Skip to main content
114

Dette jobopslag er udløbet

Ilinniartoq ikiorti digitalikkut attaveqaqatigiinnermut pikkoriffilik

Suliniutini ineriartortinneqartuni akisussaaffeqarlutit, sunniuteqaqataallutit erseqqissumillu allanngueqataaffigisinnaasanni peqataarusuppit?  Attaveqaqatigiinnikkut suliassanik siammasissunik suliaqarnissannut aammalu nittartakkatigut imarisaasunik aaqqissuinissamut, nutaarsiassatigut immersuinermi siunissamilu digitalikkut aaqqiivigisinnaasanik ingerlatsisinnaanissamut piareersimavit?  Taava immaqa tassa illit Isumaginninnermut Aqutsisoqarfimmi ilinniartoq ikiortissarput.

Atorfik pillugu

Ilinniartumik ikiortimik allaffissornikkut annertuumik ilisimasalimmik pingaartumillu digitalikkut attaveqaqatigiinnissamut ilisimalikkanik nittartakkatigullu atugassanik,pikkorissartitsinissamut isaariamik, videoliatsinnut aammalu digitalimik systeminik atuinitsinnik pitsaassutsimik qulakkeerinnissinnaasumik ineriartortitsisinnaasumillu ujarlerpugut. Upperaarput illit ilinniartutut ilisimasanik nutaanik ulikkaartutit, isumassarsiat pitsaasunik aammalu nukinik nutaanik peqartutit, taamaasillutillu aqutsisoqarfipput pitsaaninngortissinnaallugu. Uagutsinni ilinniartutut ikiortitut ineriartorluarsinnaavutit ilimagaarpullu suliassanik ajornakusoornarsinnaasunik naammassinnilluarsinnaasutit.

Atorfimmut tulluussaguit suliassanik siammasissunik assigiinngiiaartunillu ammallutillu aalajaatsuussaatit, namminersorsinnaallutit Isumaginninnermut Aqutsisoqarfiullu iluani immikkoortortani tamani avitseqataasinnaasuussallutit. Peqqiissaartuunissat, isumassarsiatsialannik pilersitsisartoq, tunniusimasoq suleqatigiinnernillu suliassanillu namminersorlutit pilersitsisinnaanissat pingaartipparput.

Suliassatit ilaatigut makkuussapput:

  • Isumaginninnermut Aqutsisoqarfimmi immikkoortortani nittartakkat ineriartortinnissaanut, imarisaasinnaasunik pitsaasunik pingaarutilinnillu tunisinermi tapersiineq
  • Nutaarsiassaatitsinnut nittartakkamilu paasissutissanik nutaanik ikkussuineq
  • Ulluinnarni sueqatitillu ajornartorsiutaasinnaasunik nalaassinnaasanik aammalu videokkut atugassanik, killuinermut, teknikikkut sulianut tunngatillugu paasissutissanik avitseqatigiinneq
  • Immikkoortortaqarfiup iluani attaveqaqatigiinnissamut ikorfartuisussanik suleriaatsinik, immersugassanik allanillu sulinermi atortuusinnaasunik suliaqarneq
  • Attaveqaqatigiinnissamut eqimattami, imarisaasussanik pilersaarusiornermik sanaartorfiusumi ilaaneq
  • Allaffissornikkut suliassat suliarineri soorlu ad hoc-ikkut suliassat assersuutigalugu immikkoortortani suliniutit aaqqissorneri, ataatsimiinnerit pilersaarusiorneri, ullormi sammisassanik imaqarniliannillu nassiussineq, sullivinni aaqqissuussaanerit ilusii titartaganngortitat nutarterneri assigisaalu.

Naatsorsuutigaarput, illit:

  • TNI, Ilinniarfissuaq, Ilisimatusarfik imaluunniit assigisaanik ilinniarnermik ingerlatsisutit
  • IT-kkut suliaqarnissamut pikkoriffeqartuit imaluunniit digitalikkut attaveqaqatigiinnermut pikkoriffeqartutit
  • attaveqaqatigiinnermik pikkoriffigisaqartutit aammattaaq allattariarsornikkut
  • namminersorsinnaasutit, iluasaartumik sulisinnaassuseqartutit, tamakkiisumik paasinnissinnaassuseqartuusutit, isumaqatigiissutinut eqquutsitsisuusutit siunersiuillaqqissuusutillu
  • sullisserusussuseqartuusutit, aalajaatsuullutit ilisimasaqarfigisannullu tunngasunut apeqqutinut annikitsuniit annertuunut ikiuussinnaasutit

Kalaallisut danskisullu allassinnaanikkut oqalussinnaanikkullu piginnaasaqarluarnissat
iluaqutaassaaq, piumasaqaataananili.

Illilli makku pissarsiarissavatit:

  • atorfik aqutsisoqarfimmi piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq
  • Suliffik ineriartornissamut eqqumaffilik, suliani sunneeqataaffiusoq suleqatillu allat assigalugit akiussaaqataaneq, taamaattorli sapaatip akunneranut akunnerni annerpaamik 20-ni. 
  • suliffeqarfik ilisimasaqarluarfiusoq, siunersiuinermik pingaartitaqarfigisarput pitsanngoriartuinnavinnissarlu anguniarlugu immitsinnut ikioqatigiiffigisarput peqataaffigilissavat
  • aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliussisoq
  • suleqatit pitsaasut suleqatigiilluarnissamik pingaartitsisut - aamma ulapaarfimmi
  • persuarsiorpalaanngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq,
  • Suliffeqarfik iliniarfiusoq, siunissamilu ilinniareernerup kingorna suliffissarsiulernermi iluaqutissanik aallerfiusoq.

Atorfik Isumaginninnermut Aqutsisoqarfiup allattoqarfiani inissisimavoq, ataqatigiissaarinikkut, paasissutissiisarnikkut ineriartortitsinikkullu immikkoortortaqarfiup iluani ingerlatsinermut iluarsaaniarnermut iliuutsinut tapiisuulluni. Allattoqarfimmi suleqatitut Isumaginninnermut Aqutsisoqarfimmi akusussaaffimmik annertuumik tigummisaqarneruvoq, taamaakkaluartorli ilinniarnermut atatillugu piffissarititaasut eqqarsaatigalugit aalajaatsuulluni.

Meeqqanut, Inuusuttunut, Ilaqutariinnut Inatsisillu Atuutsinneqarnerannut Naalakkersuisoqarfimmi Isumaginninnermut Aqutsisoqarfik immikkoortortaqarfinnut arfineq marlunnut ima agguarsimavoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Meeqqanut Inuusuttunullu immikkoortortaqarfik, Innarluutilinnut immikkoortortaqarfik, Sullissisunut siunnersuisarfik, Innuttaasunut immikkoortortaqarfik aamma Allattoqarfik.  Immikkoortortaqarfiit qanimut suleqatigiittarput, suliffiuvorlu suliffimmi pitsaasumik avatangiiseqarnissamik assigiinngissutitsinnillu pingaartitsiffiusoq.

Ulloq sulilerfissaq
16. august 2021 isumaqatigiissuteqarnikkulluunniit.

Qinnuteqarfissaq kingulleq tassaavoq ataasinngorneq ulloq 9. august 2021 nal. 12.00 (Nunatta nal.)
Sulilersitsinissamut oqaloqatiginninnerit ingerlaavartumik ingerlanneqarsinnaapput imaluunniit qinnuteqarfissap kingulliup pereernerata kinguninnguani.

Akissarsiat atorfinitsitaanermilu atugassarititaasut

Akissarsiat atorfinitsitsinermilu atugassarititaasut atorfinitsitaanerup nalaani Naalakkersuisut atorfinittussallu kattuffiata isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.
Aallaavittut suliffigisassap sapaatip akunneranut akunnerit 16-20-iussapput, taamaattorli ilinniarnermut atatillugu piffissarisaasut aallaavigalugit isumaqatigiissuteqartoqarsinnaalluni.

Ineqarneq

Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni.

Paasissutissat sukumiinerusut
Atorfimmut tunngatillugu paasisaqarnerorusukkuit Allattoqarfimmi pisortaq Sheila Flyckt Steen saaffigisinnaavat uunga oqar.: +299 54 66 66.

Qinnuteqaatit CV, ilinniarnermullu uppernarsaatit, karakterinut takussutissaq kiisalu paasissutissat allat pisariaqarsinnaasut ”qinnuteqaat nassiuguk” toorlugu nassiutikkit.

E-mailikkut qinnuteqaatinik tigusineq ajorpugut.

Isumaginninnermut Aqutsisoqarfik pillugu sukumiinerusumik atuagaqarsinnaavutit uani Socialstyrelsen.gl

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk