Ilisimatusarfimmi Issittumi Peqqinneq pilllugu qitiusumik allattoqarfik ilisimatusarnermut atasumik ikiortissarsiorpoq ”spiralilersuisimanerup” Kalaallillu Nunaanni kiisalu Qallunaat Nunaanni kalaallinut ukiuni 1960-imiit 1991 ilanngullugu unioqqutitsilluni ingerlanneqarsimasut allat suliamut attuumassuteqanngitsumit qulaajaaffigitinniarlugit.

Suliamut attuumassuteqanngitsumit qulaajaanissap pingaarnertut siunertaraa ”spiralilersuineq” unioqqutitsillunilu ingerlanneqartarsimasut allat ersarissassallugit, tassungalu ilaapput 1960-imiit 1991-imi Nunatta peqqinnissaqarfimmik tigusinerata tungaanut unioqqutitsilluni iliuusaasarsimasut.

Suliamut attuumassuteqanngitsumik qulaajaanerup makkua paasiniartussaassavai:

• Kalaallit Nunaanni unioqqutitsilluni ingerlanneqartarsimasut, tassunga ilaalluni ”spiralilersuinerup”, 1960-ikkut ingerlaneranni aallartisarneqarsimasup oqaluttuarisaanikkut ataqatigiinnera.
• Spiralimik atuinerup unioqqutitsillunilu ingerlanneqarsimasut allat eqqunneqarneranut  aalajangiinerup ingerlarnga, ilanngulluguttaaq suliniutit aallartisarnerinut, ingerlanneqarnerannut nalimmassarneqarnerannullu suna patsisaasimanersoq. Qulaajaanermi ilanngunneqassapput oqartussanit, suliniaqatigiiffinnit inunnillu oqartussaasunit isumaliutersuutit, aalajangiinerit iliuuseqarnerillu.
• Suliniutip Kalaallit Nunaanni niviarsiaqqanilu kalaallini Qallunaat Nunaanni efterskoleni atuartuusuni ingerlanneqarnera. Suliniutip piffissap ingerlanerani qanoq ililluni kalaallit peqqissaaviini ukioqatigiianullu tamanut atortussanngortinneqarsimanera qulaajarniarneqassaaq. Ilanngulluguttaaq uppernarsaasinnaasut oqaluttuaat aallaavigalugit suliniut qanoq pilersimanersoq qulaajarniarneqassaaq.
• Piffissami pisumi Kalaallit Nunaanni Qallunaallu Nunaanni efterskoleni spiralilersuinerup unioqqutitsillunilu ingerlatsisoqarsimanerup eqqartuussiveqarnikkut peqqinnissaqarfikkullu tunngavigisimasai.

Ilisimatusarnermut atasumik ikiorti ilisimatusartoqatigiinni suleqataassaaq pingaarnertullu uppernarsaasinnaasut oqaluttuarnerinik katersinernut nalilersuinernullu attuumassuteqassalluni.

Atorfik piffissami killilikkami ulloq naallugu atorfiuvoq nalunaaquttap akunnerini 40-ni qaammatinilu 12-ini suliffiussalluni, Nuummilu Ilisimatusarfimmi inissisimassalluni. 

Atorfik Ilisimatusarfimmi Issittumi Peqqinnissaq pillugugu qitiusumik allattoqarfimmut ICAV-mut atavoq. Qulaajaanermi nunarput tamakkerlugu oqaluttuanik katersiffiusussaammat sulinermut atatillugu angalangaatsiartarnissaq naatsorsuutigineqassaaq.

Suliassat:

• Inuit qanimut oqaloqatiginerisigut uppernarsaatitut oqaluttuanik katersinerit aammalu qulaajaanermi oqarasuaatip inuttaqartinnissaa.
• Paasissutissat katersat aaqqissuunnerisa nalilersuiffiginerisalu aallartisarnerini peqataaneq.
• Qulaajaanermi qarasaasiakkut katersat suliarinerini ikiortaaneq.
• Oqaluttuanik oqaluttuarisaanermilu tunngavigisanik katersinissaq pillugu angalanernik piareersaasiornerit ingerlatsinerillu.
• Oqaloqateqartarnissat suliassartaasa piareersarnerini ingerlannerinilu peqataaneq.
• Tamakkua saniatigut allaqqissaarinerit suliassallu ingerlaavartut.

Piginnaasanut piumasaqaatit:

• Kandidatitut sammisamut tunngasumik ilinniarsimaneq, soorlu kulturimut inuiaqatigiilerinermullu, oqaluttuarisaanermik ilisimatusarnermut, Antropologiimut assigisaanulluunniit tunngasuni.
• Ilinniagartuutut sammisani ataqatigiissaarillaqqissuuneq
• Ataatsimut tamanik isiginninnissinnaaneq ataatsikkullu arlalinnik aallussisinnaaneq
• Ilinniagartuutut sammisanik allaaserinninnermik misilittagaqarneq
• Apersuinernik allaqqissaarinernillu misilittagaqarneq
• Allanut attaveqarsinnaaneq ilakkuminartuunerlu
• Ilisimatusarfimmi qanimut ataatsimeeqatigiinnermi peqataanerit.
• Kalaallit qallunaallu oqaasiinik atuisinnaaneq
• Iluaqutaassaartaaq SoMe assigisaalluunniit atorlugit attaveqaqatigiinnermik misilittagaqaraanni.

Attaveqarfissaq:
Ilisimatooq Tenna Jensen, Kalaallit Nunaanni Peqqinneq pillugu qitiusumik allattoqarfik, oqarasuaat +299 234670. Ilisimatusarfik pillugu annertunerusumik paasisaqarsinnaavutit uani: www.uni.gl

Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Kulturimik, Oqaatsinik Oqaluttuarisaanermillu Ilisimatusarfik
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
• Peqqissaanermik Ilisimatusarfik peqqissaasunngorniarfittalik
• Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk