Find job
Dette jobopslag er udløbet
Ilisimatusartartumik Seniorforsker/Seniorrådgiver Avatangiisinut immikkoortortaqarfimmut Pinngortitaleriffimmi
Avatangiisinut Immikkoortortaqarfimmi sulisussamik Pinngortitaleriffik pissarsiorpoq
Nunatta pinngortitaanik misissueqataarusuppit Naalakkersuisunullu/Namminersorlutik Oqartussanut siunnersortaaqataarusuppit?
Pinngortitaleriffik, Namminersorlutik Oqartussanut allanullu siunnersortaasartoq, ilisimatusartartumik seniorforskerinik seniorrådgiveritulluunniit allagartaqartumik Avatangiisinut Immikkoortortaqarfik sulisussarsiorpoq 1. juuni 2023 sukkanerpaamilluunniit sulilersinnaasumik. Avatangiisinut Immikkoortortaqarfiup siunnersuisarnermik suliaqarnerata saniatigut ilisimatusarnermik aallussiffiusarpoq aatsitassarsiornissamullu misissuinerit piiaasoqarnerilluunniit nalaanni avatangiisit pinngortitallu innarlerneqannginnissaat annikinnerpaamilluunniit sunnerneqarnissaat anguniarlugu nakkutilliinermik suliaqartarluni.
VVM-imik immikkut ilisimasalimmik pimoorussillaqqissumik, suliamik aqutsinermik aningaasaateqarfinnullu qinnuteqartarluni ilisimatusarnikkut ineriartortitassanik misilittagaqartumik pissarsiorpugut.
Immikkoortortaqarfimmi atorfik una sulisooreersut amerlissutigisussaavaat.
Suliassat
Avatangiisinut immikkoortortaqarfimmi sulisutut peqataaffigissavatit:
- Suliniutit Kalaallit Nunaanni, Danmarkimi nunanilu tamalaani suleqateqarluta ingerlatagut
- Kalaallit Nunaanni pinngortitaq avatangiisillu pillugit paasissutissanik katersineq suliarinninnerlu
- Assersuutigalugu aatsitassarsiornerit sunniutigisinnaasaat pillugit suliartortarnissaq
- Aatsitassarsiorniarlutik piiaaniarlutillu qinnuteqartunut sullissisarnissaq
Piginnaanerissavatit
Ilisimatusartartumik seniorforskerimik seniorrådgiverimilluunniit pissarsiorpugut, pinngortitalerinermut tunngasutigut ph.d.-mik ilinniagaqarsimasumik. Taagukkatta arlaat arlallilluunniit misilittagaqarfigissavatit uku: VVM-imik nalilersuineq, suliniutinik aqutsineq, Issittumi uumassuseqarneq, aatsitassarsiornermik misissuinerit piiaanerillu. Aningaasaateqarfinnut qinnuteqaatinik, soorlu EU-miittunut assigisaannullu suliarinnittarnermik misilittagaqarnissaq aamma naatsorsuutigineqarpoq.
Iluaqutaassaaq kalaallit oqaasiinik, kulturiannik inuiaqatigiiannillu ilisimasaqaruit, immikkulli piumasaqaataanngilaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Sukumiinerusumik paasisaqarniaruit
Atorfik pillugu sukumiinerusumik paasisaqarniaruit Immikkoortortami pisortaq Josephine Nymand attavigisinnaavat uunga +299 36 12 34 / jony(at)natur.gl.
Qinnuteqarnissaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
Qinnuteqarnissamut killissarititaavoq: 1. maj 2023.
E-mail-ikkut qinnuteqaatinik tigusineq ajorpugut.
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job