Skip to main content
128

Dette jobopslag er udløbet

Ilisimatusarnermik Ineriartonermilu immikkoortortaqarfimmi Kontorfuldmægtigimik sulisussarsiorpoq

Unamminarsinnaasunik nutaanik sapiissuseqarpit, siuariartuutaasinnaasunillu takorluuisinnaassuseqarlutit, taava PI/SPS-imi Perorsaanermik Ilinniarfimmi Ilulissaniittumi allaffimmi kontorfuldmægtigitut atorfik soqutiginartoq inuttassarsiorneqarpoq. PI/SPS Kalaallit Nunaanni perorsaanermik seminariatuaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq.

PI/SPS nuna tamakkerlugu suliassaqarfii pingaarutillit makkuupput:

  • Perorsaasunngornianik, socialassistentinngornianik isumaginninnermilu ikiortinngornianik, ulluuneranilu meeqqanik sullisisunngornianik  ilinniartitsineq
  • Perorsaanermik suliassaqarfik tamakkerlugu pikkorissarnernik ilinniagaqaqqinnernillu isumaginninneq
  • Perorsaanermik suliassaqarfimmi – suliatigut ilinniartitaanernullu tunngasutigut - ineriartortitsineq isumassarsiornerlu


Seminaria 300 missaanik ilinniartoqarpoq ilinniartitaanernut assigiinngitsunut agguataarsimasut: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq kiisalu ulluunerani meeqqanik sullissinermi ikiortinngorniarneq.

Taakku saniatigut piffissap ilaannaa atorlugu ilinniartitaanerni, Siunnersuinermi ikiortitut aamma Ilinniagartuutut ilinniagaq Isumaginninnermi suliaqarfimmi siunnersortitut, isumaginninnerup iluani atorfilinnut tunngatinneqartunut tulluarsagaq. Taamatuttaaq perorsaanilerinerup iluani Kalaallit Nunaanni ulloq unnuarlu paaqqinnittarfinni sulisunut ilinniarsimanngitsunut ilinniarsimasunullu pikkorissarnissanut neqerooruteqartarpugut. 45-nik sulisoqarpugut taakkunannga 20 missaat ilinniartitsisuullutik.
Inuiaqatigiinni inuit tamat eqqarsaatigalugit siunissamut ilusileeqataanissatsinnut takorluugaqarpugut, pingaarnerutillugit meeqqat, inuusuttut aammalu immikkut ajornartorsiutillit. Kalaallit Nunaanni inuiaqatigiit iluanni ilinniartitaaneq piginnaanngorsarnerlu aqqutigalugit nunatsinni tapertaarusuppugut kivitseqataarusullutalu, tamannalu pikkorissaaviup angorusuppaa Kalaallit Nunaanni perorsaanilerinerup inuiaqatigiinnilu pissutsit iluini ineriartuutaasinnaasunik pikkorissaanerni siuttuulluni. 

Piorsaavik PI/SPS-illu immikkoortortaqarfii ilinniartitaanernilu ilinniartitsisut qanimut suleqatigiipput. Suliassanut tunngatillugu naammassiniagassanut PI/SPS-imi ikioqatigiittarpugut. 

Kontorfuldmægtigip suliassaqarfii makkuupput:

  • Allaffissorneq eqqarsaatigalugu pikkorissaanermi ilinniartitaanernilu tapersiisassalluni, soorlu oqarasuaatikkut, mail-itigut, annikitsunik nutserisarnissaq, aningaasatigut missingersuutinik regnskabinullu malittarinninneq/nalunaarsuineq
  • Pikkorissartitsinerit ingerlanneqarnissaannut aningaasassarsiorneq
  • Pikkorissaassutissanik nittartagakkut, quppersagaaraliornikkullu passissutissiinerit
  • Pikkorissartitsinermi pikkorissartussat nalunaarsorlugit, angallannermi billetsinik- , hotel-inut-, nerisassaqartitsinermut ininillu  inniminniinerit, aammalu pikkorissarnermut uppernasaatit pikkorissarnerullu nalilerneqarnera suliaralugit il.il.   
  • PI/SPS-imi pikkorissarnermut immikkoortortaqarfiup tunngaviusumillu ilinniartitaanerit suleqatigiinnerannik nukittorsaassalluni.


Allaffimmiumik aalajaatsumi,  ineriartortitserusuttumik, assigiinngiaartunillu suliaqarusuttumik kontorfuldmægtigiussarsiorpugut.

Qinnuteqarnermi piginnaasat pigaarnersiorneqartussat tassaapput:

  • Allaffimmiutut imlt. assigusumik illiniarsimasoq
  • Nammineerluni aaqqissuulluagaasumik ataqigiissaartumillu suliaqarsinnaasoq aammalu suleqatigiinnermi suliassamik aaqqiiniarnermik ujartuisinnaasoq.  
  • Sullissiumatuussaatit, aalajaatsoq suliamillu aaqqissuusillaqqittoq.
  • Qarasaasiami Officepakke ilisimalluarnissaa aammalu  IRIS, Ledelsinfo IT-reg-lu misilittagaqarfigalugit.
  • Suliat arlallit ataatsikkoorsinnaallugit
  • Kalaallit oqaasii atorluarsinnaanera iluaqutaangaatsiassaaq


Atorfik inuttalernissaa naatsorsuutigaarput novemberip aallaqqaataani 2022, allatulluunniit isumaqatigiinnikkut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk