Skip to main content
66

Ilisimatusarfimmi Ilinniartunut sullissivimmut AC-fuldmægtigitut erninermut atatatillugu sulinngiffeqarneranut taartaasussaq

Ilisimatusarfimmi ilinniartunut sullissivimmi AC-fuldmægtigip erninermut atatillugu sulinngiffeqarnerani taartaasussaq
Ilinniartitaaneq soqutigaajuk? Peqqissaartuullutillu tulleriiaakkamik sulisarpit? Suleriaatsinik nutaanik neqeroorutissaqarpit?

Suleqatitsialaat, ulloq suliffik allanngorartoq, ineriartorneq sunniuteqaqataanerlu pingaartikkukkit – aap, taava atorfik ilinnut piukkunnarpoq. Erninermut atatillugu sulinngiffeqarnerni taartaasussaq takorloorutigaarput 1. maj 2020 aallarnerfigalugu atorfinissinnaasoq imaluunniit isumaqatigiissuteqarnikkut.

Atorfik pillugu
Ilinniartunut sullissivimmi suleqatigiit 9-avugut, ilinniartunik 700-nik ilinniartitsisunillu 100-nik sullissisut. Ikittunnguugatta tamakkerluta suliavut akimorlugit suleqatigiittarpugut, saniatigullu immikkut nakkutigisaqarluta.

Ilinniartunik sullissivik ilinniartunik, suleqatinik, innuttaasunik avataanilu suleqatinik atassuteqarfiuvoq. Inunnut assigiinngitsunut attaveqarsinnaaneq pingaaruteqarpoq, eqqaamaneqassaarli ilinniartut salliutillugit maaniikkatta, atorfissaqartikkaangatigullu ikiuigasuarsinnaassagatta.

Suliassatit

  • Ilinniartut ilinniartuunerisa allaffissornertaat – ilinniarlutik aallartinneranniit naammassinerannut.
  • Ilinniartitaanermut Naalakkersuisoqarfik suleqatigalugu ilinniartut tapisiaqarnerisa ingerlanneqarnerat.
  • Ilinniartut tapisiaannut angalaneriullu tunngatillugu aqqutissiuussineq apeqqutinillu akiortuineq.
  • Suleriaatsit sullissinerillu piorsaaviginerini suleqataaneq.
  • Inerisaanerni paasiniaaqqissaarnernilu pisortamut ikiortaaneq.


Piginnaasat

  • Ilinniagaqarneq.
  • Ajornanngippat pingasunik oqaaseqarneq: kalaallisut, qallunaatut tuluttullu.
  • Suliassanut tamanut kajumissuseqarneq.
  • Assingusumik atorfeqarsimanissaq iluaqutaassaaq, piumasagaataanngilarli.
  • Qarasaasiakkut syteminik piginnaasaqarluarneq.


Atorfiup iluani suliassat amerlasuut sullissinerupput, taamaammat inatsisit atuuttut tunngavigalugit namminersuutigalugu isummersinnallutillu aalajangiisinnaassaatit.

Neqeroorutigaavut
Suliffik isummersorfiusoq uummaarissorlu, pikkorissunik soqutiginnittunillu sulisulik, kiisalu immikkoortortaq suleqatigiilluarfiusoq, akisussaaffeqarfiullunilu ataqqinniffiusoq.
Suliffik ilumoorsaarfiunngitsoq qiimasunik sulisulik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk