Skip to main content
89

Dette jobopslag er udløbet

Ilinniartitsisunik Niuernermik Ilinniarfik Nuummut

Niuernermik Ilinniarfik, aningaasaqarnermi- teknologimi aammalu TNI-mut ilinniartitsisunik pissarsiorpoq

Niuernermik Ilinniarfik ilinniarfiuvoq eqeersimaartoq ingerlalluartorlu, assigiinngitsorpassuarnik inuussutissarsiuteqarnerup tungaatigut ilinniakkanik neqerooruteqartoq. Siunissaq pissanganartoq ornipparput, suliniuterpassuarnik ulikkaartoq. Taamaattumik massakkut ilinniartitsisumik pissarsiorpugut.

Makkua suliarisinnaavatit…

  • IT-mi ilusilersuineq AU (ilisimatusarnermik ilinniagaqartut qaffasissusaat naligalugit)
  • Programmiliorneq AU(Ilisimatusarnermik ilinniagaqartut naligalugit)
  • IT-mik isumannaallisaaneq AU (Ilisimatusarnermik ilinniagaqartut naligalugit)
  • Inuussutissarsiornermi aningaasaqarner AU (Ilisimatusarnermik ilinniagaqartut naligalugit)
  • Aningaasanik aqutsineq AU (Ilisimatusarnermik ilinniagaqartut naligalugit)
  • Misissueqqissaarneq aamma naatsorsuuserineq (Bachelor naligalugu)
  • Naatsorsueqqissaarneq AU (Ilisimatusarnermik ilinniagaqartut naligalugit)
  • Nunarsuarmi aningaasaqarneq (ilisimatusarnermik ilinniagaqartut naligalugit)
  • Suliffeqarnermi inatsisit AU (ilisimatusarnermik ilinniagaqartut naligalugit)
  • Inuiaqatigiilerineq (EUD)
  • Oqaatsit – qallunaatut, tuluttut aammalu kalaallisut (EUD)


Ilinniartitsisutut ilinniartitaanermi nakkutilliisut tunuliaqutarissavatit aammalu sulininni ilinniartitsisut allat suleqatigissavatit. Sulianni pingaaruteqartussaavutit, ilinniartitseriaatsimik siunissamik takorluukkanik aammalu pilersaarutinik pinngorartitsisussaallutit.
 
Kissaatigaarput…
Inuussutissarsiutigalugu- aammalu qaffasinnerusumik ilinniagaqarsimassasutit, kissaatiginarpoq pædagogikummimik naammassisaqarsimassasutit. Sulinermik qajannaatsumik misilittagaqarsimassasutit, ilinniartitsinermik ilikkartitsisinnaanermillu misilittagaqassasutit. Ilinniartitsisugut pitsaasumik suliassanullu piumassuseqarluartuupput aammalu ineriartornitsinni suleqatigiinneq avitseqatigiinnerlu pingitsoorneqarsinnaangillat. Oqaatsinik arlalinneq piginnaaneqarsinnaavutit.
Pisuni tamani pingaaruteqarpoq eqeersimaartumik pissuseqassasutit, suleqatitit ilinniartullu eqqarsaatigalugit.

Neqeroorutigissavarput…
Suliffik pissanganartoq, ilinniarfimmi ineriartortumi, aammalu suliatigut pikkorissarnertigut ilinniaqqissamillu ineriartorfiusoq.  Pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.

Akissarsiat atorfininnermullu atugassarititaasut
Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat, atorfinitsitsinermi soraarnermi atorfininnnermilu pequtit assartorneranni, atuuttuusoq kattuffiullu allap isumaqatiginninniarsinnaatitaasup isumaqatigiissutaat atuuttut malillugit pissaaq.

Sulinerup sivisussusaa nal.ak. 40-t sap.ak.-nut. Sulilernissaq 1. januar 2020 imaluunniit isumaqatigiinneq malillugu.

Ineqarneq
Atorfimmut atatillugu inissaqartitsisoqanngilaq. Maannakkulli suliffimmiik Namminersorlutik Oqartussat aqqutigalugit ineqareersimaguit tigummiinnarsinnaavat.
Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat allat
Ilutsinni ilinniartitsisutut imminut takorloorsinnaavit, atorfimmilu annerusumik paasisaqarusullutit, taava ilinniarnermut nakkutilliisoq Marie Damkvist attavigisinnaavat, oqarasuaat +299 34 25 59 imaluunniit mail mada@ninuuk.gl, imaluunniit Frederik Lundblad, oqarasuaat +299342585 imaluunniit mail frlu@ninuuk.gl

Niuernermik Ilinniarfik pillugu paasisaqarsinnaavutit ugguuna www.ninuuk.gl.

Qinnuteqaat
Qinnuteqaat, oqaaseqaatit sulisimanermut uppernarsaatit assigisaalu uunga nassiunneqassapput mada@ninuuk.gl kingusinnerpaamik ulloq 11. november 2019. atorfik pillugu oqaloqateqarneq ataavartumik pissaaq, qinnuteqarfissaq naanissaata tungaanut.


tusarfiginissat qilanaaraarput!



 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk