Skip to main content
91

Dette jobopslag er udløbet

Ilisimatusarfik atuagaatilerisumik sulisussarsiorpoq

Atuakkuanik (takorluukkiat suliamulluunniit tunngasut) ilinniartunut ilinniartitsisunullu paasissutisseerusuppit, atuakkanillu atorniartarfiup paasissutisseeriaasia nukittorsarusuppiuk - taava Ilisimatusarfiup atuagaateqarfiani atorfissaqartippatsigit.

Atorfik
Ilisimatusarfimmi atuakkanik atorniartarfimmi sulisup aapparilissavaatit, tassanilu ulluinnarni Groenlandica Nunattalu Atuagaateqarfia suleqatigilluarpavut.

Atorfimmut atatillugu ilinniartut, ilinniartitsisut atorniartartullu allat sullinneqartarput, ukiuilu, soqutigisaat inuunerminnilu inissisimanerat apeqqutaatinnagit tamarmik pitsaasumik sullinneqarnissaat pingaartitaraarput.

Iluaqutaassaaq atuakkanik suliamut tunngasunik soqutigisaqaruit, kiisalu atuakkiat oqaatsillu ilinniartunut ilinniartitsisunullu soqutiginarsarsinnaagukkit.   

Suliassat

  • Paasissutissiinermi sakkussanik pisiortorneq ingerlatitseqqiinerlu, taakku iluanniillutik pisinermit allaffissornermillu nutarterinermut atorunnaarsitsinermullu.
  • Ilisimatuunut, ilinniartitsisunut ilinniartunullu paasiniaavissanik innersuussineq atuakkanillu suliamut tunngasunik kalaallisut, qallunaatut tuluttullu siunnersuineq ilinniartitsinerlu.
  • Atuakkanik atorniartarfiup elektroniskimik atortorissaarutaanik siammarterineq.
  • Atuakkanik atorniartarfiup ammanerani saaffiginnitunik sullissineq.
  • Paasissutissanik ujartuineq.
  • Atuakkanik atortunillu nalunaarsuineq.
  • Atorniakkanik avataaneersunik inniminniineq.


Piginnaasat

  • Sammisamut naleqquttumik ilinniagaqarneq, soorlu paasissutissiinermut ilisimatusarneq, bibliotikaritut ilinniagaqarneq DB, cand.scient. bibl. kiisalu/imaluunniit suliamut tunngatillugu immikkut ilisimasaqarneq.
  • Kalaallit, qallunaat tuluillu oqaasiinik piginnaasaqarluarneq.
  • Paasissutissiinermi sakkussanik piniarnermik suliaqarnermillu misilittagaqarneq.
  • Ilinniartitsinissamut, siunnersuinissamut siaruarterinissamullu kajumissuseqarneq.
  • Ilinniartunut sulisunullu sullisserusunneq.
  • Sullissillaqqissuuneq.
  • Piffissap ilaani suliffiup ulapaarfiusinnaanera piareersimaffigissavat – pingaartumik ilinniarnerup aallartinnerani.
  • Ilinniaqqinnissamut periarfissaqarpoq.


Piffissaq atorfiniffissaq
Januarip aallaqqaataani 2021 imaluunniit isumaqatigiissuteqarnikkut.
Atorfik sapaatip akunneranut 40 tiimit suliffiuvoq.

Qinnuteqaat nassiuguk
Atorfik pissanganartikkukku suleqataarusukkuillu, taava qinnuteqaatit allaguk (kiisalu CV nutarsagaq ilinnut tunngasoq ilanngullugu) nassiullugulu.

Apeqqutissaqaruit Ilisimatusarfimmi pisortamut Henriette Nolsøe Rosingimut sianerlutit paasiniaasinnaavutit, oq. normu 38 56 03-mut. Apeqqutinut sunulluunniit ammavugut.

Ilisimatusarfik pillugu
Ilisimatusarfiuvugut 750 miss. ilinniartulik 100-nillu sulisulik, Issittullu ilisimatuutut misissuiffigineqarnerani qitiulluta.

Universitetitut mikisunnguugaluarluta nukittoquterpassuaqarpugut, soorlu: 

  • Suliffeqarfiit namminersortut pisortanillu aqunneqartut sullippagut. 
  • Humaniora (inunnut tunngasut), inuiaqatigiilerineq peqqinnissarlu ilisimatuutut suliffigaavut. 
  • Avatitsinnik suleqateqarneq pingaarteqaarput, nunatsinni nunanilu tamalaani. 
  • Suliffeqarfinnik pisortallu ingerlataannik attaveqarnissaq pingaartipparput. 
  • Nunarsuup ilaanit sukkasuumik ineriartorfiusumit ilisimasanik nutaaliornermillu pilersuivugut. 


Taamaattumik oqaasinnaaraarput: Through research, education and cooperation Ilisimatusarfik is shaping the Arctic.

Ilisimatusarfik pillugu.
Ilisimatusarfik – Grønlands Universitet – issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik.


Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.  
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa. Paasissutissat Ilisimatusarfik pillugu uani nanineqarsinnaapput www.uni.gl
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk