er udløbet

Illunik titartaasartoq illunut kulturikkut oqaluttuarisaanermut tunngassutilinnut ilisimasalik

Atorfinittussaq 14. juni 2019 tamatumaluunniit kingunitsianngua ivertinneqassaaq.

Nunatta Katersugaasiviani Allagaateqarfianilu nalunaarsugaateqarpoq illunik eqqissisimatitassaasunik kulturikkullu eriagisassanik, tassanngaanniillu aamma suliarineqartarput nuna tamakkerlugu illut eqqissisimasussaatitassanngugassat aammalu kulturikkut eriagisassat inatsisitigut maleruagassat malillugit suliarineqarnissaat. NKA-mi aamma Nunatsinni illut titartagartaannik toqqorsivik ingerlataraarput.
 
Nunatta Katersugaasiviani Allagaateqarfianilu maanna katersugaasivilerisutut atorfik inuttassarsiuunneqalerpoq, tassungalu illussanik titartaasartumik ujarlerpugut illunut oqaluttuarisaanermut attuumassusilinnut soqutigisalimmik. Illussanik titartaasartoq illulioriaasitoqqamut ilisimasaqassaaq, suliassaasalu ilagissavaat nuna tamakkerlugu illut eqqissisimatitaasut kulturikkullu eriagisassat allat nakkutigineqarnissaat. Suliamut ilaavoq NKA-mi Nunatsinni illut titartagartaannik toqqorsivimmi suliassat assigiinngitsut ataqatigiissaarnissaat, tassunga ilaallutik avataanit titartakkanik pissarsiniartut kiffartuunneqarnerat ataqatigiissassallugu.

Suliassat ingerlanneqartassapput katersugaasivimmi illunut inspektøri peqatigalugu taakkualu makkuusarsinnaapput:

  • nuna tamakkerlugu illunik eqqissisimasussaatitanik nakkutiginninneq
  • misissuinerit/nalunaarsuinerit
  • illunut kulturikkut oqaluttuarisaanermullu attuumassusilinnut tunngassutilinnik siunnersuinerit aammalu paasissutissiinerit
  • Suliassallu aamma ilagissavaat katersugaasivimmi titartakkat allagaateqarfimmiittut digitaliseererneqarnissaat, siunissami paasissutissat titartakkanut attuumassusillit ajornannginnerusumik pissarsiarineqarsinnaangorniassammata
  • Nunatsinni illut titartagartaannik toqqorsivimmi nalunaarsuinermi digitaliseeriinermilu pilersaarusiorneq ataqatigiissaarinerlu, taamatullu sulinermi titartakkanik toqqorsivimmi nalunaarsuisoq qanimut suleqatigineqartassaaq

Naatsorsuutigaarput:

  • illussanik titartaasartutut assigisaattulluunniit ilinniarsimasuunissat
  • illunut kulturimut oqaluttuarisaanermullu attuumassusilinnut ilisimasaqassasutit aammalu illuliortariaasitoqqamut ilisimasaqarnissat
  • illunut kulturikkut oqaluttuarisaanermullu attuumassutilinnut nakkutilliinermut misilittagaqarnissat
  • allakkatigut attaveqaqatigiissinnaanermut piginnaaneqarnissat
  • kalaallisut aammalu/imaluunniit qallunaatut tuluttullu qaffasissumik piginnaasaqarnissat

IT-kkut piginnaasat
AutoCAD
Adobe pakken

Neqeroorutigisagut

  • atorfik unammillernartoq pissanganartorlu
  • piginnaasanik ineriartorsinnaanissamut periarfissaqarluartumi atorfininneq
  • suleqatit ilakkuminartut, pikkorissut ikiuukkumatuullu aammalu suliffik nuannersoq

Paasissutissat sukumiisut
Atorfik pillugu paasisaqarnerorusukkuit illunut inspektøri Inge Bisgaard saaffigineqarsinnaavoq oqarasuaammut +299 382230-imut
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk