Skip to main content
122

Dette jobopslag er udløbet

Ilisimatusarfimmi Kulturimut Inuiaqatigiilerinermullu Immikkoortortami Studieadjunkt-imik pissarsiorpugut

Ilisimatusarfimmi Kulturimut Inuiaqatigiilerinermullu Immikkoortortami Studieadjunkt-imik pissarsiorpugut.

Ilisimatusarfimmi Kulturimut Inuiaqatigiilerinermullu Immikkoortortami Oqaluttuarisaanermi antropologimilu studieadjunktimik pissarsiorpugut. Atorfik 1. august 2021 inuttalerniarneqarpoq.

Kulturimut Inuiaqatigiillu Oqaluttuarisaanerannut immikkoortoq Kulturimut, Oqaatsinut Oqaluttuarisaanermullu instituttip ataani inissisimavoq.
Kulturimut Inuiaqatigiillu Oqaluttuarisaanerannut immikkoortoq ukiuni tallimani ilinniarnissamik neqerooruteqarpoq, ukiuni pingasuni bachelorinngorniarneq taassumalu saniatigut ukiuni marlunni kandidatinngorniarneq (cand. Mag.). Kulturimut Inuiaqatigiillu Oqaluttuarisaanerannut immikkoortortaq atorfilinnik tallimanik sulisoqartussaavoq. Massakkorpiaq immikkoortumi ilinniartut 85-it missaaniipput. Ilisimatusarfik ilisimatusarnerup atuartitsinerullu iluani nunani avannarlerni, Europap sinnerani Amerikamilu Avannarlermi suleqateqarpoq.

Suliassat
Suliassatit pingaarnertut tassaassapput:

  • Oqaluttuarisaanermi periutsinik, Inuit kulturiannik kiisalu/imaluunniit Kalaallit Nunaata oqaluttuarisaaneranik Bachelorinngornianik atuartitsineq
  • Soraarummeersitsinerit
  • Ilinniartunik aqqutissiuussineq

Ilisimatusarfimmi atuartitsineq kalaallisut, qallunaatut tuluttulluunniit ingerlanneqarsinnaavoq.

Qinnuteqartoq
Naatsorsuutigaarput:

  • Naleqquttumik kandidatitut ilinniarsimaneq
  • Kalaallit Nunaata oqaluttuarisaaneranik kiisalu kalaallit nunanilu issittormiut kulturiannik inuiaqatigiinnerannilu pissutsinik ilisimasaqarluarneq
  • Sulinermi atuartitsinermilu atorsinnaasanik kalaallit oqaasiinik ilisimasaqarneq
  • Ajornanngippat atuartitsinermik ilisimasanillu siammarterinermik misilittagaqarneq
  • Ajornanngippat nunap inoqqaavisa kulturikkut, oqaluttuarisaanikkut piginnaatitaanikkullu atugaannik misilittagaqarneq
  • Ilinniartitaanerup ineriartortinneqarnissaanut tamakkiisumik suleqataarussuseqarneq
  • Ilisimatusarnerup atuartitaanerullu iluanni kulturimik inuiaqatigiilerinermillu inerisaarusus-suseqarneq

Qinnuteqaat
Studieadjunktitut atorfininniarnermut qinnuteqaat qinnuteqaatip saniatigut makkunannga imaqassaaq:

  • Ilanngussaq 1: Curriculum Vitae
  • Ilanngussaq 2: Soraarummeersimanernut uppernarsaatit
  • Ilanngussaq 3: Saqqummersissimasat kiisalu/imaluunniit ilisimatusaatitut siammaaniarnermilu suliat ilinniartitsinerillu allattorsimaffii
  • Ilanngussaq 4: Saqqummersissimasat pingasut angullugit sammisamut siammarterinermulluunniit tunngassutillit
  • Ilanngussaq 5: Immikkoortortamut tunngatillugu siunissami ilisimatusaatiginiakkap naatsumik allaaserinera.

Neqeroorutigaarput:

  • Atuartitsisunut nutaanut ”adjunktpædagogikum” kiisalu ilisimatusaatinik angusiniarneq siunertara-lugu sammisat itisilernissaat.
  • Studieadjunkti Ilisimatusarfiup ph.d.-nngorniarnissamut piumasaqaataanik naammassinnittoq, piffissami kingusinnerusumi adjunktitut ph.d.-mik ilalimmik atorfimmut ingerlaqqissinnaavoq.
  • Studieadjunktitut atorfeqartitaaneq ukiunik 6-nik sivisussuseqarpoq. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu sivitsorneqartarpoq.

Atorfinitsitseriaaseq
Qinnuteqaatit takkuttut tamarmik atorfinitsitsinissamut suleqatigiissitaliamit nalilersorneqassapput.

Atorfik pillugu paasissutissat annertunerusut pissarsiarineqarsinnaapput Immikkoortortami pisortap Ebbe Volquardsen-ip oqarasuaat +299 385677 atorlugu saaffigineratigut.

Ilisimatusarfik pillugu paasissutissat annertunerusut uani atuarneqarsinnaapput: www.uni.gl

Ilisimatusarfik pillugu.
Ilisimatusarfik – Grønlands Universitet –1987-imi pilersinneqarpoq. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk