Skip to main content
73

Dette jobopslag er udløbet

Illinniartitaanermut Immikkoortortaqarfimmi immikkoortumi pisortaq

Ilinniartitaanermut, Kultureqarnermut Ilageeqarnermullu Naalakkersuisoqarfik Illinniartitaanermut Immikkoortortaqarfimmi immikkoortumi pisortassarsiorpoq.

Atorfik pillugu
Immikkoortumi pisortap ilinniartitaanerup ataaniittoq tamaat akisussaaffigaa, meeqqanit suli atualinngitsunit qaffasinnerusumik ilinniartitaanernut, Naalakkersuisullu periusissiaannik suliniutaannillu nunatsinni ilinniarsimassuseq qaffatsinniarlugu ineriartorneq, piviusunngortitsineq aamma naliliineq qulakkeerinneqataaffigissallugu. Immikkoortortaqarfiup naalakkersuisoqarfik inatsisilerinermut immikkoortortaqarfia suleqatigalugu akisussaaffiup iluani nutaanik inatsisissanik siunnersuusiorneq isumagisaraa. Aamma ilinniartitaanermut immikkoortortaqarfiup nunatta EU-mik Peqatigiinnissamik Isumaqatigiissuteqarnerata piviusunngortinneqarnerani suliassat isumagisarpai.
Immikkoortortaqarfimmi pisortaq naalakkersuisoqarfimmi pisortaqatigiinni suleqataalluassaaq, Naalakkersuisup politikkikkut sullinneqarneranut tapersiuteqartassalluni ilinniartitaanermilu politikkikkut allaffissornikkullu suliniutini pitsaassutsimik qulakkeerinneqataasassalluni. Pisortat aamma sulisut akornanni avammut tusarliunneqartussaanngitsut pillugit tatigeqatigiillunilu suleqatinik suleqateqarsinnaaneq pingaaruteqarpoq.
Naalakkersuisoqarfiup iluani suleqatigiinnerup saniatigut Ilinniartitaanermut Aqutsisoqarfimmik suleqatigineqartussanilluni allanik suleqatiginnilluassaatit, tassani pineqarput qitiusumik allaffeqarfimmiittut naalakkersuisoqarfiit allat ingerlatsiviillu kommuniniittut.
Inatsisartunut qinersinerup kinguninnguatigut aallartittussaassaatit. Taamaattumik naalakkersuisoqatigiinnissamik isumaqatigiissutissami nutaassami suliassat aaqqissorneqarnissaannut sunniuteqarluarsinnaassaatit, taannami sulinermi tunngaviusussaammat.

Illit pillutit
Kissaatiginartipparput:

  • Tulluartumik qaffasinnerusumik ilinniagaqarsimanissat
  • Pisortatut misilittagaqarnissat, politikkikkut aqunneqartumik suliffeqarfimmit, soorlu kommuninit imaluunniit Namminersorlutik Oqartussanit
  • Namminersorlutik Oqartussani qitiusumik allaffeqarfimmi suliffeqarneq aamma Namminersorlutik Oqartussat suleriaasaat ilisimasaqarfigissagitit
  • Naalakkersuisoqarfiup, pingaartumillu ilinniartitaanikkut suliassaqarfia, ilisimasaqarfigissagit
  • Politikkikkut sullissinissamut tunngatillugu aaqqissuussamik suleriartarnissaq
  • Suliamut ilisimasat tunngavigalugit aaqqissuussamik aqutsinermik piginnaasaqarneq
  • Sulisunut pineqartunut suliassanik pitsaasumik agguaassisinnaanermik piginnaasaqarneq
  • Periuseqarnissaq ataqatigiissitsinerlu pillugit ataatsimut isiginnissinnaassuseqarneq
  • Pisunut misikkarissuseqarneq ulluinnarnilu qiimanermik nukimmillu pitsaasumik tapersiisinnaassuseqarneq
  • Nunatsinni naalakkersuinikkut pissutsinut ilisimasaqarluarneq
  • Kalaallit oqaasiinik, danskit oqaasiinik aamma tuluit oqaasiineq piginnaaneqarneq


Suliffik pillugu
Ilinniartitaanermut, Kultureqarnermut Ilageeqarnermullu Naalakkersuisoqarfik assigiinngitsunik sulisoqarluni inuppalaartumik ammasumillu sulinermik sinaakkuteqarpoq, pisortanut toqqaannartumik attaveqarfiusinnaasoq ilumoortunillu sulisoqartoq. Suleqatigiit 40-t missaanniippugut qaffasissumillu ilisimasaqarnissamik inooqataanikkullu pitsaasunik avatangiiseqarnissamik pingaartitsisuulluta. Naalakkersuisoqarfimmi pisortaqatigiinni peqataapput naalakkersuisoqarfimmi pisortaq, kultureqarnermut ilageeqarnermullu immikkoortortaqarfimmi pisortaq, ilinniartitaanermut immikkoortortaqarfimmi pisortaq, inatsisilerinermut immikkoortortaqarfimmi pisortaq aamma aningaasarneq, sulisoqarneq ilinniartunullu sullissineq pillugit immikkoortortaqarfimmi pisortaq. Ilinniartitaanermut immikkoortortaqarfik 15-it missaannik sulisoqarpoq.  

Ulloq qinnuteqarfissap killinga
Qinnuteqaat, CV aamma ilanngussat pisariaqartut kingusinnerpaamik 24. marts 2021 atassuteqarfissamit ataani allassimasumit tiguneqariissapput. Qinnuteqaatit e-mailikkoortut tiguneqarneq ajorput.

Paasissutissat amerlanerusut
Amerlanerusunik paasissutissanik pisariaqartitsiguit attavigisinnaavat naalakkersuisoqarfimmi pisortaq Karsten Peter Jensen, kapj@nanoq.gl imaluunniit +299 345000.

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

1. april 2020 LR 38-mi akissarsiat imak isumaqagitiissutigineqarnikuupput qaamammut  Kr. 55.829 ukiumullu Kr. 669.953 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk