Skip to main content
100

Dette jobopslag er udløbet

Illernit perorsaasussarsiorpoq

Illernit – Qeqertarsuaq - Perorsaasussarsiorpoq
Ilaqutariinnik nakuusernermik nalaaqataarsimasunut isumaginninnikkut sullissinissaq soqutigilluinnarpiuk aammalu sulinermi atassuteqarneq tunngavigalugu nersuerpaluttumik perorsaariaaseqarluni sulinissap pingaassusaa ilisimalluarpiuk? Aalajangersimasumik periaaseqarlutit aaqqissuulluakkamillu periuseqarlutit misissuisinnaavit nakkutiginnissinnaallutit, kiisalu perorsaaneruptungaatigut sullitat suut pisariaqartinneraat paasisimasaqarfigaagit?
Taava immaqa arnanut qitornalinnut nakuusergingitissimasunut Nuna Tamakkerlugu Qimarnuik Katsorsaaviutigisoq ILLERNIT, suliffigissallugu ilinnut pilerinarluinnarpoq.

Ulloq sulilerfissaq 1. marts 2021 imaluunniit isumaqatigiissuteqarnikkut pissaaq.

Illernit:
ILLERNIT tassaavoq Nuna Tamakkerlugu Qimarnuik Katsorsaaviutigisoq 2014-mi pilersinneqartoq Ilaqutariinnermut Inatsisinillu Atuutsitsinermut Naalakkersuisoqarfimmit aningaasalersugaq.
Taanna arnanut meeralinnut tarnikkut/timikkullu nakuuserfigitissimasunut, illoqarfimminniillu qimagukkallarnissamik pisariaqartitsisunut, taamaammallu najukkaminni qimarnuimmiissinnaanngitsunut naatsorsuussaavoq
ILLERNIT uiluleriiaannik 5-nik illuuteqarpoq, tassanilu ilaqutariit 4-it inissaqarput, illulu ataaseq allaffiullunilu katsorsaaviuvoq.
Kiisalu Illoqarfimmi inimik attartungaqarluni, Imeqqutaalaq ilaqutariinnut ingerlariaqqittunut naatsorsuussaalluni.
Najungaqartut katsorsartinnissamik neqeroorfigineqartarput, kiisalu siunnersorneqartarlutik aqqutissiuunneqartarlutillu ilaqutariinnik sullisseriaaseq systematisk familiebehandling-i atorlugu.
ILLERNIT Qeqertarsuarmi inissisimavoq, Qeqertallip Kommunianiilluni. Illoqarfik 850 miiss. Inoqarpoq, peqqissaaveqarluni, Pilersuisoq, Alakkerivik, atuarfik, timersortarfik, ivingaaqqanik arsaattarfeqarluni, peqatigiiffiit assigiinngittut, ukiukkut sumorsuaq qimussersinnaaneq kiisalu snescooterinik angalasinnaaneq periarfissaalluni.

Atorfik Pillugu:
Suliassat makkuupput:

  • Ullut tamakkiallugit ilaqutariit imminnut atassuteqarnerat pissusilersornerillu nakkutigalugit alaatsinaanneq paasisanillu paasiniaaqqissaarneq.
  • Katsorsaanermut pilersaarut tunngavigalugu perorsaanermik suliaqarneq.
  • Illernit perorsaanikkut suliniutaat tunngavigalugit katsoraanermik ikorfartuineq.
  • Pisariqartitsineq aallaavigalugu meeqqanik ikorfartuineq, soorlu artuarfimmi meeqqerivimmi.
  • Iluaqusersuutit soorlu pinngussat iluaqutigalugit ilaqutariit imminnut pitsaasumik atassuteqarnissaanut ikorfartuineq.
  • Ilaqutariit pitsaasumik sammisaqarnissaannut sammisaqarneq.
  • Nersuerpaluttumik isiginnitaaseqarluni anaanaasup perorsaaneranik ikorfartuineq.
  • Ilaqutariinnik tikittunik tikilluaqqusineq ilaqutariillu sammisaqarnerannut ikorfartuineq.
  • Ilaqutariit namminneq anguniakkatut toqqarsimasaat aallaavigalugu ilaqutariit sungiusarnerinut tapertaanissat.
  • Perorsaaneq siunertaralugu meeqqanut qatanngutaasunullu attaveqarnermik pilersitsisinnaaneq sullissisinnaanerlu.
  • Ulluinnarni ilautariinnut attaveqaataaneq.
  • Ilaqutariit persuttaanermik nalaataqarsimanerup kingunerisartangaanik ilisimaqarneq aammalu suliassaqarfimmut tamatumunnga soqutiginninneq.


Qulaani taaneqartut piumasaqaatit sakkortupput, suliffeqarfillu atuuffissaminut atorluassappat, eqaatsumik suleriuseqarlutillu suliarnut atatillugu pisartut assigiinngitsorpassuit aallaavigalugit naleqqussarsinnaanissat pisariqarpoq, aamma tamanna suliffeqarfiup iluani, katsorsaanermullu tunngatillugu atuuppoq.

Naatsorsuutingaaput:

  • Perorsaasutut ilinniagaqarsimanissat
  • Kalaallisut oqaaseqartuunissat
  • Perorsaanikkut tunngaveqartumik ilaqutariinnik sullissisinnaanissat.
  • Perorsaaneq siunertaralugu meeqqanut qatanngutaasunullu attaveqarnermik pilersitsisinnaanissat sullissisinnaanissallu.
  • Ulluinnarni ilaqutariinnut attaveqaataaneq.
  • Eqaatsumik suleriuseqartuunissat, pisut allanngoriasaartarsinnanerat sillimaffigalugu, ammaffigalugulu.
  • Allaffimmi suliassat suliarisinnaanissat, illullu iluani pisarialinni suleqataanissaq.


Neqeroorutingaarput:

  • Suliffik pissagaqartoq, nuna tamakkerlugu qimarnuik katsorsaaviutigisup pilersinneqarnerani peqataallunilu sunneeqataasinnaasoq.
  • Ilaqutariit pitsaasumik ineriartornissaat siunertaralugu, katsorsaavimmik pilersitsinissamik suleqataanissaq.
  • Piginnaasatigut inuttullu ineriartornissamut periarfissaq.


Paasissutissat allat
Suliassanut tunngasut suliassallu pillugit annertunerusumik paasisaqarusullutit kissaatigigukku, tikilluaqquneqarputit attavigissallugu Forstanderi Renate Lyberth oqa. 92 19 19 e-mail-ikkulluunniit resa@nanoq.gl imaluunniit illernit@nanoq.gl Paasisaqarnerorusukkuit nittartakkakkut www.nanoq.gl , atorfiit ataanni atuarsinnaavatit.

Qinnuteqarnissamut killigititaq
Qinnuteqarnissamut killigititaq tassaavoq. 10. februar 2021.
Atorfinitsitsinermi oqaloqateqartitaanerit sap. Ak. 8-mi pinissaat naatsorsuutigineqarpoq.
Atorfik www.naalakkersuisut.gl –kkut qinnuteqarfigineqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatip akunneranut 40-timit suliffiupput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk