Skip to main content
97

Dette jobopslag er udløbet

Ilisimatusarnermut umiarsuaq "TARAJOQ" maskinilerisuunermik inuttassarsiorpoq

Kalaallit Nunaata ilisimatusarnermut umiarsuassaanut TARAJOQ-mut Pinngortitaleriffik pimoorussillunilu akisussaassuseqartumik maskinalerisuunissamik pissarsiorpoq.

Kinaavit
Ammasuullutillu ulluinnarni aporfiusinnaasunut qiimasumik periuseqassaatit. Nammineerlutit aalajangiisinnaassuseqassaatit suleqatigiissinnaassallutillu, Maskiinaleriffimmi sulisunut aqutsisussatut atorfiummat, sulisullu sinnerinik ilisimatusartartunillu suleqatiginniuffiusussaammat umiartortunngorniallu misiliilluni sulisunut aamma ilitsersuisoqartartussaammat.

Umiarsuup motoriinut atortorissaarutaanullu paasinilluarsinnaaneq aqutsisuusinnaassuseqarnerlu atorfimmi piumasaqaataavoq. Kilisaatini sulereersimanissaq pitsaaquteqassaqaaq. Microsoft Word, Exel-illu ilisimasaqarfigigaanni aamma iluaqutaassaqaaq. 

Maskinalerisuunertut atorfik umiarsuup naalagaata ataaniissaaq, umiarsuarmilu maskiinalerisuunerup aappaalu paarlakaajaalluni sulisoqartartussaavoq. Umiarsuup maskinaqarfia umiarsuarmilu teknikkikkut atortorissaarutit akisussaaffigineqartussaapput. Umiarsuup ingerlanneqarnerani inuttatulli allatut nalinginnaasumik inissisimasussaavutit, umiarsuarmilu sillimaniarnerup tungaatigut pitsanngorsaaqataallutillu ineriartortitseqataasussaallutit, ilisimatusartartullu teknikkikkut ajornartorsiuteqartillugit ikiortassallugit. Ukiumoortumik angalanerit nalinginnaasumik qaammatini arfinilinni sivisussuseqartarput, maajimiit novembarip tungaanut ingerlanneqartarlutik, nunanili tamalaani suleqateqarnikkut sivitsorneqarnissaa anguniagaavoq. Ilisimatusarnermut umiarsuup ukiuunerani uninnganerani inuttaasut sinneri peqatigalugit umiarsuaq nakkutigineqartartussaavoq. Maskinalerisuunerit marluusut umiarsuup naalagaa peqatigalugu amutsiviliaassinissat pilersaarusiorlugillu isumagisassaraat. Ukiut tamakkiallugit amutsiviliaassutaasussat suunersut allattorneqartassapput missingersuutitalinnik, aamma umiarsuup orsussaasivianut, taartissamaatinullu atortussamaatit allunaasallu kiisalu nalinginnaasumik ingerlatsinermut aserfallatsaaliinissamullu missingersuusiortoqartassaaq.  

Piumasaqaatit
Umiarsuarsuit siuariartortarnerisa 750-2999 kW-ini inissisimasuniittuni maskinmesteritut allagartaqarnissaq piumasaqaataavoq.

R/V TARAJOQ
R/V TARAJOQ Kalaallit Nunaata ilisimatuussutsikkut umiarsuassaraa 2841 BT upernaaru 2021imi Spaniami amutsivimmi naammassineqartussaasoq.
 

  • Umiarsuup siumut ingerlasinnaassusiata motoria pingaarneq (2920 kW) MAN 8L 27/38 kiisalu MAN generatorit minnerit marluk. Atortutigut sillimaffigineqarpoq umiarsuup DNV GL`s "Silent notation"-imut, nuussinnaanissaa semi-diesel atorlugu innaallagissamik ingerlanneqarsinnaalertillugu
  • Umiarsuaq tunngaviusumik assigiinngitsorpassuartigut imaani ilisimatusarnermut atorneqarsinnaavoq, aalisakkanillu misissuinissamut sanaajulluni, immami misissueqqissaarnerit kiisalu immap uumasoqassusianik, akoqarneranik qanorlu inneranik misissuisinnaassuseqassaaq il.il. 
  • Umiarsuaq assigiinngitsunut atorneqarsinnaasumik qaaqassaaq, imaani ilisimatusariaatsit assigiinngitsut, nalinginnaasumik alaatsinaannerit suliarineqarnerisa saniatigut pisariitsumik suliarineqarsinnaasunngorlugit sanaajusumik qaaliorneqassagami
  • Umiarsuaq naqqarsiutinik kilisassinnaavoq (raajat, qalerallit, saarulliillu) 50-1500 m aammalu immap ikerani kilisassinnaalluni (avaleraasartunik, ammassannik il.il.), soorluttaaq umiarsuup naqqaniit singinneqartartumik immamilu assiliorsinnaasumik ammassaat immallu ikerani uumasut allat assilisinnaassassavai
  • Umiarsuaq nutaalianik ilisimatusarnermut atortulersugaallunilu tappiorannartunik misissuisarfeqassaaq inunnullu 32inut inissaqartitsissalluni – taakkunani inissat 20it ilisimatusartartunik atorneqartassaapput. Assigiinngitsunik ilisimatusartut arlallit ataatsikkut ilaasorineqarsinnaapput, soorluttaaq imarsiortutut ilinniagaqartut suliffimmillu misiliisut inissaqartinneqartut
  • Sukkatsutsimut sumiiffiit: Worldwide trade IMO Polar kode ilanngullugu, Atlantikup avannaa, Kalaallit Nunaat, Canada, Island, Spitzbergen, aammalu Barentip imartaa. Umiarsuaq ukununnga inissisimasutut nalunaarsorneqarsimavoq: DNV-GL +1A, Ice ( 1B) , EO,TMON, Silent (F), SPS - Stern trawler. Umiarsuup timitaa  DNV-GL +1A, (Ice1A*)
  • Polar Code Category C-mi atugassatut umiarsuaq aamma akuerineqartussaavoq danskillu usilersortunut malittarisassat malittussaallugit immikkullu ilisarnaat Special Purpose Ship Certificate pigisussaallugu.

 
Akissarsiassatut atorfeqarnermilu malittarisassat Pinngortitaleriffimmi qaammassusiaqarlutik atorfilinnut atugassarititaasut ukiumut ullut 180it suliffigisarlugit najoqqutassat malillugit akissarsiaqartitsillunilu atorfeqartitsisoqassaaq. Akissarsiat allattorsimaffiat nittartakkamiit www.natur.gl -imiit aaneqarsinnaavoq imaluunniit Allaffissornikkut pisortamut Kathrine lund Olsen-imut saaffiginninnikkut pissarsiarineqarsinnaalluni. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk