Skip to main content
122

Dette jobopslag er udløbet

Ilisimatusarfimmi Inuiaqatigiilerinermik ilinniarfiup Isumaginninnermut Siunnersortinngorniarfiani inulerinermi ilinniartitsisussarsiorpugut

Isumaginninnermut Siunnersortinngorniarfik suleqatissarsiorpoq atuartitseqataasussamik. Atorfik sammisap tungaatigut inerisaanissamik suleqatinillu paarlaaqateqarnissamik periarfissiilluarpoq.
Atorfinitsitsineq 1. august 2021 tamatumaluunniit kinguninngua pisinnaavoq.

Atorfiup isumaginninnermut siunnersortimik, ajornanngippallu masteritut kandidatitulluunniit ingerlaqqissimasumik, imaluunniit kandidatitut/masteritut ilinniarnermut taarsiussinnaasumik ilinniakkanik pikkorissarnernilluunniit allanik sullivinniluunniit misilittagalimmik, inuttalerneqarnissaa kissaatigaarput. Atorfinitsitsinermi atorfinittup ilinniaqqinnissaa siunertaralugu piginnaasanik ineriartortitsinissamut pilersaarusiornissaq pingaartinneqassaaq.

Isumaginninnermut Siunnersortinngorniarfiup ilinniartitsisui tassaapput isumaginninnermik siunnersortit, tarnip pissusaanik ilisimasallit, sociologit, inatsisilerituut kiisalu inuiaqatigiilerinermik ilisimatuut. Taakkua atorfinittussaq peqatigalugu ilinniartut nalunaarsorsimasut 50-it missaat atuartitarissavaat. Ilinniarfiup ilinniartitsisuisa amerlanersaat sammisamut tunngasunik ilisimatusartuupput, soorlu: Meeqqat inuusuttullu, suiaassuseq, inuiaqatigiinni politikki, inuiaqatigiinni navianartorsiortuuneq, innarluuteqarneq  kiisalu naalagaaffik atugarissaarfiusoq.

Professionsfaglærer/Ilinniartitsisup suliassai pingaarnerit:

  • Isumaginninnermut siunnersortinngorniarfimmi atuartitsineq
  • Ilinniartitaanerup aaqqissugaanerani pilersaarutaanilu allassimasut malillugit atuartitsinermik piareersaasiorneq
  • Ilinniartitaanerup iluani sammisaqartitsinerit
  • Ilinniarnerup immikkoortuani ataatsimi arlalinniluunniit akisussaasuuneq
  • Ilinniartunik aqqutissiuussineq, aamma/imaluunniit praktikkernerup nalaani
  • Ilinniartunik soraarummeersitsineq
  • Ilinniarfiup iluani censoriuneq

Ukiup ingerlanerani angalanerit pisarsinnaapput.

Atorfilittut immikkoortortap iluani makkua peqataaffiusassapput:

  • Immikkoortortami ataatsimiinnerit
  • Ullut pædagogikki pillugu sammisaqarfiit
  • Ilinniartunik ataatsimeeqateqarnerit
  • Instituttimi ataatsimiinnerit kiisalu suliassat aqutaasut allat allaffissornermilu suliassat

Kissaatigaarput qinnuteqartoq makkunannga pigisaqartoq:
Siammarterinerup atuartitsinerullu tungaatigut misilittagaqarneq nuannarisaqarnerlu.
Kalaallit Nunaanni inuiaqatigiit inissisimanerannik ilisimasaqarluarneq.
Qallunaat kalaallillu oqaasiinik piginnaasaqarneq tuluttullu oqalussinnaaneq.

Neqeroorutigaagut:

  • Sullivik sammisap tungaatigut nukittooq
  • Inuttut piginnaanngorsarnissamik periarfissat
  • Nammineq ineriartuutitut sammisamik itisiliinissamut periarfissat
  • Inuiaqatigiilerinermi ilisimatusartunut peqataanissamut periarfissat
  • Sulianut ineriartuutaasunut assigiinngitsunut peqataaneq

Attavissaq/paasissutissat:
Atorfik pillugu annertunerusunik paasisaqarusukkuit tikilluaqquatsigit Instituttimi aqutsisup Gestur Hovgaard-ip oqarasuaat +299 292595 imaluunniit +299 385672 atorlugu attaviginissaanut.
Ilisimatusarfik pillugu paasissutissat annertunerusut uani atuarsinnaavatit: www.uni.gl

Ilisimatusarfik pillugu.
Ilisimatusarfik – Grønlands Universitet –1987-imi pilersinneqarpoq. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk