Skip to main content
91

Dette jobopslag er udløbet

Ilisimatusarfiup instituttiini allatsi

Ilisimatusarfik allatsissarsiorpoq ilisimatusarfinni Campus Ilimmarfimmiittuni aqutsinermik suliassanik isumaginnittussamik.
Atorfik inuttalerneqassaaq 1. maj 2019 imaluunniit isumaqatigiissuteqarnikkut.
Makku sullinneqassapput: Inuiaqatigiilerinermik, Aningaasaqarnermik Tusagassiornermillu Ilisimatusarfik, Kulturimik, Oqaatsinik Oqaluttuarisaanermillu Ilisimatusarfik, Peqqissaanermik Ilisimatusarfik kiisalu Ilisimatusarfiup pisortaa.
Allatsi Ilisimatusarfiup pisortaata ataani inissisimassaaq ilisimatusarfinnilu pingasuni pisortat qanimut suleqatigissallugit.

Suliassat pingaarnerit makkuupput:
Ilisimatusarfinni pisortanut allattaaneq, soorlu imaqarniliornerni, akunnernut missingersuutit katersornerini, allaffissornikkut periaatsit suleriaatsillu ineriartortinnerini.
Pisussat pilersaarusiorneri: Allagartartaartitsinerit, isumasioqatigiinnerit, pikkorissarnerit, ataatsimiinnerit, avataaneersunik ilinniartitsisoqartitsineq.
Suliniutit ilisimatusarfiit akimorlugit ingerlasut ataqatigiissinneri aammalu periusissiorluni suliani tapertaaneq.
Aammattaaq ilinniartitsisut allaffissornikkut suliassaanni assigiinngitsuni ikiortaasarsinnaavoq, soorlu aaqqissuussinerni pisussanillu piareersaanerni.

Inuk makkunannga piukkunnaatilik ujartorparput:

  • IT-kkut atortunik atuisinnaasoq, pingaartumik Excelimik Outlookimillu
  • Suleqatikkuminartoq, suliaminut tunniusimasoq kiffartuussillaqqissorlu
  • Aaqqissuussillaqqissoq inerititaqarusuttorlu, ingerlatsinermi ineriartortitsinermilu
  • Suliat amerlatsikkaluaraangataluunniit puullaaqitikkuminaatsoq
  • Piumassuseqartoq inuttullu pissutsimigut piukkunnarnerpaaq atorfinitsitsinissami salliutinneqassaaq.

Piginnaasat makku pingaartinneqassapput:
Allaffimmiutut HK-tut tassungaluunniit assingusumik ilinnigaqarneq assigisaanilluunniit misilittagaqarneq.
Kalaallisut, danskisut tuluttullu attaveqarsinnaaneq.
Inuk ujartugarput nammineeriallaqqissuussaaq, ilinniarfimmilu ilisimatusarfiusumi sunniuteqarnissamut periarfissagissaartumi sulinissamut piareersimassaaq.

Qinnuteqaat
Qinnuteqaammut makku ilaassapput: CV & soraarummeernernut suliffigisimasanullu uppernarsaatit takussutissallu.

Ilisimatusarfimmut tunngasualuit
Ilisimatusarfimmi ilinniartut 750-it atorfeqartullu 100-t missaanniipput, nunarsuattalu issittortaata ilisimatusarfigineqarnerani qitiusumik inissisimavugut. 
Ilisimatusarfittut mikisunnguugaluarluta arlalinnik nukittuffeqarpugut – soorlu:
• Ilinniartuvut naammassigaangamik namminersortuni pisortannilu atorfinittarput 
• Humaniorami, inuiaqatigiilerinermi peqqinnissakkullu ilisimatusaatit ilinniakkallu ingerlappavut
• Avataaneersunik suleqateqarnerput pingaarteqaarput – nunatsinneersut nunarsuattalu sinneraneersut
• Inuussutissarsiortut pisortallu suliffiutaasa  atassuteqarfigiilluarnissaat pingaartitaraarput 
• Nunami ineriartortitsiviulluartumi ilisimasat nutaaliornerlu suliaqarfigaavut – inuiqatigiinni kikkut tamaasa eqqarsaatigalugit

Oqaasinnaaraarput: Ilisimatusarneq, ilinniarneq suleqatigiinnerlu aqqutigalugit Ilisimatusarfiup Issittoq ilusilersueqataaffigaa.
Pissanganartikkutsigut peqatigerusulersimallutalu, taava qinnuteqaasiorlutit aallartiinnariannguarit (CV-t misissoqqissaariarlugu).
Qinnuteqaativit nassiutinnginnerani eqqaamassavat apeqqutissatit e-mailikkut oqarasuaatikkulluunniit apuussinnaagakkit uunga: Pisortaq Henriette Nolsøe Rosing, oq. 38 56 03 & e-mail: henr@uni.gl. Apeqqutit suulluunniit ilaminniit pingaarnerunatillu pingaannginnerusanngillat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk